係月台曬左半個小時之後終於有去石巻的普通列車

---

手樽駅，2004 年統計每日平均有 14 人使用，但路過咁多次都未見過有人上落（自己除外）

附近係一大片的田，以及少量民居


下一個站係陸前富山駅，由於出面就係海岸，所以大地震當時直接受海浪衝擊，後來整個月台重建


陸前富山 - 陸前大塚 之間，一路沿海岸線都加高了海堤



之後到陸前大塚駅，月台非常窄

站的時間表，在月台重鋪之後其實都無標示邊度係 1 號月台 2 號月台，只係見有車就上
表入面 2256 兩邊普通同時開車，即係會在本站做交接

快速不停此站，通過中 早上會有一班快速列車在此站「運転停車」，等對向的另一班快速通過

在月台上面向石巻方向影，往前行就會比油上一條大斜路到重建的東名駅


然之後重建後的東名駅保留了得一邊月台，同時亦係無人駅

站外面係一大片開發區，由於新站搬到山上的位置，所以由舊區步行前往新站大約需時 20 分鐘


再到重建後的野蒜駅，同東名駅一樣搬到山上，一到夜晚非常寧靜


站外面都係係一大片開發區，
由舊野蒜駅步行到新野蒜駅需時 20 分，只限平日會有 5 班巴士由臨時住宅區，經舊野蒜駅到新野蒜駅
但時間不太方便的關係，所以見好多時都係會有私家車係站接人返屋企

新站採用了啡色作為主色，有兩邊月台


出站沿山路一路行落山，沿途路過新發展地兩個出入口時在場的工人覺得好奇怪，因為甚少會有人就咁行落去，
而落到山下的小河後再沿馬路行到舊野蒜駅，遠景所見整個月台依然大致保留原貌

不過座地的舊站名牌就被沖至傾斜

近望可見路軌依然存在，月台上蓋亦都狀態良好

相中站名牌有些少污漬，當時海嘯的水位就到達整個站名牌的頂部，當時附近的災情可以按此觀看

舊站舍已經改為觀光所及 Family Mart，外牆標示了當時海嘯水深 3.7m 的位置

野蒜駅所在的東松島市市長之前表示會保留舊站舍及月台，作為「震災遺構」為教育及觀光等用途

離開野蒜駅之後，仙石線先落一條大斜路落山，接駁一條過河的新高架橋，
相中天橋對落的地下正正係舊線的位置，現時已經在原址起了天橋



下個站陸前小野駅，全線恢復之前石巻開出的列車以本站為終點站

由於設計上預計乘客有車先會上月台上車，所以月台一樣係無蓋同無凳的

車站步行 10 分鐘有一個影相位，不過夏天堆花有成個人咁高，唯有遷就一下企過啲



之後沿路經過好多住宅區，幾個站的設計同陸前小野駅好接近，例如係呢個：陸前山下駅


最後終於到石巻駅，一邊月台係仙石東北ライン專用

而另一邊月台就係仙石線專用

有仙石東北ライン開張的 Banner，張圖至少都係實物無呃人


站內外有唔少石ノ森章太郎作品的裝飾，例如飛去廁所


不過裝飾背後都不能忘記：


石巻駅使用兩首發車音樂，平日使用「A Sea Bird」，假日使用「Sea Green」，
當中「Sea Green」以海浪加上海鷗聲配襯主旋律，經歷大地震後聽尤其感動

石巻開的仙石線好疏車，都係快啲搭快速返仙台

點知快得滯，轉返普通


終於到返到仙台，哇尾班車了


最後，仙石線沿線車上站內都有一系列的告示，輕鬆提醒乘客不同的事，
例如係「記得要一齊落車，閔！」


總括而言，仙石線經歷過大地震的洗禮之後，
依然保持了其有城市有鄉郊，有地底有架空，以及 JR 東日本在東北地區的唯一直流路線等特色

衷心希望災區可以早日恢復

仙石線遊記 完，Thanks for watching