藍天白雲．炎夏再上大帽山！

孖橋．藍天白雲．寧捨醒神

---

這可是早於４月時已經計劃好的路線，可是連場大雨，將所有一早計劃好的路線都推遲了
等了一個多月，終於都有讓人一看醒神的藍天與白雲，可是天氣卻非常炎熱
還有不少遠足的路線未走，但這天氣之下似乎非常辛苦，看這樣子．．．嗯！還是踩車好了！
半年來只想著遠足的我，終於都要來一次久違了的單車長征了！


林錦．林村


許個靚願．願祝今次順順利利

---

這次的旅程，決定了不再費時去乘地鐵到元朗起步，而是全程都用單車來代步
首先是林錦，之後是荃錦，與汽車為伴，而且都以上斜為主，一來怕擋到後面的汽車
二來也怕自己氣力不夠，在馬路邊"跪低"，誰知林錦不太斜，路程也比想像中短得多
落了一大段凌雲寺的斜路，來到荃錦公路，雖然路比林錦斜，不過卻有足夠氣力應付
反而烈日當空加上只有微風的天氣，上斜更覺辛苦，終於都到了馬路邊的涼亭
也要來休息一下，之後繼續上山，來到大帽山道，這裡才是真正的開始吧！
路比兩條公路都要斜，不過跟上年第一次上頂，尾段要推到山頂相比，今次終於都可以踩到山頂了
不過這藍天太過吸引，尾段雖然沒有推，但都停了很多次去看風景和拍照，
結果大帽山道的一段路，是林錦，荃錦上山時間的總和吧！


嘉道理．接近林錦終點


荃錦．炎夏中休息一下


休息地方的景色


終於找到一個可以拍攝．而又不會危險的荃錦路牌


大帽山道入口．這裡才是真正的開始


沿途太多景色想看．忍不住又停下來拍照了


荃灣一景


藍藍的天空．青青的帽頂


另一邊是錦田


閘口．過後繼續上頂


錦田


向著目標進發


帽山波波


這邊遠處是馬鞍山及沙田


突然飄來一舊黑雲


浮雲．使藍天更有層次！已沒甚麼比這景色更好看吧


回望迂迴的山路


再上高一點．整遍大地都在腳下


高清日子．極目四方


終於到達大帽山頂．帽山波波


往另一邊落少少斜．還有麥８．大埔景色


元朗平原


自己的感覺．就似身在天空之上


落山了

---

藍天底下再加上高清的天氣，山頂上極目四方，整個香港都清楚看得到了
在山頂也留了半小時之久，開始落山了！上大帽山道用了1.5小時，下山卻只是10分鐘
回到荃錦，因為從來沒有到過河背水塘，４月計劃時已經想到一次，進入大欖郊野公園
一直走到田夫仔，沿路牌轉到河背，這是一段off road路段，初段一整段都平易好走
到近尾有一段急斜的，實在沒太多信心呢，結果推過這段後再踩落斜，很快！
真的很快就到達河背水塘的主壩上，看過風景再下山到河背村，經過複雜的村路
回到馬路，之後沿新田公路返回上水，再到大埔，完成新界西北的一個小圈了！


10分鐘就由山頂回到荃錦



進入大欖郊野公園．最後一處看到荃灣的地方


田夫仔分叉路．轉入河背


河背off road 段


這段自己有點應付不到


於是停下來看看河背水塘


竟然只是幾分鐘左右路程就到河背主壩


河背水塘


主壩之上


洩洪中


回望主壩


往河背村離開


另一角度看錦田


錦上路站．補給一下


走上高埔路


回望帽頂．剛才就身在波波旁邊呢！


經過新田．回到粉嶺


大埔開餐後．來到孖橋完結

---

後記：
完成了一個計劃好的路線，之後計劃好的還有東梅古道，法門古道，麥２麥１等
還有幾個遠足的路線，今個夏季，希望能夠充實一番吧！


新界西北的一個小圈

＞＞＞＞更多圖片＜＜＜＜

ＴＨＸ　ＦＯＲ　ＲＥＡＤＩＮＧ ．

嘩~我踏去大尾一轉都想死==,5知幾時可以做到你咁......

mp3698 :嘩~我踏去大尾一轉都想死==,5知幾時可以做到你咁......

其實唔須要練好耐, keep 住一星期有至少3日都有帶氧運動, 練好體能 (自己夜車多數都係3小時左右)

之後就設定一段路程比自己踩, 慢慢將呢段路練習到完成後都唔覺得攰, 就可以再加長距離, 直至來回兩三轉都唔會攰
速度可以唔快, 但就要keep住踩唔可以停腳溜車, 用於練耐力

其實我諗個人點"慢熱"法, 都係一年左右就已經可以玩到長途(平時有做開運動既話, 一定唔使一年時間)
當然上大斜路要另外再練力量, 但當你齊備上面兩樣野, 再練力量已經係件好容易既事

＊睇落一年好似好漫長, 但睇返轉頭你會好覺自己一年裡面既體能變化, 你都會覺得值得的
(個人切身感受 )

感謝師兄提供的意見
可惜老豆唔比出夜車,平時補課又補到死 ,
得反星期日朝早得閒少少,所以都盡量踩反幾個鐘。
之前初中既時候可以踩到大埔都唔攰,而家廢晒
我想問一問如果我次次出完車都要踩一段斜路(馬鞍山警署果條)先反到屋企,對耐力有冇幫助
THX

mp3698 :感謝師兄提供的意見
可惜老豆唔比出夜車,平時補課又補到死 ,
得反星期日朝早得閒少少,所以都盡量踩反幾個鐘。
之前初中既時候可以踩到大埔都唔攰,而家廢晒
我想問一問如果我次次出完車都要踩一段斜路(馬鞍山警署果條)先反到屋企,對耐力有冇幫助
THX

斜路對訓練肌肉力量遠勝於耐力, 要耐力的話都係連續踩返幾個鐘, 比起你玩一條斜路更能練到耐力
至於d 大斜(例如東涌道, 大帽山等), 最好都係練好左體能先好試, 以免抽筋同拉傷肌肉

如果真係想試下玩大斜既, 初初可以試下富安側邊既梅子林路
雖然比起上面兩條大斜黎講, 佢都係濕碎野, 不過對初試斜路黎講, 要上到頂(水壩)都唔算易的
初初可以見攰就停, 休息2,3分鐘再上, 而最終目標係一腳上到頂

最後要記得, 落山要留意速度, 唔好越落越快忘晒形,
梅子林路唔算多車, 但落落下山見到對頭車, 太快既話單車未必停得切, 玩得安全先可以長玩長有

我之前有上過馬郊(燒烤場)同水泉,都諗住去玩下大帽山,不過而家就放棄左....
落山真係要慢慢落,之前有好多棕單車事估都係落山出事。之前衝水泉去到60km/h,而家諗起都驚。

mp3698 :我之前有上過馬郊(燒烤場)同水泉,都諗住去玩下大帽山,不過而家就放棄左....
落山真係要慢慢落,之前有好多棕單車事估都係落山出事。之前衝水泉去到60km/h,而家諗起都驚。

上到呢兩到, 咁就可以唔駛點重點練上斜, 練好耐力的話斜路對你應該問題唔大了

落斜就兩睇啦, 好似東涌道落嶼南果段咁, 可以離好遠都望到前面有乜既路, 盲點又少
我上次玩都係落到盡, 只係溜落斜都接近70km/h, 都唔怕要收慢, 諗返的確好刺激
但多灣多盲點果d , 好似大帽山道咁就真係唔敢快, 雖然溜溜下都好快過40km/h

《 KODA KUMI 》 :

mp3698 :我之前有上過馬郊(燒烤場)同水泉,都諗住去玩下大帽山,不過而家就放棄左....
落山真係要慢慢落,之前有好多棕單車事估都係落山出事。之前衝水泉去到60km/h,而家諗起都驚。

上到呢兩到, 咁就可以唔駛點重點練上斜, 練好耐力的話斜路對你應該問題唔大了

落斜就兩睇啦, 好似東涌道落嶼南果段咁, 可以離好遠都望到前面有乜既路, 盲點又少
我上次玩都係落到盡, 只係溜落斜都接近70km/h, 都唔怕要收慢, 諗返的確好刺激
但多灣多盲點果d , 好似大帽山道咁就真係唔敢快, 雖然溜溜下都好快過40km/h

講起落斜又講
東涌舊碼頭果到果次差D冇命 條斜真係極斜 應該有1:6-8到
果日落緊毛毛雨 又未踩過果到 咁咪去下LO
上斜禁實BRAKE都溜後 唯有推車啦 推到差唔多到頂見到落斜 就死沖落去點知一轉灣就望到係盡頭無敵大海配機場
死DUP加2隻腳放地磨 最後都剎得切 果到都有條大概20米既平路先到海
另外龍鼓灘出番黎發電廠條長命斜 同個FD踩到過晒60KMH
林錦 白泥 大埔道 西沙路 新娘潭 又係飄住過 真係唔識死
不過見到咁多人踩車死 近排真係踩得保守左

其實我都想上大帽山 不過個FD淆底驚荃錦比車撞所以唔上
P.S 宜家新界差TKO 清水灣 西貢公路 青衣 葵涌山 同OFF RD未踩

s0493 :講起落斜又講
東涌舊碼頭果到果次差D冇命 條斜真係極斜 應該有1:6-8到
果日落緊毛毛雨 又未踩過果到 咁咪去下LO
上斜禁實BRAKE都溜後 唯有推車啦 推到差唔多到頂見到落斜 就死沖落去點知一轉灣就望到係盡頭無敵大海配機場
死DUP加2隻腳放地磨 最後都剎得切 果到都有條大概20米既平路先到海
另外龍鼓灘出番黎發電廠條長命斜 同個FD踩到過晒60KMH
林錦 白泥 大埔道 西沙路 新娘潭 又係飄住過 真係唔識死
不過見到咁多人踩車死 近排真係踩得保守左

其實我都想上大帽山 不過個FD淆底驚荃錦比車撞所以唔上
P.S 宜家新界差TKO 清水灣 西貢公路 青衣 葵涌山 同OFF RD未踩

嘩, 上面咁多地方我好多都未踩過
呢幾個月黎, 唔係我唔想出單車/行山遊記, 怪就怪夏天, 次次起正我放假先為大地帶黎雨水
而家一有好天既機會都即刻上山/踩車

講開差d 冇命, 上年玩石澳龍脊我都差d 出事(其實已經出左事)
起山邊連人帶車仆左落山外斜坡, 好彩側邊多叢林"浪"住左我同車, 結果都要爬返近10米斜坡先返到山徑
人就爆左缸, 好彩冇傷入面, 人同車都唔駛大修, 諗返起都驚

其實如果你地玩到大埔道, 荃錦其實情況比起大埔道好好多, 錦田上斜, 路夠闊, 我起平日踩車都唔算多
同埋就算自己唔駛好貼邊, 側邊大車經過都仲有唔少位剩, 慢慢上斜都唔太擔心, 至於荃灣上我就未試過了

岩岩踩左大埔一轉,"柯"完之後頹晒==
講反落斜~話說有次帶個FD上水泉,落反黎果時我係咁衝,大約60km/h
我落到去平地,等左佢3,4分鐘都5見人就知出左事。之後見到佢炒左。
好彩佢見到咁高淆底,慢慢落,手肘同埋腳擦傷左少少。
我見到佢炒左,我成個心都彈埋出黎==
之後就死都5帶其他人上去...

mp3698 :岩岩踩左大埔一轉,"柯"完之後頹晒==
講反落斜~話說有次帶個FD上水泉,落反黎果時我係咁衝,大約60km/h
我落到去平地,等左佢3,4分鐘都5見人就知出左事。之後見到佢炒左。
好彩佢見到咁高淆底,慢慢落,手肘同埋腳擦傷左少少。
我見到佢炒左,我成個心都彈埋出黎==
之後就死都5帶其他人上去...

所以我一直唔起某大型討論區開團約腳一齊踩就咁解
寧願自己一個玩一日, 有事就自己問題, 又唔怕人地出事自己會內疚

其實同得人地一齊玩, 最好都係留意人地既實力去到邊, 再自己控制速度去就一就人, 一黎人地有事都可以即刻支援到
二黎又唔怕因為自己快, 人地會去追你, 因為有時可能唔想跟甩隊, 後者係會去追前者, 呢樣其實先最危險
好彩你個fd 唔係後者, 如果60km/h 落山炒車, 絕對有機會致命的

但係我就覺得自己一個人踩會悶左少少,雖然有歌聽就冇咩所謂~
我而家都只會約D大家踩開既人,要去租車果D都盡量帶佢地踩大埔加上踩得勁慢...
我唔會去某大型討論區開果D團,一黎唔熟(都5知傾咩好),二黎level唔夠...

mp3698 :但係我就覺得自己一個人踩會悶左少少,雖然有歌聽就冇咩所謂~
我而家都只會約D大家踩開既人,要去租車果D都盡量帶佢地踩大埔加上踩得勁慢...
我唔會去某大型討論區開果D團,一黎唔熟(都5知傾咩好),二黎level唔夠...

兩睇啦
自由度大d, 鐘意幾時停幾時快都係自己話事, 一個人都有一個人既好處!
同埋踩車, 唔係慢碌單車徑基本上都好難傾到計......嗯.......又或者可能係我自己習慣左一個人踩長途吧

跟團呢d, 一次生兩次熟ja
我上年年尾開始跟行山團, 頭一兩次的確冇野好講的, 之後跟多左, 而家大家都熟左有講有笑
最重要既係, 你可以搵返d 自己覺得適合既團去玩, 唔會怕自己跟唔上
同埋跟多幾次之後你會發覺自己體能會強左, 之後就可以再搵第2日強d 既團去, 甚至係一d 超越自己能力既團
又可以當係挑戰, 完成到滿足感又會意想不到咁大

好似我今年2,3月跟行山團走黃竹角咀咁, 路程起碼30公里, 全程近乎跑都要行12小時
無論係路程長度, 同埋步速, 我全部都未試過, 最終連自己都覺得意外地完成左,
亦知道原來自己起短短半年間體能係強左咁多!
又可以識多d 人擴大圈子, 又可以挑戰自己, 跟團好玩既地方就起呢到

(又係個人切身感受)