大家都知道最近九巴路線調整班次時開始以定點時間表示人 , 趕客式班次 (i.e : 15-18 , 14-20) 逐漸被取代
但同一時間轉左定點既路線班次卻大多比未轉定點時既班次更疏落 , 當中表表者有 15 (假日無 15X 一樣減班) , 93A , 即將生效既 297 etc
當中不乏由 12-13 變 20 既班次

若你係乘客 , 你會鐘意較密但無定向風既班次 , 定係有得計時間但班次拉疏左後既班次 ?
歡迎討論

有得預計好過無，
起碼我知道幾時會有車黎，
岩岩走左一班都唔怕。

我覺得市區路線行定點無咩意思,
好似30X行15-20, 佢非繁實際係做15, 而且好準, EG 1405>1420,
但問題係出到旺角其實個時間已經唔準, 塞車同燈位既影響好大,
同樣, 297, 15, 個D中途站上車一樣唔容易預時間,
所以我個人覺得無咩用, 佢CUT左班仲衰

其實定點係好過無定向風既班次,除左5分鐘或以下既班次,
俾個好印象班客嘛,就好似15分鐘一班VS 11-13分鐘一班,後者都唔知係隔11定12定13分鐘開,根本好難就時間,
其實時間表可以話係門面功夫,整得令唔難睇咪俾個好印象俾人囉,
門面功夫都做唔好既話,真係執左佢啦.....

其實個人覺得兩個都唔係最好, 不過咁比較就當然係寫明幾多分鐘好過12-18分鐘咁樣寫, 尤其是送車尾的時候
PS 最好梗係乘客可以check到下班車幾點到, 類似城巴Cityflyer咁樣 (不過暫時都是痴心妄想 )

HF 2861 :若你係乘客 , 你會鐘意較密但無定向風既班次 , 定係有得計時間但班次拉疏左後既班次 ?
歡迎討論

其實都係睇本身係咩班次、拉疏前後係咩班次
如果係由 12-13 變 20 既班次，拉疏咁多，咁當然係前者較好，起碼開多一兩班架車無咁迫
如果係由 11-12 變 15 既班次，咁本身都唔算好疏，都等得過，拉疏左反而夾唔到時間就一定焗等耐左
如果係由 17-18 變 20 既班次，咁定點會較易俾人等車，又唔係疏好多，都OK

不過最重要都係準時開車
如果我日日都差不多時間搭車而佢又準時，其實前後一兩班車都預到時間，呢個時候定點作用不大
但如果唔準時……好似我平時搭開果條線，開車時間6.57pm見過，7.00pm見過，7.05pm見過，7.08pm又見過
同一時段見過12min一班，見過18min一班，時間表寫最疏15min，但miss左車之後好多時都見下班車係16-18min之後
如果定點、但唔準時，都無用

我覺得九巴個爛班次可能就係唔想寫得咁清楚俾你知道幾時有車，正常塞車delay又好、收車脫班又好，你都無實證投訴
希望佢搞左定點之後，雖然疏左車，但班次可以準時d（塞車無得講，但唔會因為收車而脫班）

個人經驗... 搭開有條路線 由8-10分鐘 改為 10分鐘/班
無錯, 係等車時間耐咗, 但係最少預到時間

但係引申個問題就係, 脫班情況好明顯出現
例如係葵芳地鐵等46P, 頭班1650荔景開, 照計1652 會到葵芳地鐵
咁我1653先到, 但係重點係去到1730先有第二班車

總括言而, 定點班次為自己開心吧... 預到時間, 有車叫好彩, 無車叫正常

其實大前題係佢真係要確保正常情況下要開足車先

我想講一個特別D既例子，就係鐵巴既K58
呢條線一至五下段係10-15分鐘一班，而星期六係定點15分鐘一班
因為我唔係日日都搭，所以平時好難話預到時間等車，結果有時要係站等足10分鐘
相反星期六我真係會預啱時間先落樓等車，通常都係差1-2分鐘就到站
如果佢肯將一至五改埋開15分鐘一班我仲開心

至於九巴佢做定到係定點時間開到班車就冇問題

loveleylandforever :PS 最好梗係乘客可以check到下班車幾點到, 類似城巴Cityflyer咁樣 (不過暫時都是痴心妄想 )

只要佢肯將總站實時開車時間係網上公開，已經可以造福萬民

定點係好既，如果無提早開既話...(41...)

九巴行定點，同時加行車時間同車務調動
所以有d線改班次郁下就變成20分1班

其實定點唔係問題，不過如果定點到，都要記晒成個時間表先搭車，其實無用
反而新城行定點就盡量唔搞搞震，盡量記1行時間就全日大部份時間適用

58P :其實大前題係佢真係要確保正常情況下要開足車先

我想講一個特別D既例子，就係鐵巴既K58
呢條線一至五下段係10-15分鐘一班，而星期六係定點15分鐘一班
因為我唔係日日都搭，所以平時好難話預到時間等車，結果有時要係站等足10分鐘
相反星期六我真係會預啱時間先落樓等車，通常都係差1-2分鐘就到站
如果佢肯將一至五改埋開15分鐘一班我仲開心

至於九巴佢做定到係定點時間開到班車就冇問題

loveleylandforever :PS 最好梗係乘客可以check到下班車幾點到, 類似城巴Cityflyer咁樣 (不過暫時都是痴心妄想 )

只要佢肯將總站實時開車時間係網上公開，已經可以造福萬民

其實就算定點左, 乘客如果不是試過送車尾, 都未必知道巴士是否準時, 它個班次都只是列出該時段15分鐘一班、20分鐘一班, 乘客都是不知架巴士何時到, 走了多久, 是否真是要等15分鐘, 都仍是有很大的不確定性 , 所以公開總站的實時開車時間才是較實際的幫助 , 不過巴士何時到下個中途站這層就真是有難度, 資源投入亦增加, 責任都會相應增大, 一旦不準時就會被人捉住個時間來投訴 , 短期內都應該不會有

我屋企樓下條234X，
原本班次為(大約)
平日:12-18
假日:13-18
移家改曬做15分鐘一班後，雖然對平日客黎講係拉疏左班次，但係對假日客黎講係拉密左D班次
而加班後，假日每班車既客量由原本「下層唔使企人」，變為移家要頂閘

但係，都有失敗例子
全九巴最多分站既53，今多年都係用定點，但係又唔見D客有多左wor
整體而講，定點班次對乘客同九巴本身都有好處，
但係要睇用起邊條線

RW5779@234X :我屋企樓下條234X，
原本班次為(大約)
平日:12-18
假日:13-18
移家改曬做15分鐘一班後，雖然對平日客黎講係拉疏左班次，但係對假日客黎講係拉密左D班次
而加班後，假日每班車既客量由原本「下層唔使企人」，變為移家要頂閘

但係，都有失敗例子
全九巴最多分站既53，今多年都係用定點，但係又唔見D客有多左wor
整體而講，定點班次對乘客同九巴本身都有好處，
但係要睇用起邊條線

其實 234X 多客左呢件事上面,
究竟係九記起其他競爭對手搶到班客返黎丫,
定係根本係自己搶自己客 (即係搶走 30X 客) ?

如果係前者, 咁就呢個改動就肯定係成功,
但係如果係後者, 其實係冇意思 ~

只可以講 234X 呢類中小型線係應該用定點吸客
不過如果玩完定點都仲有咁既情況發生，咁我唔知老九定點嚟為咩