警告：進入礦洞有一定危險性，遊覽時請先自行做足資料搜集，或者自行跟隊遊覽
以免在洞內迷路及發生意外，如非必要，切勿嘗試跟隨此路線！旅程只屬分享！

仁興礦洞未玩夠．完全探索在深秋！

年初靠自己搵完資料，膽粗粗咁同朋友兩個人一探8號仁興礦洞，同時亦搵到1,3,4,5,6洞口
不過因為怕污租，所以其他洞都未有探過，接近年尾，咁岩又有一團玩洞既
機會實在難得，結果黎完都可以再黎，今次仲搵埋上次錯過左既無名洞同2號洞口
仲要每個洞都入去探一探，嗯！雖然我仲未夠喉ＸＤ，不過都好滿足咁玩左大半日，精彩！

又簡簡單單咁講算！碎石坡，上落都唔易，第１個無名洞，矮到似狗洞，第２個無名洞，得條大深坑
今次終於都黎到２號洞，似乎係最底果層，仲有一條似未開採既礦脈，分支都幾多
走到３號，上次冇入到，今次要補飛了，洞尾有一列直井，向下似乎通去８號
向上都仲有得通，似乎上面仲有洞口，成條直井分分鐘唔止有５，６層樓高
跟住落８號，上次入過，最好睇都係洞尾既直井水潭，好清好靚，直井邊都有坑似乎通到３號
玩完８號仲有激戰睇，不過就唔係張家輝^^，之後到下城門大涼亭大休，大休過後
跟住就係最精彩既５號洞，入面終於見到唔少設施，直井一樣好多，同樣令人覺得上下都仲有洞口
再出返黎落４號，考慮左一陣都係入左去，坑洞唔太深，最尾都係一列直井
水清到好似有個水底之城咁，仲有青蛙卵，玩完４號，代價係一腳泥濘，仲有數十粒蚊爛
好彩側邊就係石澗，洗鞋兼洗腳，之後仲有條唔知咩野坑，可以玩壁虎功
至於６號洞呢，洞口望兩眼算，講得好爛，玩完ＸＤ





















後記：
今年第２次探仁興礦場，其實計規模黎講的確唔夠馬鞍山既咁精彩，不過洞口之多都令人一玩難忘
唔覺唔覺，逐一玩晒咁多個洞，竟然又影左三百幾張相，返到屋企清左唔少都仲有二百幾
玩埋今次之後，仁興礦場又可以暫時擺埋一二邊了！

＞＞＞＞更多圖片＜＜＜＜

＜＜＜＜上一次的遊記：城門水塘．仁興礦場 (22-2-2013)＞＞＞＞
今次既路線同上次係幾乎一樣既

ＴＨＸ　ＦＯＲ　ＲＥＡＤＩＮＧ ．