香港巴士論壇

太陽報 :【太陽報專訊】旺角行人專用區昨起縮減開放日數，恢復通車，但惹來大部分道路使用者不滿。有司機大嘆不少行人「照行出馬路，仲危險咗」；行人則投訴行人路狹窄，「逼到無辦法唔行出馬路」。原本在專用區表演的表演者，則被迫遷往其他場地表演。食物環境衞生署人員昨日出動「捉阻街」，避免行人專用區內行人路「大塞人」，喧嘩的街道一片混亂。

旺角西洋菜南街、奶路臣街及豉油街的部分路段在周一至周五不再是行人專用區，惟有關區域開放多年，市民已經習慣「行出馬路」，加上行人路狹窄，不少市民被迫走到馬路繼續前行，令馬路與行人路的分界形同虛設。

客貨車司機邱先生批評安排令路面情況非常危險，亦對他們的工作沒有幫助，質疑做法擾民。他解釋：「十幾年來我哋都習慣喺花園街停車，搬啲貨嚟西洋菜南街呢邊，依家呢度停車又抄牌，我哋好難做。架車駛咁邊，啲行人又唔知幾時衝出嚟，仲危險咗。」行車難，途人前行亦困難，雖然有交通督導員指示行人「行番上行人路」，但人流太多，人車爭路情況普遍。路過西洋菜南街的袁小姐大嘆，行人路「好逼好唔舒服」。原本在行人專用區擺放易拉架的商戶，亦被食物環境衞生署掃蕩，大嘆「搵食艱難」。

食環署捉阻街

行人專用區另一主要使用群是街頭表演者，兩年半以來都在該專用區表演的歌手Tony，昨日被迫轉移至旺角行人天橋表演，吸引逾二十人駐足欣賞。惟因聲浪問題再次遭投訴，期間有警員介入。他表示多人駐足欣賞自己的表演，已證明港人喜歡音樂，需要公共藝術空間，「殺街」決定只照顧一小撮人的需要。

另有打算到行人專用區表演二胡的國內表演者楊先生，昨日到達行人專用區後才知悉該處已遭「殺街」，無奈說：「我到哪裏都可以表演，香港不歡迎我，我可以到上海、深圳。」

食環署發言人指，昨在旺角行人專用區發出一張定額罰款通知書，移走二十多個宣傳品及相關展示器具。警方指已視乎人流和車輛流量加強人手管理，初期執法將以教育和勸喻為主。

運吉署 :旺角的商業、零售和其他經濟活動十分頻繁。在西洋菜南街繁忙時間每小時的行人流量達 20,000 人次。路面空間不足，以致人車爭路，亦會導致交通意外發生。為了改善行人的環境和安全情況，運輸署已經在旺角區較繁忙的地點實施行人環境改善計劃，計劃包括：部份時間行人專用街道

情侶檔 on 2014年1月23日 08:07:36:當日唔係西洋菜街有示威, 所以之後搵個原因取消行人專用區咩?

利申：我有去

§※寂寞之子※§ on 2014年1月23日 02:27:26:由佢初初由十一點縮到十點,
果一個鐘都已經係人車爭路,
已經係咁夜冇咁多人都出現呢個問題,
唔好講平時其他時間啦~

正路係比個場地比佢地表演, 或者限制時間例如係中午至傍晚時段~
而唔係咁做, 一來人車爭路就好危險, 二來只係將呢個噪音問題帶左去第2個地方
好啦D人去旺角天橋表演, 有人投訴既時候係咪諗住拆左條天橋解決先?

AVD1 on 2014年1月23日 12:38:09:

§※寂寞之子※§ on 2014年1月23日 02:27:26:由佢初初由十一點縮到十點,
果一個鐘都已經係人車爭路,
已經係咁夜冇咁多人都出現呢個問題,
唔好講平時其他時間啦~

正路係比個場地比佢地表演, 或者限制時間例如係中午至傍晚時段~
而唔係咁做, 一來人車爭路就好危險, 二來只係將呢個噪音問題帶左去第2個地方
好啦D人去旺角天橋表演, 有人投訴既時候係咪諗住拆左條天橋解決先?

正路係比個場地比佢地表演
呢個我係同意, 但旺角其實真係唔係一個好地方,
始終同民居太近, 表演點都會做成嘈音滋擾 ~

我都明白搵個平衡點係唔易,
但我覺得如果真係要起九龍區搵個地方出黎比班表演者,
我會揀尖沙咀碼頭 ~