東森新聞 :InTempo摩天樓本來是西班牙建築業繁榮的代表，高聳的200公尺雙塔總計47層，共有269個房間。不過，它其實已經蓋了10年，中途出資者一度轉手，由Caixa Galicia銀行換為另一家惡名昭彰的Sareb銀行。

事實上，InTempo大樓最初只準備要蓋20層，也有設計電梯。但在Sareb接手後，他們貪婪地更改設計圖，把建築物提高到47層，並且盡可能地增加房間數。結果所有人都把電梯給忘了，因為47層大樓所需的電梯空間及電機設備是20層大樓完全不能相提並論的，建商沒有保留額外的空間。

現在這棟大樓完成了94%，不可能臨時更動內部結構，那麼「被遺忘的電梯」該怎麼辦？沒人知道，而且據說已預售出80戶。祝福他們的膝蓋吧！

新一代既強國工程 有其他報導指負責既工程師已經辭職

Ps. 記得 3～5 區今個週末就會重組啦！

如果好似舊屋邨咁，另外起座升降機塔又可唔可行呢？

MB452.D2866LOH :如果好似舊屋邨咁，另外起座升降機塔又可唔可行呢？

比較麻煩
事關升降機塔一起就一定遮住部份房間搞到冇得開窗甚至連窗都整唔到
就算加 mechanical ventilation 都要額外機房，棟樓本身設計未必有預咁多 loading
而且新樓都要起座咁 ge 升降機塔，嚴重影響佢價值

巴士狂徒 :

MB452.D2866LOH :如果好似舊屋邨咁，另外起座升降機塔又可唔可行呢？

比較麻煩
事關升降機塔一起就一定遮住部份房間搞到冇得開窗甚至連窗都整唔到
就算加 mechanical ventilation 都要額外機房，棟樓本身設計未必有預咁多 loading
而且新樓都要起座咁 ge 升降機塔，嚴重影響佢價值

如果係隔離起升降機塔，每層有通道連接大樓同升降機塔
所有既機械放晒去升降機塔到，中間條通道同大樓結構上冇連接，好似登機橋／天橋既設計又可唔可行？

我睇返英文版原文，以我睇未必係21-47樓冇升降機，而且本身部比20層用的升降機好細，應付唔到47層住客的流量，可能過唔到當地政府個關

呢種強行加高的工程香港都試過，其中一個例子就係富山邨，其中兩座係由7層加到20層，結果原先個兩部升降機雖然到20樓但應付唔到流量，被住客投訴，最後靠收房口黎加多部升降機

至於係未47層的升降機，個LIFT SHAFT一定比20層的大，應該未必，可能只需要個LIFT PIT加深就得，至於個摩打，照計依家新款機個摩打應該比以前細好多，條電纜經電錶房再拉過就可以，只要新的天台做返個夠大的機房應該就容納到電機同其他裝置，以我睇可能係個新的天台比原先20層的天台細好多，個機房設計出事，最後就搞到原先的升降機裝唔成，就搞成呢單野

47層的LIFT塔，我睇都唔係易起，又要做過地基又要打樁，以西班牙人的速度可能又要起多4、5年，到時西班牙都可能破左產LU

* 其實我最想睇返佢起樓前點入積，照計消防官一驗有冇消防升降機時必出事，冇理由改到47樓後份圖冇升降機個消防官都睇唔出，所以我信佢起得成，應該係有個LIFT SHAFT，問題係部LIFT改唔改造得成或者應唔應付到個客流量

GZG50 :* 其實我最想睇返佢起樓前點入積，照計消防官一驗有冇消防升降機時必出事，冇理由改到47樓後份圖冇升降機個消防官都睇唔出，所以我信佢起得成，應該係有個LIFT SHAFT，問題係部LIFT改唔改造得成或者應唔應付到個客流量

我都好想睇下份則，同埋想了解下西班牙相關建築法例
同樣情況o係香港應該好罕見

可能部LIFT都係冰山一角，買頂層的人就算搬到入去都可能冇水冇電，佢的食水同咸水泵應該本來只需泵20層，依家要泵到47層，個泵都完全唔會同級數，個地面缸都冇可能用返供20層的容量，我都想睇佢想起47層時有冇改返個地面缸

當時係製櫃有冇留多幾個500A製比21-47樓的住戶電又係問題，因為我睇咁多公屋大樓，都唔可能一條線比哂20幾層的電，莫講話呢座野咁豪宅式設計，所以我唸呢座野比佢整返部LIFT，都唔會交得到貨

GZG50 :可能部LIFT都係冰山一角，買頂層的人就算搬到入去都可能冇水冇電，佢的食水同咸水泵應該本來只需泵20層，依家要泵到47層，個泵都完全唔會同級數，個地面缸都冇可能用返供20層的容量，我都想睇佢想起47層時有冇改返個地面缸

當時係製櫃有冇留多幾個500A製比21-47樓的住戶電又係問題，因為我睇咁多公屋大樓，都唔可能一條線比哂20幾層的電，莫講話呢座野咁豪宅式設計，所以我唸呢座野比佢整返部LIFT，都唔會交得到貨

building services 我真係極度唔熟，趁仲有一年時間真係要惡補一下
(謎之聲：你有o野係熟 ga 咩？ )

btw 如果單o野o係香港發生，個 AP 肯定俾 disciplinary board 處分甚至釘牌