但睇完佢 d 站位 我就唔多睇好
美孚呢邊只得一個站 感覺客源未必夠
除非成個美孚新村派晒傳單入信箱 否則會有幾多人知佢存在係疑問
如果由荔枝角總站開 因為個邊遠離地鐵站 客源可以多唔少
不過 我相信拉左過去都要繞經美孚總站 其實咁兜無問題
但慘在荔橋橋底個掉頭位 朝早又可以幾塞
![[banghead]](https://www.hkbf.org/images/smilies/icon_banghead.gif "我撞牆死左佢算啦！"){kind=icon}
咁個班次又可能真係幾唔穩定...
美孚總站開都算 係咪最基本都比返個 6 號由荔枝角出黎既免費轉乘(第二程減收 6 既收費)做駁腳?
6x 可以跟 6D 咁加停中電出面個站 時間影響有限
另一邊更大問題係尖咀 唔知係佢真係咁神心 巳經望過停多個站都會唔順燈定點
站位只得兩個 但好似唔多就腳
中港城個站都算方便人去轉中港船
九龍公園徑近北京道又唔知點解唔設站 反而兜去彌敦道半島先黎擺個站.....
廣東道真係睇返邊個位 返得較近天星個邊 以6x而家兩個站行過去 同搭MTR都一樣行咁遠....
仲有 呢排話諗點樣疏導地鐵爆到七彩情況 咁點解唔借 6x 打頭炮幫下手疏導過海人流?
可惜九龍公園徑改左唔比右轉去尖碼 所以6x 無可能入到尖碼
否則兜到入去直接轉小輪 咁去灣仔北同 IFC 個邊會相當吸引 望下價錢就知
6X + 小輪去灣仔北 只係 $9.4
6X + 小輪下層去中環碼頭 只係$8.9
入唔到都唔緊要 係咪應該改行廣東道直落 停北京道站(同110同站)?
大約行300米就到天星碼頭 好似好遠 但由灣仔地鐵行到中環廣場都係呢個距離
仲要諗諗由地底上黎要用既時間
只係唔知九記定運吉係咪驚搶隧巴客 d站位硬係擺到離碼頭咁遠 (但我又唔覺得美孚好多人坐隧巴
)最後 我真係 R 爆頭都唔明點解個站會擺彌敦道半島門口 無得摺數都小事
客未必多但又唔見得方便佢回車先奇怪 因為佢擺呢個位 除非之後做第二條線中途載
否則私返美孚 都要去到眾坊街先出到公路 唔見得有利回車
所以 我對 6X 路線有以下修改建議
1. 最少增設同 6 有轉乘 吸納荔枝角總站個邊班通勤客
2. 加停渡船街站 (同 2E 同站 做埋佐敦客)
3. 改經廣東道直落梳士巴利道 理想既就埋271總站站尾 (唔得就停新港中心站尾)
4. 加停北京道站(同110站同位 方便轉船去灣仔北同IFC)
5. 尖沙咀總站 改設在 尖東麼地道總站
如果覺得難以同西鐵鬥 尖東唔會有客 咁亦可以改唔停上面第3點個站 先直落廣東道北京道站
然後落到梳士巴利道轉返入九龍公園徑 停九龍公園徑站 最後停中港城門口兼做總站(只停出面唔入去都得)
跟住私返美孚仲快過佢而家既定線
班次 收費個 d 通通唔變
歡迎討論
![[sosad]](https://www.hkbf.org/images/smilies/icon_sosad.gif "So Sad"){kind=icon}
