香港巴士論壇

不知道大家有無去過啓德機場?
又不知道大家對啓德機場有甚麼印象?
先容許我分享自己的經歷...
好似在我兩歲的時候, 家人帶我去啓德接親戚機,
實際情況我已忘記, 但是根據我家人所述,
我好似比如雷貫耳的飛機引擎聲嚇到 ,
最後 了差唔多十五分鐘先收到聲。<---似乎同主題無甚麼關係

歡迎大家分享自己有相關啓德的經歷和印象!

我諗應該有版友看過...


幾鍾意最後那句 :
啓德機場是香港一個傳奇, 今日繁忙景象不復再,
不過, 它獨特的風采和驕人的成績, 將永遠留於香港人的回憶中。

讓我們一起回顧啓德的日子吧~

樓主你時光倒流去啓德接機??

富豪奧林比安12米 :樓主你時光倒流去啓德接機??

唔係, 這是事實。
唔怕同你講, 我讀幼稚園嗰陣成績欠佳, 留過 2 次班,
都係果句, 信不信由你, 你繼續當我係小朋友我阻止唔到你

最記得係顯示班次,時間,目的地果部“水牌機“係咁“拍拍拍拍“響

起飛果下的推背感(起步到拉起果下)感覺上係勁過而家

降落,通常都係由RWY13落地。永遠都記得由長沙灣一直低飛,飛到去格仔山前右轉做landing 。夜機番黎由飛機望落去,個夜景正到不得烏！！臨落地向右望,見到大大隻“好收成“三個大字。落地剎車又係chok得幾勁下的,差唔多衝落海咁

說真的
我咁大個都未去過啓德機場
現在亦無機會去
有時候一D好舊好舊既電視都可以見到
但沒有親身去過
始終有一點遺憾

FY8389 :說真的
我咁大個都未去過啓德機場
現在亦無機會去
有時候一D好舊好舊既電視都可以見到
但沒有親身去過
始終有一點遺憾

而家你上一上 youtube 就會搵到好多關於啟德機場既短片,
拍攝飛機升降既有, 鏗鏘集既有, 外國記錄片又有
不過就算點樣, 都比唔上親身經歷
雖然我有去過, 只不過嗰陣時真係好細個, 所以有去過等同無去過