重慶市，簡稱巴和渝，別稱山城、渝都、霧都、橋都...

作為一個位處山區嘅城市，公共交通嘅建設成為一個具有迫切性的問題。
重慶嘅地鐵（軌道交通）系統響全國黎講算係一個發展比較快嘅中型系統，為切合重慶嘅山城特色，部分設計響全國黎講可以話係重慶獨有，仲成為左旅遊景點之一

現時重慶軌道交通有4條線線路，採用以下兩種制式：跨座式單軌：2號線、3號線。傳統鋼輪鋼軌鐵路：1號線、6號線
(1分鐘帶大家了解不同路線)
先講下1號同6號線先
1號線東起小什字，西至尖頂坡，途經渝中區、九龍坡區、沙坪壩區，最終到達璧山縣，全長46公里，係重慶東西走向嘅交通大動脈
1號線同6號線所用嘅車係北車同一型號嘅列車(個人認為同觀塘線用嘅c-train有6成似)
去朝天門、兩路口菜園壩火車站(重慶站)、重慶大學同磁器口古鎮就靠曬佢啦


1號線列車全日分2種運行模式運作，1+1運行，1班由小什字--尖頂坡，1班由小什字--雙碑





6號線全長85.62公里，從南岸區茶園到北碚區。途經南岸區、渝中區、江北區、渝北區，最終到達北碚區，係北碚同南岸區茶園居民出入市區嘅交通大動脈
6號線由於路線實在太長，列車會分唔同路段去行，我自己就見過幾隻唔同版本，例如
北碚---上新街
茶園---禮嘉
茶園---光電園
禮嘉---紅土地...
(總之睇清楚車頭指示先好上)



遊客一般都唔會用到6號線，不過6號線會通過千廝門嘉陵江大橋跨越嘉陵江及東水門長江大橋跨越長江，大家不妨體驗下搭地鐵過江嘅樂趣



黎到重慶一定要搭嘅2同3號線，重慶市民一般叫輕軌，跨座式單軌係一大賣點，亦都係遊客最常用到嘅交通工具，唔搭就走寶啦
2號線全長31.3公里，途經渝中區、九龍坡區、大渡口區同巴南區，會通過魚洞長江大橋跨越長江。2號線係重慶市開通運營的第一條城市軌道交通線，也是中國西部地區第一條城市軌道交通線，同時也是中國大陸第一條採用跨座式單軌的城市軌道交通線。(幾個第一)
由較場口開出嘅列車大多數只會去到天堂堡，要去金家灣---魚洞各站嘅話就要響天堂堡轉車(情況同大家去康城要響調景嶺/將軍澳轉車一樣)
夜晚亦會有部分班次以動物園為總點站，方便列車收返去大堰村車廠
去解放碑、重慶人民大禮堂、謝家灣萬象城就靠曬佢啦





2號線有兩個推介位
1: 由黃花園---李子壩一段高存路段係同嘉陵江平行，搭單軌列車遊覽嘉陵江係一個唔錯嘅選擇

2: 牛角沱---李子壩一段會同主要公路平行競走，呢種情景全球得2處地方見到，一個響大阪，一個響重慶


3號線全長約66公里，橫跨巴南區、南岸區、渝中區、江北區、同渝北區五區，同時係成為全球最長的單軌鐵路
3號線係大家去重慶而又唔靠的士/私家車嘅最佳拍檔，皆因佢連接重慶江北國際機場、重慶北站、兩路口菜園壩火車站(重慶站)等等嘅交通樞紐


同埋觀音橋、南坪等等嘅購物區，同時係重慶南北走向嘅交通大動脈，繁忙時間可以做到1分鐘1班車(拍得住下繁嘅荃灣線）
3號線由於路線比較長，大部分列車都係會分唔同路段去行，除左江北機場---魚洞全線運行之外，仲有
江北機場---四公里
江北機場---九公里
鄭家院子---九公里
鄭家院子---魚洞
龍頭寺---四公里
龍頭寺...九公里...
(都係果句，睇清楚車頭指示先好上)





啱啱落機落火車嘅話，搭3號線入市區就最好啦


3號線亦都係重慶第一條跨江軌道交通線路，會通過渝澳嘉陵江大橋跨越嘉陵江及菜園壩長江大橋跨越長江



其實重慶嘅公共交通工具種類繁多，大家不妨多加利用
例如跨長江嘅索道(即係纜車)

同埋亞洲第二大落差嘅扶手電梯(連接兩路口地鐵站同菜園壩火車站，單程2蚊一位)


後話:::
其實重慶係一個OK好玩嘅地方黎嘅，如果夏天唔係太熱嘅話
遲D話唔定有時間可能上去住番一排
想響夏天去嘅朋友就自己衡量下風險啦(講明先，熱死左冇命賠番畀你架 )

打呢篇長文打左好鬼耐
如果您睇到呢度仍然未撳上一頁走人嘅話，小弟衷心感謝您嘅忍耐同支持
各位亦不妨訂閱小弟嘅頻道以示支持
Thx for reading

估唔到重慶軌道交通o的車全部都用內藏門，好有日本Feel
唔知樓主會唔會有興趣搭北京地鐵？o個度o的車外型除左似日本之外連o的車o既料好多都係用日本o野（東洋、日立）

poon2222 on 2015年5月5日 21:39:52: 估唔到重慶軌道交通o的車全部都用內藏門，好有日本Feel
唔知樓主會唔會有興趣搭北京地鐵？o個度o的車外型除左似日本之外連o的車o既料好多都係用日本o野（東洋、日立）

要搭齊北京鐵冇番1-2個禮拜都唔掂
有假同埋$$先上去啦

同埋重慶軌交2號線係用日本ODA貸款起嘅(2百幾億yen)
技術同頭2抽車都係日本原裝送過去
(車同大阪單軌鐵道係同型)
所以真係好濃日本feel

跟相

索道好正 但睇落好危險下- -

墮落x惡魔. on 2015年5月19日 18:26:54: 索道好正 但睇落好危險下- -

其實同NP360差唔多
只不過係舊D，坐得多人D咁解
人地行左廿幾年，都未試過好似NP360咁會成個大箱跌落黎
片入面企響我隔離果班遊客成程鬼剎咁嘈，應該係前世未坐過吊車啦[banghead]