香港巴士論壇

DennisTrident :事情係咁嘅, 本人今年中三, 明年就升中四。
升得中四, 就要揀兩個或三個選修科目, 我間學校有十一個選修科目比我地揀 :
1. 地理 2. 中國歷史 3. 西史 4. 中國文學 5. 經濟 6. 會計及財務概論
7. 生物 8. 物理 9. 化學 10. 資訊及通訊科技 11. 視覺藝術

到而家, 我仲係好迷惘, 唔知揀咩科好,
我淨係知道, 我好憎物理, 同咪對視覺藝術、商科、生物冇興趣,
只係對地理、中國歷史有些興趣, 但係自問地理成績唔係太出眾,
中國歷史嘅成績又唔太好 (次次都係 60 幾分, 份卷全部都係資料題嗰隻)......
希望大家比D意見我! 先謝!

講真..興趣行頭~
我唔認同理科易拎分過文科..
反而迫自己讀唔鐘意既科更加讀唔好!!
其實F.1~3應該反映到你鐘意讀咩?

1. 我自己好鐘意呢科.所以讀起上黎會易上手..
以我所知好多人對地圖題有困難..

2. 中史 最好有較佳記憶力(潛移默化入到腦最好)..寫題目較好既分析能力都重要~


3. 西史 同上.. 但時間應該比中史更加唔夠..論述題你要有心理準備要45分鐘寫千幾字..要個腦一路轉隻手一路狂寫!!
不過呢D你寫得多會習慣

4. 未讀過..不過友人既意見都唔多好..A或B比較難攞..比較沉悶..唔係太有興趣你就認真考慮清楚~

5. 易PASS難A,B... M.C.題目有d好陰濕用黎分邊d係A,B級人馬..要有好強分析判斷..思維同知識...但其他普遍比較易~ (尤其而家冇AL ECON )

6.會計..學過但已經唔係中學階段黎..冇乜呢方面資料~

7. 未學過..不過聽人講呢科已經比其他2科易~

8.未學過..普遍話呢科較難

9.學過少少但已經唔係中學階段黎..冇乜呢方面資料~

10.未學過..普遍人話合格易(印象中CE果陣數據都係比其他科多%比人pass)

11.未學過..唔鐘意就唔好搞..但讀你要為左呢科通唔知幾多個頂(所謂為藝術而犧牲)..
會唔會影響其他科就睇你自己時間分配..但呢科應該會揀人讀所以C或以上既比率係比其他科高好多
*不過我識得個唔太鐘意畫既人又唔知點解入左呢科..最後得E..所以自己衡量下~

我未讀過DSE..不過有望過西史,地理,ECON 既DSE 係點考既~
略望過下地理變得多D..而家要寫長文.
其他就大同小異.. (有錯請指)

CE同DSE分數對照參考:
A =5*/5**
B =5
C=4
D=3
E=2
F=1
U=U


英文唔得..幾多分都係假..你去邊間大專大學都比人標籤左..受盡白眼~
你想揀讀咩都冇幾多你簡..而且絕大多數學校都唔收(大學一定唔收)..
就算比你上到去都係對住英文..好蝕底同好吃力!!
衰D講句..英文唔得真係生存唔到..英文得好多野都比人著數..真係!!

當然中文數學通識都要達標

GNZ9068 :

DennisTrident :事情係咁嘅, 本人今年中三, 明年就升中四。
升得中四, 就要揀兩個或三個選修科目, 我間學校有十一個選修科目比我地揀 :

1. 地理 - 我自己係過來人, 好好讀. 但長答題拎分唔簡單, 而且寫字都多. 我好鐘意呢科.
2. 中國歷史 - 眼見第一年全級本來都係得唔夠廿個人讀, 第二年直情得返五個人都唔夠..
3. 西史 - 同中史唔同玩法, 唔係死背, 睇過題目都唔易, 好多彎要轉.
4. 中國文學 - 你中文本身好就去馬, 但聽聞係勁人失會讀 (好似係) 呢個唔太清楚, 以前自己學校冇, 但fd有
5. 經濟 - 非常好讀, 唔難, 但易失分. 我有讀.
6. 會計及財務概論 - 比經濟難, 但同經濟一齊讀有著數. 開頭教企業會較多文字, 對我黎講係 Common Sense, 後尾教計數就多 Format 要記. 自問有底都覺煩, Dropped. 但讀到好著數, 所以千萬唔好唔考慮, 否則受害係自己.
7. 生物 - 對唔住我好憎Science, 不過讀到就讀, 考試比文商科都易拎分.
8. 物理 - 對唔住我好憎Science, 同上
9. 化學 - 對唔住我好憎Science, 同上
10. 資訊及通訊科技 - 讀黎晒氣, 就算大學讀Computer 類都根本唔洗一定要呢科. 係好易呀, 不過咪晒左個科囉.
11. 視覺藝術 - 讀死你呀! 我半個女友咪讀呢科囉.

M1、M2：讀到M2 就讀 M2, 讀唔到就M1. 入大學有幫助. 講明先, 讀到你就叻仔, 兩M都讀唔到都唔好太傷心, 真係難.

最緊要係英文同數學呀!!! 中文同通識都可以放第二, 大學收人就睇呢兩科!!!

樓主加油

利伸：逃離了DSE

但個問題係第一屆DSE好多人都係全部5 or above, 但中文2左呢
今年見好多學生(包括我)都好努力咁衝緊中文, 拎多D中化做backup

其實我中文都唔係咁好, 尤其係閱讀理解 (反而作文平比人略高) , 我試過好多方法去改善問題,
但最後都係徒勞無功 (最近嘅中文班測 13/35 , fail 左),
我想問, 要提升呢方面嘅能力, 除左可以多閱讀之外, 仲有咩方法?

希望各位師兄積極比D意見, 我唔想中文考試閱讀卷 fail, 或者僅僅合格, 又或者將來 DSE 肥左中文......

DennisTrident :其實我中文都唔係咁好, 尤其係閱讀理解 (反而作文平比人略高) , 我試過好多方法去改善問題,
但最後都係徒勞無功 (最近嘅中文班測 13/35 , fail 左),
我想問, 要提升呢方面嘅能力, 除左可以多閱讀之外, 仲有咩方法?

希望各位師兄積極比D意見, 我唔想中文考試閱讀卷 fai, 或者僅僅合格......

由於NSS中文科涉及唔少中國傳統文化，除咗閱讀之外，要背好文言文用字詞義，熟嘅話可以攞6-9分（文言閱讀有詞義、句子解釋），記下寫作手法嘅作用等等；另外唔知你將來學校會唔會教「儒道墨法」呢四個比較主要嘅先秦學術思想，呢啲都要睇下。