香港巴士論壇

極嚴重警告：摩天崖近年已導致多人喪命，絕對不要嘗試正攀！崖右有山路避險！以下遊記只屬分享性質．新手勿試！

>>>>路線參考>>>>
＞＞＞＞更多圖片＜＜＜＜

---

瀑瀑瀑瀑瀑瀑瀑．．．瀑布停不了！

早上一場只落在大嶼山，百年一遇的大雷雨，震驚了幾十億人，也為山澗提供了非常充足的水量！

今日玩既係舊九大石澗，近年變得臭名遠播既彌（石散）石澗，（石散）字就打唔到出黎啦，「彌散石澗」一樣姐，袋住先啦！
全澗至摩天崖開始瀑布不絕，靚景靚潭個個皆精彩，要講係驚喜不斷，彌散絕對稱得上，若然冇摩天崖，此澗難度亦未至太難，係一條可以全程玩唔停既中型石澗！


先行一段東澳古道，去到散頭村就要接山路入澗啦，鞦韆潭不知不覺咁就錯過左，另走山路到後少少入澗，
下游平緩兼沈悶，只係用黎浸水降溫，早上場雨有料到呀，水量大得黎亦行得輕鬆，而且不斷上望都有「昂平三碌拎」同行，非常特別，下游最後就止於摩天崖啦！




摩天崖，一幅相當宏偉的險崖，瀑布深藏於崖左的林中，置身於崖底，只聞強勁水聲而不見其瀑。
而近年發生在摩天崖的意外，每每致命，而且都是迎救避困者的英雄，為這個險崖添上惡名。
今次的活動，選擇了較容易的「山路」避開險途，雖然「山路」也非輕鬆路途，但至少可避免嚴重的意外。
花了一點時間，到達崖頂便發現山友們在此立碑，刻上「捨身崖」，紀念那幾位捨身救人的英雄，為摩天崖增添一點愁緒．．．





摩天崖之上，可以欣賞到成個機場，亦有深潭大瀑，由呢到開始一直到出澗，都唔會再有悶途，瀑布大大小小加起黎起碼都十幾廿個，
每個都玩一玩，真係玩唔停的，而且幾乎所有瀑布都可以行去瀑底，感受水壓，身心都舒暢晒。
最尾出澗，山路都唔密，好難得既輕鬆出澗，出澗山路一出就係昂平救援徑C16，上昂平，落東涌都係行咁多路啦，
上昂平反而係落山為主，行得好舒服！昂平走人，假日車費真係禁住搶的，好彩免費ＸＤＤＤＤＤＤＤＤＤ












後記：
大嶼山既石澗，條條都有自己既特色，上年玩東涌五龍都已經覺得驚喜滿瀉，估唔到一條短短既彌散，更加將驚喜推到上高峰！好過份呀！！！

講！大嶼山究竟仲有Ｄ乜係我唔知既？講啦！

ＴＨＸ　ＦＯＲ　ＲＥＡＤＩＮＧ ．

_________________

麥 景 陶 碉 堡 ． 七 堡 連 走 （馬草壟）

～ 樂 在 香 港 山 與 澗 ． 香 港 就 是 這 麼 美 ～