我頭先就買左 雖然我未開始仔細咁睇
但直覺覺得本書可以話係18年前《香港廣告巴士圖鑑》嘅加強版或延續版
點解我咁講？兩本書都係刊載二十世紀巴士嘅全廣相 但相比之下 而家嘅印刷技術無疑係比18年前嘅書好
除此之外 雖然有約兩至三成係有近年嘅全廣相 感到小小沉悶乏味(可能同以前全廣作對比)
然而其中真係有連網上同外購相都睇唔到嘅經典相 令到我大開眼界! 例如：
1.丹拿型號嘅禁毒 清潔香港 防止山火 登記做選民
2.珍寶嘅家計會
3.BL嘅樂富中心 百佳反通脹
4.3BL嘅黃頁 著眼點唔係呢度 而係電牌3BL唔係行5而係行48…
5.S3BL嘅八佰伴紅磡店
6.DL1大家樂
7.ML21海洋公園等等
雖然我給予好評 但唔代表係冇敗筆 唔駛改善嘅地方…
目錄過份簡約：由第8頁至282頁都係寫「圖版」
連中記紀念館嘅廣告頁面都有分類 點解呢本書會冇？如果我想翻查圖片 或者託人改車
我要搵八佰伴 我要搵萬寶路 我要搵海洋公園
因為目錄求其關係 我只可以成個傻仔咁不斷係度揭 甚至揭到天荒地老都搵唔到…
作者想回顧巴士廣告發展史 仲專誠同其他巴迷朋友合作提供圖片
呢個出發點係好嘅 我都佩服可以有咁多鮮為人知嘅經典廣告相 我感到非常讚揚同敬佩
但如果冇考慮到讀者嘅閱讀方式 即使為本書定左個良好嘅出發點 並做左好多準備功夫
目錄過份簡約只會拖垮成本書嘅精髓 甚至浪費眾多巴迷嘅心血同讀者嘅閱讀時間
雖然我一針見血 但我都係講番個事實出黎
不過 整體上黎講我都會比本書給予好評 係100分滿分裡面 我都會比80分
希望作者可以汲取教訓同改善 將來會帶更多嘅好書比我地讀者睇
而家我都開始睇我新買番黎嘅新書啦~
歡迎討論！
