無緣摸到搭到 SM1 真車，亦未去過新界嘗試搵綠色 SM1 車殼出黎，從來亦無咁多零用錢買 SM1 模型
不過半年前無意中經過 Manchester 交通博物館，影到掂到 SM1 現存保留得最完整既兩個姊妹
車隊編號 1722，車牌 XVU352M，1974 年 6 月出牌，效力 Greater Manchester PTE，比中巴 SM1 年長半年
2p 車費似乎跟當年香港流水線巴士差唔多 (假設當年都係 1 兌 12 咁上下)，都唔知幾時開始英國巴士貴成咁
除左霧燈、牌箱同埋車頭價錢牌告示框，外觀跟漆上藍白色車身既 SM1 幾乎一樣
睇相得知 SM1 都係用呢款鈴，驟眼睇呢種樣既車鈴係中巴車隊中好普遍，唔計佳牌、LM、XF、MC、Ailsa、Dominator，似乎大部分熱狗型號都用佢
後轆
睇相 SM1 車尾都係咁樣，包括車尾燈，1722 相比之下比較失色既有內籠張凳
錶板係咁樣，估計 SM1 應該都係咁既款式，睇翻上面車頭張相 1722 同 SM1 錶板形狀同高度都差唔多，
相信中巴當年無乜買開 Seddon 產品都唔會特別要求錶板上需要有咩野特別規格
19 座，1+2 熱狗位，以英國城市巴士座位黎講，90 年代尾既巴士仍然採用緊 (兼且唔知幾時開始演變成絲絨
)相比之下，SM1 座位以今日英國城市巴士標準黎講仍然係超班，英國至今新出牌城市巴士連頭枕都無，坐墊背墊愈整愈薄
唔計尾排，左邊共有 4 排凳，睇過早年 SM1 黑白相，似乎最早期左邊都係 4 排凳，即係全車 23 座位，
但有不同渠道講過 SM1 係 25 座位，話唔定係後期更改過
內籠唔計座位、車窗，應該只有牌箱蓋無訂車牌仔，而估計定位做豪華巴士既 SM1 應該都毋需天花板個堆皮圈扶手
1362/EX62、GNC276N，1975 年 2 月出牌，為 Seddon 建造兩部電動版本之一
兩部樣板車可能因為車廠運作需要而推遲車身及底盤編號，以出牌車身編號計算，SM1 就係呢兩部車中間
英國早年都試驗過唔少新野，有石油氣珍寶/Atlantean、Dominator 無軌電車 (城巴搵 701 而唔搵 205 試無軌電車可能都係基於此原因)
電動小巴當然係其中之一，不過相比其他國家，英國非柴油巴士研發似乎停滯不前，
只有大城市大集團公司近年開始試下新野，例如呢間博物館出面隔三幾條街就可以見到好多 Volvo B5LH 混能巴士
電動版 Pennine IV 用呢種五個窿車鈴
兩部巴士車門都係開著，不過以此角度睇，車門款式應該跟 SM1 同款
剛才張相睇落去地台唔係好高，而從呢個角度睇，梯級雖然唔厚，但足有三大級，不過定位做豪華巴士應該問題不大
跟 SM1 最大分別就有呢個英國獨有既車票收集箱(暨垃圾筒)，昨日係街先睇著巴士司機於中途站換更時將個空汽水罐丟入去
內籠同上面部 1722 一樣，不過有幾碌直扶手變左好似個控制器或者採訪 mic 咁，同埋天花板無左皮圈扶手
從網上見到當年報紙刊登 SM1 黑白相好似係有天窗既，應該就係圖中咁既效果
Seddon Pennine 系列個錶板似乎屬於複雜類別，雖然形狀美觀，但各項控制器排列唔算整齊
驟眼睇落去 1362 同埋上面 1722 最大分別應該係無波掣，拍攝當日搵左一兩分鐘都唔太察覺到波掣存在，
不過摩打軀動既車運作上好似通常都毋需波箱，咁應該唔使波掣，只需方向掣就可以了
以上係今年 6 月中攝於 Manchester Transport Museum，網址 www.gmts.co.uk，入場費大約係 SM1 模型 1/10 左右
