各式嘅攀高式消防車亦隨之出現, 成為消防部門必備嘅消防裝備,
喺消防車嘅發展史上, 除左旋轉鋼梯、升降台同梯台之外,
仲有一種英文稱為 Pump escape, 香港俗稱 "大樓梯" 嘅消防車種,
呢種消防車亦係英國以前最常見嘅消防車種之一,
其最大嘅特色係車尾背負住一把有兩個大車輪嘅大雲梯,
使用時要用人手將梯抬下, 再推到指定位置然後升高雲梯進行救援工作,
佢地最高可以升至 50 呎, 呢種大樓梯由於係全人手操作,
對當時嘅消防人員來講, 打梯救人無疑係一份苦差,
但係一直到 1970 年代, 大樓梯都係英國各地嘅消防隊嘅主力裝備之一,
喺高空救援工作中, 同旋轉鋼梯一樣擔當吃重角色,
到後來俗稱 "司落高" Snorkel 油壓升降台嘅出現, 佢地靈活嘅性能同容易操控等優點,
令大樓梯慢慢喺消防車嘅角色中淡出, 喺 1980 年代初已經幾乎絕跡。
香港消防處同英國嘅消防隊一樣, 都有使用大樓梯消防車,
而車款主要由 Dennis 同 AEC 提供, 其中一批 AEC 大樓梯消防車,
係使用名為 "Ergomatic cab" 嘅駕駛室 "屋仔",
喺當時消防處嘅各款 AEC 消防車之中, 配用呢款 "屋仔" 嘅消防車比較少,
但係亦喺一九六、七0年代喺消防工作中擔當重要角色,
一直到後來司落高油壓升降台嘅出現, 呢批大樓梯消防車嘅重要性亦慢慢減少,
隨住消防處引入更多司落高升降台, 大樓梯嘅角色亦比司落高升降台全面取代,
到 1980 年代, 消防處嘅現役車隊中, 已經再見唔到大樓梯作為駐局車種。
今日到埗嘅呢架 AEC 大樓梯消防車 F56,
正係香港消防處喺 1970 年代嘅其中一部 AEC 大樓梯消防車之一,
呢架由 Corgi 喺 1999 年推出嘅香港款消防車模型,
本來在下當時佢初出果陣在下亦有少少心動,
始終當時仲未有咁多香港款消防車模型推出,
但係後來有人指出呢架模型喺唔少細節上同真車有出入,
而且價錢亦唔平, 因此亦令在下卻步,
但係隔一段時間, 呢架車又會令我忐忑, 想入又唔想入,
結果十多年之後嘅今日, 喺ebay 揾到呢架模型,
雖然同真車相比佢的確有唔少 Detail 錯左, 但係始終都係十幾年嘅產物,
而且 Corgi 呢間廠出名一模走天涯, 不過佢亦有喺模型上亦有加上應有嘅 Detail,
個人亦覺得已經難能可貴, 而且以依家嘅標準去睇呢架模型,
成架車感覺亦都唔差, 適達在下上個禮拜生日,
呢架模型就當作係送比自己嘅生日禮物啦~ (雖然係遲左成個禮拜有多~)
內有中英對照介紹
證書編號 4579, 限量 4800 架
久違嘅舊消防處皇冠徽號
正式落地!
車頭嘅拖纜絞盤亦有做到, 都算唔錯
用於跳樓逃生用嘅救生網, 不過隨住現今嘅建築越起越高,
呢種裝備已經不合時宜, 取而代之嘅係充氣式嘅大型救生氣墊
車頂亦設有兩支水炮
打梯
同 Dennis F15 大樓梯消防車合照,
呢款消防車以前有冇喺香港用過在下就唔知,
但係呢架消防車真車係英國 Blackburn 消防隊服役, 依家已經被保育
http://www.flickr.com/photos/23137045@N00/3459218215/
真車相片 (相片由沙展兄提供)
Thanks for reading~
