1:咩情況之下,巴士會著住排氣燈/廢氣燈?
2:在排氣燈/廢氣燈亮著的情況下,巴士的引撃轉數/性能會下降多少?
3:排氣燈/廢氣燈在咩情況之下會消失/關掉?

拾著IPOD的少年 on 2014年2月9日 02:16:33: 1:咩情況之下,巴士會著住排氣燈/廢氣燈?
2:在排氣燈/廢氣燈亮著的情況下,巴士的引撃轉數/性能會下降多少?
3:排氣燈/廢氣燈在咩情況之下會消失/關掉?

1. (純粹推斷) 無尿/尿管塞左 (sensor 壞左)


2. 英國巴壇有人提及過兩軸 B9 會將引擎整體輸出減低 39%，ADL 應該都係差唔多
其實數字無乜特定參考價值，應該都係設計時粗略估算過一般情況下要點樣限制輸出吊著個油門會較為保證廢氣排放超標，於是 set 左一著燈/電腦感應以為無尿就限幾多油


歐四版著燈較少見，印象中搭過 811x 同 401x 各一次，811x 著燈行 N8X 坐滿再企著十人開衡冷氣都仍有 1700 轉轉波，
唔知係咪著左燈限制左爆唔上紅區，但部車性能已經好過歐五 E500 多多聲
401x 本身都鎖到渣到無，著埋燈除左行東廊明顯慢左少少之外實際車程無乜大分別 (部車好似得 60-65 左右，但東廊段話咁快行完，對比 722 既車程黎講影響幾乎少於一分鐘)

歐五著燈大家都見得多，個人搭過 820x 行 A12，著燈係明顯比起當時日日搭 21xx 返工慢左 5 分鐘到機場，條條斜好似糖水道、中環衝上 4 幹、水街上西隧都無力
但踩到盡同埋用波掣，部車波段即時反應係唔受影響，雖然由昂船洲大橋至青馬大橋中間條隧道口少少暗斜都即刻無晒力，但一用 3掣都叫做即時爆著 5波 turbo 聲十足衝斜，算係司機肯踩肯谷幫手追返 d 時間

離少少題既例子，兩個月前先係倫敦搭左部著燈既 E400H，不過 ADL 兩軸 hybrid 車副偈主要係幫手叉電，唔係駁落去軀動軸
錯車頭睇著轉數錶同車速錶好似唔係同一架車咁，摩打帶著部車繼續車速直線上升，轉數錶就窒著窒著無力回天咁升上中轉都有問題


而講起電腦野，著燈鎖車基本上等於啟動左行車電腦個 fail-safe 慢速返廠模式 (Volvo 歐二三年代已有，反而同期 Dennis 一壞車就要擺街拖入廠整，Volvo 壞左都仍然夾硬行得呢樣亦造成以往豪偈車特別多廢車既錯覺)
唔單止係無尿/sensor 壞左以為無尿而截油，基本上成架車咁多同行車有關既電子野壞左已經夠做出呢種蟻躝效果
搭過一年車齡時既 7024 無著燈得唔夠廿個客可以 30 上石排灣道、10-15 上置富，又搭過一年車齡既 AVBWU 行 102 上車時好地地，但愈行愈無力，出紅隧條暗斜斜度均勻都可以一路再跌速跌到 20 咁躝出去，
以前 B6 年代久唔久就有 d 車上斜跌到無聲先識拖波，兼且連拖波個下都有截油，好似吊著油門咁，行行下個電腦可能突然壞壞地跳返落去正常模式，即刻可以拖得返波成部車推晒背咁行一陣，轉個頭下一個街口又慢到蟻躝咁
最重要係 d 車行起黎黑煙無乜、偈聲正常無乜特別雜音，成部車出力係出得好均勻唔係某個特定波段或者轉數先無力，呢 d 應該都係行車電腦出錯而自動鎖車既例子


3.(都係跟據少量大家都有既資訊再推斷)
其實歐五車正常行駛時用尿既份量只係油渣既半成至一成 (歐六大部分熟口面既車廠都要同時齊備燒碳同飲尿技術先夠減排，所以耗尿量反比歐五少，而唔知排放比歐五寬鬆少少既歐四係咪正路個耗尿量都比歐五少)
除非巴士公司入尿既時間表安排得好無規律，否則唔係咁易行行下無晒尿而著燈
所以應該有更多機會係尿管或者輸尿個堆電子感應同零件壞左，近代車下下用電腦控制 (Dennis 車相對落後，不過歐四年代後都開始多電腦野)
估計基本上係要從零件著手，單單入返足尿應該唔夠


好多時電子野壞左睇落小事，但換起上黎價值不菲，而且搵出問題源頭本身都唔係易事，英國巴壇 (可能因為較多會員現職巴士行業，所以間中有 d 營運方面既料聽) 都久唔久有 d Volvo port 極都無力，車房抬埋引擎波箱都無用，最後試到要 reset 過晒行車電腦先正常返
Enviro 車系歐四五早期尿管 sensor 壞左問題應該幾普遍，英國唔同巴壇都分別有人指出過早幾年批 ADL 都有呢個問題，而且都同香港個批底褲一樣搞左一段時間先諗到點解決

interesting to know there is a exhaust light, never heard this before where is it in the bus