警告：攀崖溯澗為危險玩意．遊記只屬分享性質．新手勿試！
>>>>今次路線>>>>
>>>>更詳盡的遊記在此<<<<
＞＞＞＞更多圖片今次就唔出了！＜＜＜＜

---

赤坑西坑爬爬爬．登上牌額剷剷剷！=.=

真係有史以黎最嘔血既一次！澗既難度值四粒星，但剷林既難度絕對係澗既兩倍！
今次一行７人串遊西貢兩條險險地既小澗．赤坑同牌額西坑，再加爆剷森林上牌額山頂！

由北潭坳出發，星期日既北潭坳，即使渣馬已經「趕走」左唔少行友，但同樣人山人海
沿麥２逆走到赤徑，路邊再轉入赤坑，澗道短短地，分成三層，每一層都有野爬下
難度不一，但唔難應付，結果悶悶地中層一半人都去左加星正攀瀑崖，真係幾好玩！
過晒三層，赤坑既崖壁路段就已經完左，成段又玩又影相又爬壁都只係玩左１小時，真係意想唔到咁短
但係玩完赤坑上牌額山，最嘔血既惡夢出現，為左上牌額山頂，平時穿林都有跡可尋
但今次剷既林，密到連野豬都未必行到，但樹上又真係會間中出現尐陳年舊絲帶，証明路線冇錯
結果大家沐浴左起樹林裡至少1.5小時，條路究竟幾多年冇人行過呢？










上到牌額山頂大休後，終於都有返尐比人行既路！之後就到下半場既牌額西坑
甚少玩澗既我，攀上澗就試得多，攀落就第一次，牌額西坑兩個大崖壁都起碼有十幾廿米高
不過就真係得個高字，只要唔怕高，難度唔算大，而且兩塊瀑壁比起赤坑真係宏偉好多
如果雨後可以加埋瀑布，肯定又係一幅美景！玩完兩隻崖，之後就已經係靚路一條
仲有一個閘左水既小水池，送給大家一個靚靚倒影，結果倒影一下子被領隊破壞到體無完膚
諗住一切已經完了，但最後仲有一個人工險位要過，玩完晒所有野，岩岩好三點三
Tea Time！出西貢市開埋餐，大家盡興而歸！











後記：
唔知仲夏豐水之時仲有冇機會再黎呢兩條澗呢？因為都幾想欣賞高崖下既瀑景
不過呢，剷林爆林就真係免啦！

ＴＨＸ　ＦＯＲ　ＲＥＡＤＩＮＧ ．

---

題外話：
行山遠足．這活動除了可以強健體能，有益身心，當然還有不少動人的美景等著大家啦！
這一兩年以來，我在這個跟遠足一點關係都拉不上的巴士論壇上，分享著自己的遊歷，見聞
除了是因為在這論壇的年資外，其實我最想的都是讓大家足不出戶都能欣賞得到香港擁有的美景
亦盡自己的能力，提供每次遊歷的路線，希望大家都能在巴士以外，放眼到香港更多的地方
或者是跟隨我的足跡，一起去欣賞，感受大自然的神奇！當然我自己都並不鼓吹大家去跟隨這些險線
不過其實香港還有很多易走，亦有不錯景觀的路線可供大家遊覽，以下兩個片段為Now TV的新節目
《山步．行：序章》Part 1
《山步．行：序章》Part 2
主要是介紹香港一些大眾化／合家歡的郊野路線，大家有興趣也可以去看看！

當然，分享節目是這「題外話」的前一部份，另一部份，是近期高官們一些令人心寒的歪曲言論
自己自問沒有甚麼本事去改變任何事，不過也想盡一點綿力，分享自己的想法，改變大家對此事的看法

大嶼山．香港境內絕對是絕無僅有的大島嶼，全島幾乎都充滿著原始氣息，除了東涌之外
周邊都鮮見高樓，高官所講的「醜小鴨，白天鵝」，聽起來實在令人既氣憤又難過！
郊野佔地多少，郊野的使用量，網上已經有不少資料，我就不在這裡詳述！
可是在高官心目中，有財的地方就是白天鵝，綠化的地方，讓香港人得以放鬆心情的地方卻是醜小鴨
香港不夠地雖然是不爭的事實，要發展也是無可厚非，但要地要起樓，香港還有很多地方
解決住屋問題亦有很多方法，例如控制人口增長，可惜政府卻一直打量著郊野，
要知道郊野一旦發展，其破壞將會是永久的！
我雖然對現狀無能為力，亦相信現在這個一直倒著民意行事的政府，終有一天都會通過發展郊野公園
大家也好，自己也好，在這裡我也只希望大家能盡到少少力量，一起去守護香港珍貴的郊野！
我們的大嶼山．．．