倘若遇上車長按錯分段，乘客就要無辜地多付車資。
（打去九巴熱線同服務員講，到佢查完一輪之後證實係車長錯誤，再到俾返幾元我係好費時，
但成日俾佢扣多咗錢 (啲車費本身又唔係平)，我覺得要取回公道！）
另外，我覺得 循環線 於哪個站轉八達通方向，九巴（其他公司我不清楚）內部好似都冇定統一標準。
（啲車長好似鐘意邊個站轉都得咁......
[註1]
）[註1]
）舉例說，我乘搭 273A（常搭路線），我見過未到嘉盛苑（華明方向）就轉又有，粉嶺鐵路站／百福田心球場之間轉又有，
華明總站先轉又有......
尤其九巴而家愈來愈喜歡 開辦／將現有路線改為「不對稱循環線」（如 14X, 286X, 287X 等），使我時常關注這個問題。
我對於巴士路線都算是有點研究，我覺得「不對稱循環線」，表面循環點與實際轉方向循環點應有所不同，
因為這些路線有「循環圈」的出現，即
巴士上既有乘搭緊去程的乘客，亦會有作回程的乘客準備上車
。都係舉返 273A 做例子，佢表面的循環點係「華明」，但實際轉方向（包括八達通機和目的地顯示）的站應該係
「循環線不對稱部份」的首站，
即「百福田心球場」，
原因我
上面講咗
，否則可能會使部分乘客喪失應有的轉乘優惠（如 273A 牽晴間→ 261/276系往大西北）俾九巴扣多過錢之後，我乘車時開始去留意個八達通機（乘客端），發覺到原來 不同方向的顯示是不同顏色的
（去程白色字，回程紅色字）
但後來我發覺又好似唔係，87K線（我另一條常搭路線）係掉番轉（去程紅色字，回程白色字），
我最初以為係啲車長諗住呢條線冇乜轉乘，轉唔轉方向冇乜所謂......
而家做咗北區人之後，差唔多搭親巴士都要用到BBI，所以車長有沒有按錯八達通方向對於我嚟講係好重要！
（之前有 70X←→277X 呢個轉乘 (第二程免費)，但我基本上都唔敢用，
一來驚佢扣錯錢，二來反正都咁辛苦等到部 70X，無謂又要在華明再等過 277X，慢少少但一程車好過！）
其實到底八達通機文字顏色同行駛方向有沒有關係呢？
歡迎討論！！
）