以下只係我個人意見，並不代表任何團體／政黨的意見：

以我睇過某facebook群組，我唸導致今次40日罷工的原因，就係工人係碼頭的權力實在太細，而且香港人一般都未必同意基層加人工，正如最低工資加到＄30，餐飲業大舉向消費者加價報復，中產人士就即刻媽媽聲（其實餐飲業早係半年前已需要用5位數字月薪請人，＄30最低工資已無實際作用）。所以如果今次只有求加人工的行動的話，能予公司的群眾壓力必定很細，甚至有冇香港人理會都成問題。

但資本主義是香港的核心，假如工人代表們能打擊呢個核心，佢地就覺得以後爭咩都會有大量愚民支持，所以今次佔領長江中心，可以講係佢地要搞大行動的必要步驟之一。到了長江中心，各種交通工具經過都會見到罷工的人，就算冇左翼浪漫派學生到場，佢地都能事半功倍，基本上不用任何肢體衝突，都能引起各市民的注意。其實碼頭出禁制令反而益左佢地，倒返轉如果只係碼頭裡面擺罷工的話，頭兩日可能有好多人注意，但到中段要搵市民留守係碼頭或者收工經過碼頭係好難的事，如果係碼頭的話我相信只會暴動收場。

至於浪漫派學生的問題，其實工人代表都好難婉拒佢地的到來，事關個班學生見邊到聲勢浩大，便會立場到場聲援，佢地做到班工人代表冇辦法趕佢地走，班工人只好無奈容納佢地。至於班學生會唔會有行動？我見的亦只有一些小學生勞作式的行動，製作一些勞作仔比途人寫句話、造＿街衣服，咁本就唔會真係為班工人犧牲，工人最終就係被佢地的口貼唇滑馴服了。

我極相信最後接受9.8％的原因，係因為工人已不能再招呼更多的左翼，呢9.8％，我睇得出工人係好有苦衷的情況下接受。左翼同李卓人表面好似工人的軍師，但到成件事得到群眾壓力時，個d所謂軍師亦只會保住自己pat pat免受傷害。因為佢地心裡一定有一個萬能key：我衰左，以後班工人邊個幫佢地爭呀？

大家留唔留意到今次有個特點，係冇任何抗爭人士被拘捕？

簡單總結，成件事的策略，就係要迫香港人全民支持李卓人搞罷工，等港喱覺得只有李卓人同學生搞的工運才是工運。

整件事我覺得最大問題係李卓人
前段佢 lead 住成個工運係無問題，此終工會都仍未成熟
但中、後期都仍然高姿態咁 lead 住個工運，如果我係工人我都唔知要個工會做乜
成個工會都似乎比李卓人拖住鼻子走
此乃一大敗筆
第二樣係李卓人堅持要加足 22% 人工，係企到極硬同 1% 都不能少
我係資方我都懶得同你傾，企到咁硬傾鬼傾馬咩
李卓人基本上就係唔理工人死活，堅持同資方撑到恆
結果拖死哂班工人既飯碗，隨時有失業危機
事關資方都補充左唔少新工人
同時 我唔明李卓人做乜帶埋班工人走去李+x大宅度罷工
搞到成個工運都好似批鬥李+x同班資方咁
亦搞到唔少市民因而轉軚支持資方

李卓人真係一碌政棍

李卓人就係捉正香港已變成單一思想的社會，先至會將工運搞成咁

工人要的唔只係錢，更重要的係工作環境，但有冇左翼或者李卓人去同佢地爭取過改善工作環境？李卓人將加薪幅度提到咁高，就可以將一切不爭取加人工的人完全矮化，尤其係矮化係政治方面對立的工聯會，造就一次販民派的所謂成功。

今次事件中好多支持的市民，都係靠踩提出其他意見的人黎上位，呢樣係香港亦愈來愈普遍。

以李卓人同一眾左翼的logic，原來公司比夠十萬蚊人工佢地一個月，之後關佢地係一個地獄式的環境工作，就係打倒霸權，係公司跌死左都唔係問題，最緊要公司肯賠......

從另一角度睇，今次工運的策略亦可能基於得取政府的支持，因為爭取加人工，最易壓住工人的陣腳，令工人盡信李卓人，和理非非正正係港共政府最支持的

支持李卓人的人，真係連支持緊咩都唔知......