正值完 sem 之時, 見到唔少朋友唔係去台灣日本韓國就係釋迦牟尼樂園, 而自己一個就長期縮響屋企悶到生菇,
早排一起身見到個天咁靚就開始諗緊去邊影日落好, 思量日落攝點之際正正有朋友問一唔一齊行下呢座以前番學果陣望就望得多但一直未上過既山,
於是就決定順水推舟行埋去下白泥影日落, 唔駛再為去邊影日落而煩惱.
簡簡單單食完餐肯記筒飯後, 14:40 正式起步
初段可以話係全程最辛苦既一段, 斜度什高, 沿途亦無乜遮蔭位, 體能差既小弟行左五分鐘都無已經扯哂蝦, 講出黎都覺得唔好意思
行下停下咁終於響 15:00 上到良田坳既分支位
回望屯門
眺望屋企
碼頭區, 當日能見度之高要望到北大嶼山公路乃輕易之事
小休過後繼續行程, 於分支位揀直行既大路繼續上行
回望之時, 伴隨既係來自堆填區既垃圾味
上到山頂位置, 來個大休至 16:00 繼續起行
跟住落黎就開始下降既路段, 劣地範圍開始增多
再次回望, 青山之山脈盡收眼底
繼續下降至警示牌位置, 亦係全程景觀最具特色地點之入口
峽谷雖不大, 但氣勢懾人
前往對面既路看似險隘, 實際上如平路一樣
再度回望
隨後既路就十分輕鬆, 只係不停咁落斜
望到漁塘就知距離稔灣路不遠
稔灣路路口轉右行前多一陣見到有個位可以 u turn 左轉落去, 行前一陣轉右行過條橋一路向前行就可以搵到路出番下白泥小巴總站
最後咁樣慢慢行 1725 出得番去小巴總站, 當然呢個係體能差 + 碌車既時間, 快既兩個鐘頭鬆 d 應該已經可以行完全程
綜觀全程最驚既地方唔係驚自己會中暑, 唔係驚自己
水滾燈著要擺街無力行上山, 亦唔係驚峽谷果段窄路, 反而最驚係響下白泥村 d 小路出番去馬路果一段
唔少村屋荒廢左就無咩好驚, 驚既係差唔多行到出去果陣果隻見到人就吠既黑狗, 喂我路過嫁咋唔駛撲住黎吠呀嘛
至於下白泥既日落都唔駛小弟介紹啦, 可惜遠方個天既底部有一大片厚黑雲, 同時個天亦燒唔起
之後番番出元朗同友人食完飯再遊左單 64k 龍仔先番歸, 終於有一日假期係放得有意義 D 啦
Thanks for reading