因為近期已經有幾團出鬼手既遊人出事，所以不得不再三提醒！
嚴重警告：所有想出鬼手既人！
此線新手勿試，體力不足者勿試，速度欠缺者勿試，準備不足者勿試，唔熟路勿試，無夜行經驗勿試，無綑邊行澗經驗勿試
另外如果前往者，請顧及自己及同行者之能力！切勿過份強求出咀，寧可放棄等下次再試！免生意外

---

今次三日內出兩次咀，所以唔開兩篇遊記啦！
頭５張相係「黃竹角咀．再來環湖摸鬼手 (28-2-2014)」既遊記
之後既相係「黃竹角咀．大飛鬼手鳳凰笏 (02-3-2014)」既遊記！
>>>>更詳盡的遊記在此<<<<

---

>>>>再來環湖摸鬼手的路線>>>>
＞＞＞＞更多圖片＜＜＜＜

環湖出咀摸鬼手．一年一度行到嘔！

２月２８日，一個好特別既日子！
起完全冇夾過既情況下，上年同今年既環湖出咀摸鬼手，竟然都係起同一日出發
絲毫冇任何偏差既一年一度呢！

今次同discuss既師兄結伴同遊，兩個人一齊出咀，一條被冠稱為考大牌既路線
全程足三十公里，再加上崎嶇山路，複雜既路況，體力，速度，經驗，時間既控制．缺一不可！
不過今次不求太快既速度，只係致在完成預期既路線，雖然行完之後都有果種爽快既酸軟感
但就冇再好似上年咁酸軟左幾日，第２日已經行得走得！
另外就係，因為上年出咀回程時，並冇經過跌死狗，行少左一段環湖徑，今次就係一心要黎報仇
將剩低果一少段環湖徑都ＫＯ埋佢，真真正正既「環湖出咀摸鬼手」，今次終於都完成了！






後記：
曾經諗過，狂想過，呢條路線如果獨行既話會有幾刺激呢？
對於已經習慣左獨行既我黎講，此線依然唔敢去隨便冒犯，只因為令人望而生畏既距離
出事既嚴重性可以「媲美」一眾險線！嗯！獨行的確要顧慮唔少事呢！
哈哈，估唔到起之前一篇遊記上略略提過環湖出咀，竟然會有山友自動送上門
有人同行，自己信心都大得多！
２０１３，１４年．都可以完成呢條怪獸級別既路線，相信將來每一年都會再黎玩呢！

---

>>>>大飛鬼手鳳凰笏的路線>>>>
＞＞＞＞更多圖片＜＜＜＜

三日兩次摸鬼手．全新路線綑岸走！

又來了！兩日前玩完「環湖出咀摸鬼手」，今日就再玩鬼手，不過就係一條自己未曾行過既新路線
坐大飛直接到鬼手，再綑邊去鳳凰笏，冇辦法啦，火紅海岸實在太吸引！
基本上都冇人會記得另一邊仲有個鳳凰笏可以綑，似乎要有一團，比起火紅海岸更加珍貴呢
所以又唔駛多諗，即刻調假過黎玩！

今年只過左３個月，但鬼手已經係第３次黎到，仲要係一個月一次，仲準時過食藥！
今次就繼續起黃石碼頭出發上大飛，直接起鬼手「搶灘」，山路玩過，靚爆既火紅海岸又玩過
黃竹角咀，就只淨返鳳凰笏未解決！綑遊呢一邊既海岸，難度比起另一邊火紅海岸低得多
路程似乎亦比較短，唔覺唔覺已經綑到鳳凰笏，不過景色感覺上幾平淡！係有個趣緻ＥＴ石可以咀下佢！
仲有個唔太起眼既赤門洞，跟住行多一陣就已經到鳳凰笏，呢到都算係大自然又一神奇傑作
究竟咁大個內海海灣係點形成既呢？雖然感覺上好快就到左鳳凰笏，但係仲有個鳳凰溪又未解決！
又一條唔知幾耐都冇人行過既小澗，好彩都唔須要爆林，呢排真係爆林爆到怕！
條小澗行足一小時，以為甩難？仲有大半個環湖徑未解決！三日內第二次走環湖徑
又係行到怕，都係快快腳急步行晒佢算，行友都醒目，今次避開左令人嘔血既長牌墩
起山路衝落老虎笏，結果其他起環湖徑爬左頭既遊人，我地又靜靜雞爬返佢地頭！
最後出返副壩，仲有大把時間玩埋象鼻崖，玩完晒先遇返爬頭既遊人，「捷徑」真係快得多呢！

玩完晒！三個未解決唔駛揸手都解決晒！巴士呀叔都唔夠我地玩啦！！！
















後記：
突然間傻左，我都唔知自己上面講緊乜！
講返今次，頭三個月內就好似「大掃除」咁，將黃竹角咀兩條海邊加一條山路全部「清除」
今年都算玩得夠激呢！
黃竹角咀，下次再黎應該都要出年了！

ＴＨＸ　ＦＯＲ　ＲＥＡＤＩＮＧ ．