唉，仲有幾篇遊記自己掛住玩未有時間擺上黎，有排搞啦

---

注意：部份路段須與汽車為伴，分流及二澳為大量off road路段，如有興趣請量力而為
>>>>路線參考>>>>
＞＞＞＞更多圖片＜＜＜＜

---

分流二澳風景好．順遊大澳登大佛

原本今日係上大東睇日出既，但係近兩三日早上都係多雲，執好晒野但諗諗下都係無謂食白果，屋企張床點都訓得舒服ｄ。

一早解決左早餐，搭程ｍｔｒ入到東涌又九點，咁早起身為乜呢？
環大嶼山已經玩左兩年，重覆既路線好似冇咩新意，所以今日有點心血來潮地想踩返轉分流
仲記得４年前同朋友行過分流，路況係點都仲有少少印象，係二澳麻煩ｄ之外其他都好好行
踩車就未試過唔知應付到幾多，唔緊要啦，過唔到咪推過去囉！ＸＤ

又黎東涌道上山，永遠覺得一黎未熱夠身就上大斜係件辛苦事，慢慢捱上伯公坳
落山就唔行東涌道啦，落側邊果條舊東涌道，再經引水道出石壁，原來咁行快過出面嶼南道好多
到達石壁水塘，好耐冇起到睇狗牙嶺既英姿啦，過埋水壩之後就轉左經車路去分流啦。





車路過後接山路，初段要拓兩野車，之後可踩既路段都多得幾緊要，沿途望住下面條海岸線，仲有個靚絕既分流東灣
有諗過去唔去埋分流炮台，但又驚唔夠時間，結果直去到一間士多都冇開既分流村，冇得補給了。






煎魚灣後到二澳，果然係全日最辛苦一段，雖然路已經比四年前開闊左，不過都唔易過，推多過踩既一段
入面二澳村，真係短短四年，面目全非，好快就出到水泥村路，輕輕鬆鬆到大澳
大澳真係一年點都要黎一次，太有鄉村樸素風味之餘，仲要成街都係貓貓，香港真係得呢到ｄ貓可以通街走，好有趣！









遊完大澳，再上大佛，原來今年又係未去過大佛，連經過都冇，難得山長水遠黎到大嶼山，踩上大佛真係必做既事
拜會過大佛，再望望鳳凰山，倒腕石河仲有個南北巖，呢個自己心目中世紀級既靚景路線，入冬之後又要諗諗佢啦！
法門古道落山，５點鐘就上左車走人，好似都係咁多次以黎最早走既一次！




後記：
羌山，靈會山果段又好似有ｄ難度咁，下次再黎大嶼山，似乎點行路線都會重覆了！

ＴＨＸ　ＦＯＲ　ＲＥＡＤＩＮＧ ．