小弟要喺放復活節假期間作一篇文, 題目係「給自己的一封信」,
顧名思義, 我要寫一封寄給自己的信,

只不過, 問題係, 究竟我應該寫一封信比 N 年之後的自己、把自己假設成 N 年後的自己, 寫一封信現在的自己,
定係將自己假設為某某人, 寫一封信比自己?

通常寫呢一類信的目的不外乎都係要勉勵自己, 那麼我應該通過寫信給將來的自己去勉勵現在的自己,
定係把我假設成 N 年後的自己, 寫信給現在的自己去勉勵將來的自己?

以上問題, 真係有求各位師兄版友解答! 先謝!

只要你的大綱貼題, 寫咩都無問題, 寫情書給自己也行

林夕:

請不要灰心　你也會有人妒忌　你仰望到太高　貶低的只有自己
別盪失太早　旅遊有太多勝地　你記住你髮膚　會與你慶祝鑽禧

lalala　慰藉自己　開心的東西要專心記起
lalala　愛護自己　是地上拾到的真理
寫這高貴情書　用自言自語　作我的天書
自己都不愛　怎麼相愛　怎麼可給愛人好處
這千斤重情書　在夜闌盡處　如門前大樹　沒有他倚靠　歸家也不必撇雨

請不要哀傷　我會當你是偶像　你要別人憐愛　請安裝一個藥箱
做甚麼也好　別為著得到讚賞　你要強壯到底　再去替對方設想

拋得開手裡玩具　先懂得好好進睡
深谷都攀過後　從泥濘尋到這不甘心相信的金句

寫這高貴情書　用自言自語　作我的天書
自己都不愛　怎麼相愛　怎麼可給愛人好處
這千斤重情書　在夜闌盡處　如門前大樹　他不可倚靠　歸家也不必撇雨

我要給我　寫這高貴情書　用自言自語　作我的天書
自己都不愛　怎麼相愛　怎麼可給愛人好處
憑著我這千斤重情書　在夜闌盡處　如門前大樹　沒有他倚靠　歸家也不必撇雨

DennisTrident :小弟要喺放復活節假期間作一篇文, 題目係「給自己的一封信」,
顧名思義, 我要寫一封寄給自己的信,

只不過, 問題係, 究竟我應該寫一封信比 N 年之後的自己、把自己假設成 N 年後的自己, 寫一封信現在的自己,
定係將自己假設為某某人, 寫一封信比自己?

通常寫呢一類信的目的不外乎都係要勉勵自己, 那麼我應該通過寫信給將來的自己去勉勵現在的自己,
定係把我假設成 N 年後的自己, 寫信給現在的自己去勉勵將來的自己?

以上問題, 真係有求各位師兄版友解答! 先謝!

我自己個人認為, 如果你個先生就咁比一個題目比你, 而冇比任何 Requirement,
基本上你真係點樣寫都冇咩問題 ~

當然, 你要寫信比而家 o既自己, 將來 o既自己都會有唔同寫法 ~

如果比我去做,
寫比而家 o既自己, 大約可以寫話:
1) Set 目標比自己
2) 如何達成自己理想
3) 唔好成日覺得自己做唔到等等

Overall 黎講你講得岩, 係勉勵自己 ~

如果講將來又可能會唔同小小, 你可以寫親情
1) 講到自己有一個家, 有先生/太太, 有仔有女
2) 如何維持一個家 (作為一個一家之主)
3) 當然要提下點樣去維持一個家
4) 同時都要提下點樣孝順自己父母
5) 亦可以考慮講下自己工作會點, 例如當我有一頭家就有一份穗定工作等等

唔鐘意提親情就可以提下理想,
你可以寫比你讀完大學出黎社會工作時 o既信,
講到自己理想, 唔好比自己迷失方向等等 ~

基本上寫一封信唔係一件難事,
最重要我覺得係你要講到你內心世界比人知, 比人知道你想點 ~

當然樓上板友話寫封情信比自己都得, 確實係,
因為你題目話寫一封信就係咁簡單, 你真係寫到一封信就得,
作文呢家野係冇 formula 可言, 而家又唔係叫你做咩 Research Essay,
所有野都係靠你自己創作而已, 如果真係諗唔到點樣寫, 可能會係你自己諗得太複雜架姐 ~