GU1776@34 :

lawrencewong :選科主要考慮因素有三個，包括興趣、成續、入U想讀嘅科/將來工種。
興趣同成續有一定程度上嘅掛勾，如果對某d科目有興趣，而成續亦適合讀，咁就揀得過嘅。
如果冇興趣你又會讀得辛苦，又浪費時間，遲D又要Drop科，Opportunity cost 咁大。
讀Science Subjects 的確有一定程度優勢，因為大學有某一類學科係必須有Science Subjects 是但有科/專門要求。
但必須留意既然你嘅Science Subjects 冇興趣又唔係好成績，揀黎有咩好呢？小弟嘅建議係唔好揀啦...同埋重點依家係必須正視及處理主科。
小弟留意到中英文嘅名次都...需要多下苦功，因為依家趨勢係主科必先要好，話就話3322+2/3，但舊年全4都未必入到U，中英文係重要嘅一環。
好多名校生有好多5,5*,5**, 但中文拎個2，已經入唔到U，而且計分時，大學普遍會將英文、數學X2/1.5，要留意不同學科嘅入學要求。
總括而言，除咗要處理選修科，主科亦都要注視。

想問問Econ同Geog係中文定英文, or 兩種語言都有

我果間係英中
我諗除左中史中文中國文學其他都係英文
加上E+Econ同Geog都係英文教

Geog 中文啲Terms 已經唔易，英文教的話啲Terms更難，你睇睇現階段會否感到吃不消，同死背會唔會好辛苦。
講多少少地理先，7大課core+兩本elective 一共9大本書，
Core分別係內外形力、河流、工業、城市、饑荒、熱帶雨林、全球增溫，Elective包括交通運輸、動態的地球、天氣與氣候等。

Econ就...英文係一定程度上都會有影響...睇題目、吹水、概念都有好多新英文...
小弟中三都有學Econ，當時係覺得貌似幾易，又有興趣，又拎到頭10(over19x)，於是就揀。上到中四之後開始好唔同，中三學果D原來係非常表面，有時覺得好似上咗賊船咁

dicky :

superfung500 :1.Geog 2.Econ 3.ICT
我建議你ICT 轉做Physics
因為ICT條curve都幾高
二黎physics真係入u萬能key

如果讀Econ既話，夾埋BAFS一齊讀絕配 ，可惜我冇讀Econ(好後悔 )
你有M1/M2讀Physics fit哂，M2最夾
利申：X1:BAFS,X2:ICT,X3:Physics
因為老師既關係，下年drop硬ICT

唔覺得BAFS係好選擇，要讀範圍廣過頭啦。
實際上入U，理科生能夠有較高入學率的原因係因為科目多而唔係成績好

些少題外話，話說我間學校下年F4轉新制(小道消息) ，就話中三攞頭七十名先可以揀哂三科，其餘既就只可以揀兩個elective，咁樣其實揀得兩科既人咪好輸蝕？
正題：其實Biology難唔難？今次考試既合格率聽講係四成都冇...
Bio唔難既，都可以考慮揀既
利申：F4仔

dicky :些少題外話，話說我間學校下年F4轉新制(小道消息) ，就話中三攞頭七十名先可以揀哂三科，其餘既就只可以揀兩個elective，咁樣其實揀得兩科既人咪好輸蝕？

其實依家大趨勢係讀兩科Elective就得架啦，我聽聞好多名校今年中四開始都係只需要揀兩個Electives，多咗堂數去教同埋可以谷番中文文言文。
就算係想入三大(HKU,CU,UST)，最多都係睇4+2姐，讀三科唔見得有幾著數，除非想做8科狀元啦
所以舊年開始Drop 科率係非常高因為已經知道唔需要攬三科(新聞都有講中史極高)。

今年我間學校中四都行咗類似你學校嘅Policy，有啲班只揀兩科，有啲可以揀三科。我自己當年就一定要揀3科，入讀某啲班仲一定要讀M1/M2嘅。
睇你輸蝕定義係咩啦，今年我嘅經驗就覺得...讀三科果啲其實可以Drop科，之後原來嘅堂就變空堂自修去Library，多咗時間可以溫書/自修，其實係著數咗。
由其我讀BAFS，已經狂補課都要教到中六12月Last Day前1日先教得晒成個syllabus，有D Drop BAFS嘅同學係咁溫書爆勁咗好多。

另一個角度去睇，只揀兩個Elective 係有好有壞。首先，好果方面就係整體教書時間可以多番，本身由7科分(或8科)變為6科分，上堂時間多咗，老師又唔洗教得咁急飛書，幫同學溫書時間亦都可以多番，對同學黎講係有莫大益處(不過你地就好啦好多科都Cut Syllabus，唔洗教到氣咳)。其次，係壞果面就係Drop 科嘅空間窄咗同埋會有Opportunity cost，即係冇咗自修時間。就算有一科讀唔掂都冇得Drop ，唯有死讀落去，又或者搏4+1會令整體成續有提升。

dicky :些少題外話，話說我間學校下年F4轉新制(小道消息) ，就話中三攞頭七十名先可以揀哂三科，其餘既就只可以揀兩個elective，咁樣其實揀得兩科既人咪好輸蝕？
正題：其實Biology難唔難？今次考試既合格率聽講係四成都冇...
Bio唔難既，都可以考慮揀既
利申：F4仔

Biology其實背之餘都要明哂先可以考得好
至於M2，基本上以樓主成績值得一試
講到學校policy，呢個希望樓主學校冇咁cheap

lawrencewong :Geog 中文啲Terms 已經唔易，英文教的話啲Terms更難，你睇睇現階段會否感到吃不消，同死背會唔會好辛苦。
講多少少地理先，7大課core+兩本elective 一共9大本書，
Core分別係內外形力、河流、工業、城市、饑荒、熱帶雨林、全球增溫，Elective包括交通運輸、動態的地球、天氣與氣候等。

如果你問我，呢啲科目英文好過讀中文，啲Terms 用中文譯出黎嘅好奇怪......

Geog 淨係Core呢七大課題都已經好多野讀......

Geog七大課題內容擇錄：隱藏內容，按一下這裏顯示

Plate Tectonics(地殼活動) : 讀三種地殼板塊移動力（tension、compression、lateral force）及其造成嘅地形（landforms）、地震、海嘯、火山爆發嘅形成、影響、預防等等
River & Coast(河流同海岸) : 讀河流同海岸嘅地形（features），e.g.：海崖(sea cliff)→海蝕洞(sea cave)→海蝕拱(sea arch)→海蝕柱(stack)、保護河流同海岸嘅軟硬方式等等
Industries(工業) : 分三大部份讀：香港工業變遷、中國鋼鐵業、美國IT科研
Urban(城市) : 讀城市嘅發展過程(Urban Development Cycle)、城市問題（如城市老化[Urban Decay]、城市侵蝕[Urban Encroachment]）、市區重建[Urban Renewal]等等
Famine(饑荒) : 以非洲Sahel地區及美國南加州為case study，比較兩地異同、分析科技（GM Crops、Drip Irrigation等等）對發展中國家(LDC)嘅利弊、可持續耕作(Sustainable Farming)、非洲Sahel地區出現饑荒嘅原因等等
Tropical Rainforest(熱帶雨林) : 認識自然界生態系統(ecosystem)嘅運作、熱帶雨林伐林與人類活動嘅關係、保護熱帶雨林嘅方式及其成效等等
Global Warming(全球暖化) : 認識傳熱原理、地理上比較溫度差異、全球人民對全球暖化間之協作同爭議

Elective，小弟讀Dynamic Earth(動態的地球) 、 Weather & Climate(天氣與氣候)

Geog Elective : Dynamic Earth(動態的地球) 、 Weather & Climate(天氣與氣候)內容擇錄：隱藏內容，按一下這裏顯示

Dynamic Earth係讀三種石頭(igneous rock、sedimentary rock、metamorphic rock)形成、特點、三種石頭於香港的分佈、石頭侵蝕過程(weathering)、mass wasting造成嘅災害(如山泥傾瀉[landslide]、石崩[rockfall]等等)同預防措施以及填海物料等等

Weather & Climate : 認識地球風向同氣壓分佈(Planetary pressure & wind belt)、降雨過程(需要畫圖)、解釋地球上不同地方有不同氣候嘅原因、香港氣候、會影響香港嘅天氣系統(即冷鋒、颱風等等)嘅形成、特點、影響、中國氣候分佈、沙麈暴、旱災對中國北部嘅影響、預防措施及其成效等等

利申 : 中六、3x (Geog、Chem、THS)

Jx7452 :

lawrencewong :
如果你問我，呢啲科目英文好過讀中文，啲Terms 用中文譯出黎嘅好奇怪......

其實都係因為用慣咗語言去讀所以覺得另一種語言讀就怪嘅 兩睇啦...

如果樓主真係想揀地理，英文真係要下苦功，因為真係好講求靈活應用，唔識解題就已經唔識答。JX兄或者可以係以英文讀地理方面分享多D經驗、心得。