警告：石澗帶有危險性．遠足安全最重要！以下遊記只屬分享性質．新手勿試！
>>>>今次路線>>>>
＞＞＞＞更多圖片＜＜＜＜
>>>>更詳盡的遊記在此<<<<

---

嚇死老友急上攀．雨後豐水遊東龍！！！

東龍石澗．源起於大東山，為東涌五龍之一，而且係五龍當中瀑布最密集既一條，雨後遊東龍，瀑布更加為之震撼。
上一次玩東龍時枯水，所有瀑布只得黑崖濕壁，之後就一直都起到等待時機，試過一次雨後東龍但又遇上雷暴要緊急撤退
今次再一次起雨後，再一次嘗試上溯東龍，終於都有精彩既高崖飛瀑可以欣賞啦！


約齊老友一齊玩，點知有個一入澗就爆鞋要敗走，要佢起山下等我地玩完再會合真係十萬個抱歉。
原本４人行變成３人行，繼續行程上溯東龍，上次獨行枯水東龍可以唔駛濕腳，今次大水就真係無謂避，
上溯大約一小時左右就到第一，二，三個瀑布，呢到就係連環瀑，大水真係冇得頂，第一個瀑布就已經令人嘩嘩聲，
瀑左上攀開始就嚇死朋友了「路黎架？人行架？」再一刪一大堆姨媽姑姐ＸＤ，有驚有險地都總算全員安全逃出生天，
連環瀑後瀑布繼續連環，跟住就係伏虎潭，再起左邊山路上，伏虎之後是鷹頷，真係稱得上係一瀑接一瀑，
而鷹頷瀑，應該係今日行程中最值得欣賞既瀑布，瀑高而且分散，層次感十足，絕不單調！










鷹頷過後就上瀑頂大休啦，瀑頂上面有兩個水池，一大一細，細池玩水捉蝌蚪都玩左好耐下，
再上就只係得返一個瀑布仔就出澗了，上次玩過全溯，今次玩一半只玩精華段就已經好夠皮，
不過出澗條山路都唔係好野黎，免費無限上網服務真係優質到嚇死人，好彩條路唔係長，出返呻吟徑落山，
每次行都必到既觀龍台，今日睇左龍同藏龍兩個瀑布都非常大水，紅雨真係做到野，連對面果埋臥龍險澗都有晒瀑布，
真係好少見，最後出返郊遊徑，原來爆鞋小子竟然起個公園到午睡緊，如此無私既等待實在感動到數百萬人。
最後返東涌沖埋涼都已經去到六點，澗仔短短都玩到一日，爽皮，爽爆！











後記：
今次其中一個朋友有ｄ畏高，咁樣爬法行法應該都嚇到佢半死了，不過要諗ｄ路程短又容易既石澗比朋友玩又真係諗到頭爆呢．．．
東龍石澗，希望佢地都覺得好玩啦^^

ＴＨＸ　ＦＯＲ　ＲＥＡＤＩＮＧ ．

---

上一次的遊記：缺水大東．東龍石澗 (2-5-2014)
我的AM730介紹：北龍石澗