又係一天"進撃の狗屎雨"，精神唔錯既今日又冇得上山了！
所以一早起身就去睇龍大哥展覽

起沙田文化博物館搞，近近地勁方便
展覽分左時段，第１節由10:15至11:45，10:30去到既我地結果睇唔晒
要另外拎多次第２節時段既飛睇埋去，個展館如果唔睇字，相信15分鐘就可以行晒
但我地只係展館部份都已經睇左近２小時，入面擺左唔少當年既道具同經典戲服
仲有龍哥緞練既器械，同埋唔少當年電影片段同親友徒弟藝人既訪問咁
好彩留得耐，12:30仲有一場龍哥既事跡同舊片段咁既野起劇院到播
由童星講到身亡一刻，片長1.5小時，＄１０入場費可以睇你３個幾鐘，完全係超值！

---

睇完龍哥，仲記得６月起河上鄉入左"任食豆腐花"既場到，不過冇食到
於是今日襯仲有大把時間，搭架慢到嘔番茄既巴士入上水
吹住水唔覺唔覺，又磨左人生中既一小時，去到上水見停左雨，決定行入去



踩車明明好快就到，行竟然又行左近一小時，終於黎到了，不過似乎行錯左路
去左第２間，唔理了，一樣係＄１０，豆花任食，豆漿任飲！正！








結果我清左４碗豆花加２碗豆漿，飽晒！不過同樣餵飽左唔少蚊同虱！
最估唔到係，咁樣行一行，食一食，６點先出返去上水，基本上真係磨時間的！

---

入夜，近８點先出到灣仔，黎個多菜小肉既小菜晚飯，而家出街食野要搵多菜少肉真係好難呢
之後去埋做毒男，睇埋高達，嗯，今日功德圓滿了！













後記：
放假日，早上竟然又一場黃雨，今年夏天雨水不斷，未停過咁款
乜野日出之旅，離島之旅，今夏到而家通通都去唔成，冇計了，黎個出街當遊記算了

ＴＨＸ　ＦＯＲ　ＲＥＡＤＩＮＧ ．

水牛之前有 3 隻, 不過今個月去親都係得返呢隻, 其餘既唔知去左邊
多數係河入面既草地徘徊, 有時直頭會落河浸水

黃牛多 D 有 10 幾隻, 下午多數在羅湖懲教處附近草地出沒

好彩既有時仲會見到有練馬師騎馬出黎散步