Leyland Atlantean, Daimler Fleetline (珍寶) 同 Bristol VR 都係屬於第一代後置引擎巴士,
而 Leyland B15 Titan, Olympian, Dennis Dominator 同 MCW Metrobus 就係屬於第二代,
咁 Metro-Scania 嘅 Metropolitan 又屬唔屬於於第二代後置引擎巴士呢?
而第三代後置引擎巴士又係由邊款車開始計起呢?

好似系MCW

第四代係超豪
第5代係B7 B9 E400

香港行家同巴士書一般暗示 珍寶/Atlantean 之類係第一代，車尾散熱水箱，半自動波/自動版半自動波
Metropolitan / Titan 係第二代，散熱水箱唔一定係車尾，可以係車中間，全自動波 (接近現代原理) 附減速器
Metrobus / Dominator / Olympian 呢 d 第三代，水箱係車頭，全自動波附減速器，各自都係可以另外配其他波箱/偈/車身


不過似乎只有香港咁樣分法，幾年前隔離版都有版友指出過似乎英國或者其他地方都無人會咁樣分
http://www.hkitalk.net/HKiTalk2/archive ... age-1.html


例如 <CM> 當年係叫 Ailsa 同 Metropolitan 做 "第二代雙層巴士" (http://archive.commercialmotor.com/page ... er-1973/42)
似乎英國個邊係以技術上/營運上以年代範圍劃分，新一代係成功解除上一代缺點做到主流型號，設計上係成熟可靠，營運上完全取代上一代車種既車


Volvo Ailsa 分別解決左 Daimler Fleetline / Leyland Atlantean / Bristol VR 水滾同埋機械可靠性問題，再參考 Guy Wulfrunian 個概念同失敗原因，完全針對性咁對著呢堆型號個缺點黎改善，完全係一款成熟、完全取代 Fleetline / Atlantean / VR 地位 既車
Ailsa 之後就係 Citybus，兩軸版幾乎同 Olympian 差唔多生產至 90 年代尾


Titan 原意應該係以一體化包辦形式取代 Atlantean / Fleetline / Bristol VR (不過亦因為 Leyland 坐大，但坐大得黎生產力唔高，設計上亦唔多有彈性
好多客戶開始想轉軑，部分廠商睇到利蘭慢慢壟斷市場亦即刻推 d 型號出黎應急)
不過比更成功設計更彈性既 Olympian (雙層) 一炮過取代晒，行內視 Olympian (雙層) 為 update 版既 Bristol VR (Olympian 最初好似仍有 Bristol 標誌)


Dominator 一開始亦係照著 Atlantean / Fleetline 打，由一開始設計時已經設計到大致上可以簡單套上 Atlantean / Fleetline 同款車身
(早期 Dennis 小冊子個 Dominator 示範車直頭亦係借一部 East Lancs 車身 Atlantean 加自己標誌而成)
當年非官方甚至有行家稱 Dominator 做 "update 版既 Fleetline"，設計上同 Fleetline 個概念唔算有太大關系，但係係一款足夠取代 Fleetline 既成熟車種


另一款被稱為 "新一代雙層巴士" Metropolitan 後尾 MCW / Scania 各自分家，MCW 自己出 Metrobus，Scania 就繼續發展此型號變成之後 N112/N113


只不過因為香港剛好訂既車種可以跟引擎/水箱擺位劃分出"代"
Bristol VR、Volvo Ailsa、Scania N112、Titan B15、Citybus 之類唔多符合呢種分法既出名型號得幾部或者無
當年香港只有形象鮮明既 Fleetline / Atlantean / 佳牌/丹拿 half-cab / PD 個類車，同大量買入而且設計方向一樣既 Dominator、Metrobus、Olympian 有個明顯既對比
於是巴士書有意無意將中間個堆 Titan B15 / Metropolitan 呢堆設計上取代 Fleetline 個類車叫做第二代，到真正大量購入既例如 Olympian 個堆就"順延"去第三代
事實上，以設計、維修呢類計，雞鴨呢 d 全自動波附減速器/一人控制/可以配唔同車身既車應該都可以跟 "第二代" 雙層巴士，爭在唔係後置引擎
同埋用上 6LXB，走廊窄地台高，唔多人會將雞鴨視為同 Dominator、Metrobus、Olympian 為同一個時代既車
簡單講其實自 70 年代起英國面世既新巴士型號大致稱為第二代，不論引擎同水箱擺位係點
都係比珍寶個 d 更兼顧到一人控制之餘、全自動波箱附減速器 (而家既 Voith ZF Allison 原理大致跟個一代既差唔多) 而且慢慢有翻以前舊車既能耐同機械可靠性


如果個堆車叫晒第二代，似乎到 90 年代開始有低地台 (而且可以降低地台) 既車算新一代
無梯級地台或者闊門巴士幾十年前已有，但真正由設計起要考慮埋方便輪椅同行動不便使用者，大約係 90 年代先真正開始，應該可以算係新一代


最重要係所謂"新一代"差唔多應該係開創一個行內標準，差唔多自此之後設計既巴士都依著呢個方向行
例如取代 Fleetline / Atlantean / Bristol VR 個堆車一開始就係全一人控制 (Feetline / Atlantean 及其前身都唔係全部設計成前門對正司機既一人控制規格)
自動波附減速器，機械可靠率高、操作簡便 (其實珍寶呢一代車設計不濟唔止香港巴士公司有意見，
英國一樣有地方直頭因為不滿珍寶過分重軑同埋唔記得邊幾樣潛在設計問題一路未妥善解決到而有司機集體罵工罷渣珍寶)
所謂取代佢地既型號全部都照著呢幾個方向設計
90 年代起低地台巴士面世，自此德國英國瑞典等大廠開始以呢種可以方便輪椅上落既設計為標準，慢慢擴展至其他型號，甚至而家連客車都開始玩呢樣野


除此之外，都無乜邊款真正算係設計上開創先河，就算近代九巴或者某 d 巴士廠自稱既 "新一代" 都係噱頭居多
直梯至少係 50/80/90 年代分別已經係前置/中置/低地台後置引擎巴士出現 (半直梯都係同期)
冷氣 暫時除左客車同埋亞熱帶/熱帶地方既巴士之外，其他地方完全未成主流
機械上好似細容積/高扭力/密齒波箱/大尾牙/超比波/Turbo 引擎呢 d 早係 Volvo Ailsa 呢代已經出現晒
三軸/"六個轆" 設計都起碼出現左半個世紀
夾硬數香港巴士近代其餘有"進步"既地方頂龍數到例如 3+2 "變翻" 2+2、電子路線牌、大部分座椅為頭枕椅
但都只不過係香港本地既巴士規格提升，至少英國澳洲瑞典德國新加坡呢 d 地方都無以此為標準


反而香港無但歐洲近年開始普及既混能巴士，應該可以算係新一代後置引擎巴士 (或者話 "第四代")
巴士界由汽油轉晒柴油開始，主流型號就一路離唔開一定要用柴油作為燃料咁濟
雖然有過電動、無軌電車、石油氣、天然氣、氫電池或者混能，加上歐一二三四五六代排放規格，但都係離唔開要用柴油為主要燃料
近代 E400H B5LH Gemini HEV 之類既車設計開始成熟，較環保之餘真正做得翻以往柴油車既營運效果，係兩軸熱狗領域上開始慢慢取代到柴油車
(例如 Volvo 已講過歐六開始銷往歐洲既城市巴士會以混能為主，慢慢擴展至其他定位既巴士都唔再以柴油為單一動力來源)

以前睇車主介紹三軸巴士, 都話佢地係第三代後置引擎巴士,
所以我喺呢度亦都有D Confuse, 到底當年果D三軸巴士喺英國嘅標準嚟講,
到底應該係第二代定第三代呢...?

聽講Volvo Ailsa系中置引擎，點解勝利二型唔會被歸類為第二代，但Volvo Ailsa 會？

ASV98@8A :聽講Volvo Ailsa系中置引擎，點解勝利二型唔會被歸類為第二代，但Volvo Ailsa 會？

Volvo Ailsa B55 同勝利二型一樣都係前置引擎嚟