唔知貼邊一到．都係貼返起攝影畫廊呢一頁到算
圖片起文章底部．冇心機睇長篇大論可直接落到底睇圖

---

前言：來到２０１３年的最後一日，第一次回顧自己一年以來所走過的地方，這個「遠足經歷與回顧」
可能大家都會覺得「關我咩事？」．．．嗯！的確是跟大家沒有太多關係
這篇文章，就當是一個小小的分享，或者是我給自己的一個總結吧！

首先回顧一下今年行左既路線, 當中包括3次單車遊記！

內容太長．有興趣先禁黎睇：隱藏內容，按一下這裏顯示

青山腹地「補飛」之旅 (4-1-2013)
獅山石馬．筆架沖溝 (10-1-2013)
狗牙嶺三脊連走 (13-1-2013)
吊燈籠．攀背頂．東北群村遊 (18-1-2013)
蚺蛇出咀之旅．長咀 (25-1-2013)
蚺蛇出咀之旅．米粉咀 (1-2-2013)
摩星嶺戰壕 (8-2-2013)
醉酒灣．若林隊戰壕 (9-2-2012)
紅石門．烏洲塘 (15-2-2013)
金山312地道 (16-2-2013)
城門水塘．仁興礦場 (22-2-2013)
黃竹角咀．環湖出咀摸鬼手 (28-2-2013)
九徑．石林 (3-3-2013)
港島禁地．鶴咀 (8-3-2013)
黃竹角咀．火紅海岸綑鬼手 (9-3-2013)
閒走石磨．險攀麒麟 (7-4-2013)
蓮麻坑礦洞．塘肚古道 (14-4-2013)
馬鞍山礦洞 (12-5-2013)
～雨後梧桐寨～ (18-5-2013)
大帽山頂．河背～單車遊 (31-5-2013)
～仲夏鳳凰南天門～ (7-6-2013)
～大嶼東梅．東澳．法門古道單車遊～ (21-6-2013)
北坑．雙鹿～溯澗初體驗 (23-6-2013)
新界北．新開放邊境單車遊 (29-6-2013)
～烈日玩轉清水灣～大嶺峒．釣魚翁 (5-7-2013)
萬丈尋幽．牙鷹落霞 (10-7-2013)
水浸千層．城門水塘 (30-7-2013)
大東山．夏草之日出／下白泥．淺灘之日落 (6-8-2013)
之後成個８月ｄ假都係下雨天
東北海岸．火紅三椏 (7-9-2013)
大瀑小澗．石龍飛瀑 (15-9-2013)
九龍坑．八仙．橫七閒遊 (28-9-2013)
離島之旅．鹽田仔／～突擊昂平大金鐘～ (5-10-2013)
城門水塘．仁興礦場探洞篇 (14-10-2013)
東北海岸．西流江~鎖羅盤 (17-10-2013)
花山海岸．萬柱絕色 (25-10-2013)
季節限定．大東秋色 (29-10-2013)
南朗海馬．鴨脷沙堤 (3-11-2013)
鳳凰秘景．鳳冠北巖 (15-11-2013)
鳳凰秘景．鳳冠南巖 (22-11-2013)
離島之旅．馬灣閒遊 (29-11-2013)
蚺蛇出咀之旅．短咀 (6-12-2013)
失望至極的離島之旅．去唔成甕缸群島．變左去橋咀 (14-12-2013)
鳳鳥茶壺．虎吼閻王 (19-12-2013)
燕岩竹海．禾秧石城 (20-12-2013)
南天峻嶺．白顎險途 (29-12-2013)　＜－－－－－－＜－－－－－－遊記即將貼上！

感受．經歷與回顧：
其實早起03年開始, 自己已經鐘意行山, 不過果陣每年都只係行兩三次, 直到2012年年中開始, 香港城市大小角落都幾乎去晒之際
我就開始不斷行山, 到左2013年, 更開始左唔少次既獨行之旅, 亦跟隨唔同山友開辦既行山團, 有長途, 有驚險, 有難忘......
今年除左打風落雨之外, 我幾乎將我所有放假既日字都拎晒黎行山, 對於假期少, 而且工作亦須要用到體力既我黎講,
平日所用到既體力, 連難得既休息機會都係用體力, 行山對我黎講其實係一件辛苦事,
但每當望到香港難以致信既風景, 又或者成功攀上一d 自己認為能力不及既路線, 心裡面都有一種莫名其妙既興奮,
呢個亦係支撐住我繼續不斷行山既動力！

行得山多, 慢慢都感受到自己體能上既變化, 以往跑少少已經喘晒氣既我, 今時今日竟然可以傻到跟住一班跑手去跑山,
雖然對比起人地, 自己跑果d 都唔算係乜, 不過就連自己都唔信自己竟然可以跑到咁長(例子有烏洲塘上返環湖徑跑到長排墩)

而行山方面, 今年都玩左好多長途線, 一直想去既環湖出咀摸鬼手, 青山腹地, 蚺蛇出咀咁,
條條郁下都要行8,9小時以上, 環湖出咀路程更去到30km, 又係連自己都唔信可以行到既距離！

再講到攀崖, 亦係我遠足經歷入面既新鮮事, 成日行山都會自自然然行到崖邊影相, 但唔爬過都唔知自己原來都係怕高的,
印象最深既一次, 相信呢次唔少同團既人都會好難忘, 當然係講緊麒麟西崖, 第一次經歷落石, 大石就起面前不遠處飛過,
亦係第一次感受到自己起高空, 背脊陣陣涼意, 空蕩蕩既感覺, 到而家呢種感覺都仍然印象難忘

遠足既新鮮事, 當然仲有行澗, 對於唔識遊水既我黎講, 行澗絕對係一件危險既玩意,
一直網上睇相都望過既大小飛瀑, 自己一直都冇辦法亦冇膽量去試, 終於今年可以行到澗,
第一次行, 就係自己都好鐘意既雙鹿, 但人生既第一次卻遇著大雨同大水量, 每一瀑一景都比網上睇相既更加震撼,
奈何今年年中已經玩晒所有年假, 今年跟人行澗亦只有3次, 年尾亦有唔少網團更加冇辦法抽時間去,
尤其係吉澳既仙佛海岸, 錯過左兩次, 實在太可惜！

回顧今年, 總共出山43日, 再加3日既單車之旅, 行程之多亦係做左咁多年人既第一次,
不過今年掛住行山, 單車就好似忽略左佢咁, 變成夜晚做運動既工具......
在此亦要多謝一眾山友/車友帶領, 今年過得十分精彩呢！

---

遊歷總結：

---

首先就係今年年初開始構思既「蚺蛇出咀之旅」
西貢東北有三個路途遙遠既岬角，包括長咀，短咀，米粉咀，蚺蛇出咀就係山界傳統既玩法
意思即係登上西貢第一尖峰．蚺蛇尖，再經遙遠崎嶇山路，登上西貢東北最遠既盡處
我就分三次去，每次都「擊破」一個咀，結果每條線，每次都要花近８小時以上先完成得到
為求新意，每次上蚺蛇尖既路線都唔同，去完長咀同米粉咀之後，短咀就一直「斷纜」，好彩花左近一年時間
終於都趕及２０１３年裡面完成左三咀！

---

鬼手岩．山界最出名既景點之一，亦係我一直想去既地方
2013年，竟然就有兩個出咀團，第一次，亦係所謂既考牌路線．環湖出咀摸鬼手
意思即係全走路程已經唔短既船灣淡水湖郊遊徑，再來回黃竹角咀，全程更達到３０公里
小ｄ體力都意志都唔掂！
短時間內就去第２次，今次係火紅海岸綑鬼手，係一條絕對壯觀既美景路線，由紅石門村開始
一直沿海岸邊綑至鬼手．再上山路返回環湖徑，全程雖然只係２６公里，不過因為綑岸沿途都有大量攀爬位
比起環湖出咀更加辛苦，結果呢次我都仲記得自己係行到喘氣的！

---

首次踏足４星險線（５星為上限），本身個崖已經唔易攀爬，突然之間巨石從天而降
起大部份行友身旁滾下，絕對係一件危險到極既意外，打中要害一定死人，係幸好，定係不幸？
最終只係得一名傷兵被大石擦過受傷，不過到崖頂都要立即急救，呢到就係令我一生難忘既地方
古洞．麒麟西崖

---

2013年既另一個第一次，行澗！雖然只係年中，但我既年假已經玩得八八九九了
最終就只能跟隊玩左３次，但都撞正兩次落雨，大雨下既雙鹿石澗，絕對係咁多條澗入面最精彩既一條
雖然路途崎嶇險要，但都推介比有攀爬能力既人，呢到真係值得去的！

---

大東山．今年其中一個去得最多既山，８月既雲海日出，讓人一生難忘，旭日初升既感動
有如致身空中，騰雲駕霧既景色，再加上有著季色變化既色彩，大東山，今年比到我最多美好既回憶！

---

要欣賞世界級既景色，不用到外國，就起香港既後花園．西貢！
西貢東南面，有多幅天然侵蝕而成既火山岩崖壁，近年更因為升格成為國家地質公園而聲名大噪！
呢到亦係山界著名既花山萬柱海岸，當然，除左萬柱海岸，周邊亦都有至少九大景色
香港之心，破邊洲，十字構，檢豬灣，月牙溝，陰陽壁，木棉洞，倒腕崖，小破邊
雖然路途艱辛，但身為香港人，美景就在附近，幾難去都要去一次！

---

今年另一個去得最多既山，都係起大嶼山入面，呢個就係鳳凰山！從地政處官方地圖睇
鳳凰山就只有一條大路，同埋狗牙嶺有標示出黎，但其實所有精彩既景色，奇山異水
都盡在鳳凰山之上！鳳冠北巖，鳳冠南巖．呢兩條險線，收藏左鳳凰山眾多既景點
羅漢塔，一樹洞．你能想像得到起山腰700米左右既位置，會有一個天然而成既山洞同石塔嗎？
南天門，積木崖．平平無奇既山崖卻出現一個大缺口，岩石又好似積木一樣，以幾何形狀堆砌成一幅巨形崖壁
大自然能夠將美景收藏起來，而前人又將美景發掘出來，真係好神奇！

---

2013年既最後一役，都係鳳凰山，今次算係一個自己幾大膽既挑戰．4.5星既險線
南天門石澗．白顎下棧道，又係爬爬下，而且唔少位都好危險，相信呢到冇人會跟呢條線玩，我亦唔建議大家跟
不過咩野叫「萬千風光在險峰」？呢個地方可以搵到答案！不過遊記仲未寫好的，有興趣的話請留意吧！

---

2013年，我既足跡幾乎遍及全香港，仲有一日就到2014，希望出年會更加精彩
發掘更多美景路線比自己同大家分享吧！


ＴＨＸ　ＦＯＲ　ＲＥＡＤＩＮＧ ．

我 D 行山活動接近完全停止，就算行返都要搵 D 易行 ge 練一練先
不過每次睇完你 ge 遊記都好似自己去過一樣

巴士狂徒 :我 D 行山活動接近完全停止，就算行返都要搵 D 易行 ge 練一練先
不過每次睇完你 ge 遊記都好似自己去過一樣

學我d 朋友咁講, 有d 地方真係睇相當去左好啦
的確, 今年自從跟左隊之後, 我都發覺自己越玩越險, 好多路線都唔係一般大路可以話去就去
亦因為咁, 一班以前成日同我行山既朋友都比我嚇怕, 覺得我次次都一定搵險野玩, 唔肯再跟我行

2013年玩左太多自己想去好耐既路線, 今年再計劃路線之時, 相信會更加困難呢
有d 咩地方係自己未去過, 但又值得一去既呢? 真係諗唔到呢

《 KODA KUMI 》 :

巴士狂徒 :我 D 行山活動接近完全停止，就算行返都要搵 D 易行 ge 練一練先
不過每次睇完你 ge 遊記都好似自己去過一樣

學我d 朋友咁講, 有d 地方真係睇相當去左好啦
的確, 今年自從跟左隊之後, 我都發覺自己越玩越險, 好多路線都唔係一般大路可以話去就去
亦因為咁, 一班以前成日同我行山既朋友都比我嚇怕, 覺得我次次都一定搵險野玩, 唔肯再跟我行

2013年玩左太多自己想去好耐既路線, 今年再計劃路線之時, 相信會更加困難呢
有d 咩地方係自己未去過, 但又值得一去既呢? 真係諗唔到呢

我冇呢個情況，係怕班友唔再搵我行

如果諗唔到去邊，可以諗諗有咩地方值得一去再去

巴士狂徒 :我冇呢個情況，係怕班友唔再搵我行

如果諗唔到去邊，可以諗諗有咩地方值得一去再去

行街食飯睇戲等等一般年輕人會做既野都仲可以搵到佢地
一講起行山就個個都怕怕
所以上年除左跟團之外都係獨行

一去再去既而又計劃左既會有1月5日出發既鬼手，今次轉坐大飛去
路程減半，可以慢慢行
仲有夏天既玩澗季節，今年盡可能積極咁參加

《 KODA KUMI 》 :

巴士狂徒 :我冇呢個情況，係怕班友唔再搵我行

如果諗唔到去邊，可以諗諗有咩地方值得一去再去

行街食飯睇戲等等一般年輕人會做既野都仲可以搵到佢地
一講起行山就個個都怕怕
所以上年除左跟團之外都係獨行

一去再去既而又計劃左既會有1月5日出發既鬼手，今次轉坐大飛去
路程減半，可以慢慢行
仲有夏天既玩澗季節，今年盡可能積極咁參加

我只是去童軍的遠足已經覺得很辛苦，很恐怖，見到你們的遊記及路線真的不敢想像，我這排上山只是參加定向比賽。

實在佩服佩服
星期六行完鳳凰山條大路已經覺得勊，不過條路一共行咗四次(連埋呢次)

miklcct :我只是去童軍的遠足已經覺得很辛苦，很恐怖，見到你們的遊記及路線真的不敢想像，我這排上山只是參加定向比賽。

其實經驗，體能等等都係累積返黎的！
以前一年行得幾次山，５至６小時路程我都已經覺得好長途！行完都會酸會累
我都係呢一年半裡面先行得多到痴左線 （大概係２０１２年年中開始）
有留意「攝影畫廊」呢個版既都會發現我都係呢年幾入面先開始起到大量洗版的

起呢年半入面，不是我要自我誇獎，但自己的確起不知不覺間發現自己既體能比年半前既我強左好多
以往連續式上山既路段都要分幾次上，而家可以一口氣冇停留，甚至係跑上山
其實都有賴一班山友起呢一年半入面對我既「催谷」，因為跟親山友開既團，個個都係快腳體能怪，基本上唔跑都冇咩可能追得貼！
初初我都追唔到，慢慢一步一步咁都發現自己可以越跟越貼，而家強左唔少既體能都係年半前自己冇諗過自己可以的，不過就真係得來不易！

不過代價係，以前著開既鬆身牛仔褲而家都變晒做窄腳牛仔褲，肚腩都細左，可惜依然存在起到

1318 :實在佩服佩服
星期六行完鳳凰山條大路已經覺得勊，不過條路一共行咗四次(連埋呢次)

其實體能比我強的人都不少，一直都好想試下玩毅行，但見到一班山友為毅行前既密集式操練，自己能夠做既就只有起佢地ＦＢ上面讚好而已

～ 馬 鞍 山 礦 工 ～ :

巴士狂徒 :我冇呢個情況，係怕班友唔再搵我行

如果諗唔到去邊，可以諗諗有咩地方值得一去再去

行街食飯睇戲等等一般年輕人會做既野都仲可以搵到佢地
一講起行山就個個都怕怕
所以上年除左跟團之外都係獨行

一去再去既而又計劃左既會有1月5日出發既鬼手，今次轉坐大飛去
路程減半，可以慢慢行
仲有夏天既玩澗季節，今年盡可能積極咁參加

如果搞 BF 行山團會唔會有人 join

～ 馬 鞍 山 礦 工 ～ :

miklcct :我只是去童軍的遠足已經覺得很辛苦，很恐怖，見到你們的遊記及路線真的不敢想像，我這排上山只是參加定向比賽。

其實經驗，體能等等都係累積返黎的！
以前一年行得幾次山，５至６小時路程我都已經覺得好長途！行完都會酸會累
我都係呢一年半裡面先行得多到痴左線 （大概係２０１２年年中開始）
有留意「攝影畫廊」呢個版既都會發現我都係呢年幾入面先開始起到大量洗版的

起呢年半入面，不是我要自我誇獎，但自己的確起不知不覺間發現自己既體能比年半前既我強左好多
以往連續式上山既路段都要分幾次上，而家可以一口氣冇停留，甚至係跑上山
其實都有賴一班山友起呢一年半入面對我既「催谷」，因為跟親山友開既團，個個都係快腳體能怪，基本上唔跑都冇咩可能追得貼！
初初我都追唔到，慢慢一步一步咁都發現自己可以越跟越貼，而家強左唔少既體能都係年半前自己冇諗過自己可以的，不過就真係得來不易！

不過代價係，以前著開既鬆身牛仔褲而家都變晒做窄腳牛仔褲，肚腩都細左，可惜依然存在起到

1318 :實在佩服佩服
星期六行完鳳凰山條大路已經覺得勊，不過條路一共行咗四次(連埋呢次)

其實體能比我強的人都不少，一直都好想試下玩毅行，但見到一班山友為毅行前既密集式操練，自己能夠做既就只有起佢地ＦＢ上面讚好而已

其實香港的大學生是否普遍都是體能很好的？我認識的同學中，無論是已經升上大學的中學同學，大學的莊友，以及group project的組員，比賽的同伴都好，很多都很勁的，又大隻又強莊又跑得，當中亦有不少山友。

K16.NF6585 :如果搞 BF 行山團會唔會有人 join

我其實有諗過搞, 但係考慮到自己唔清楚大家既實力(包括體能同經驗), 而且自己本身對於急救係０知識
實在係唔敢貿貿然開團比大家跟
同埋太易既團，又可能行到大家都冇乜癮，有些少難度既，又未必真係個個同行既可以應付到，要考慮既野真係唔少的！

雖然話可以學其他行山論壇咁講明「責任自負／不設保母式照顧」等等既免責野，但係起山到出事係一定唔到你唔搞唔幫手的

小可愛智智 :其實香港的大學生是否普遍都是體能很好的？我認識的同學中，無論是已經升上大學的中學同學，大學的莊友，以及group project的組員，比賽的同伴都好，很多都很勁的，又大隻又強莊又跑得，當中亦有不少山友。

唔一定大隻既體能就好既，因為練大隻同練氣練體能，大家練既方法同方向都唔同
同埋都係果句啦，冇人一出世就好好體能既，後天既因素佔好大部份，我自己就純粹因為興趣而不知不覺連體能都好左