亞視早排為節省公司資源，連繁忙時間點對點嘅穿梭巴士都取消，搞到員工怨聲載道。近排亞視去信向區議會求救，要求區議員幫手，爭取將現時往來大埔墟鐵路站至大美督嘅小巴路線加密，並指明要途經亞視門口。

最近收到呢封信嘅民主黨成員李健文覺得，亞視同區都有唔少傳媒機構，但從未聽過有機構提出類似要求，覺得呢個建議「好奇怪」，又透露亞視呢個建議令平日逼小巴逼到嬲嘅大美督居民群起反對，相信區議會要撐都好難。

李健文又話，亞視如果真係有良心，不如搞好自己財政問題，提供番廠巴畀員工，因為遲吓李嘉誠喺龍尾嘅觀音像一起好，相信小巴會逼上加逼，冇可能再搵車專登經過亞視門口喎。

sunnyboy :穿梭巴士都取消,連員工福利都不會太好。

LJ8652 :可能AXV會爭取到20B開每日兩班嘅特別班次，不過都唔夠全日經工業邨嘅26砌