有關九巴猛獅AMNE的問題

大家覺得九巴新男人好唔好坐？起步夠唔夠力?

由 <系統戶口> » 2015年8月26日 18:21:45 (p#2786787)

論壇板務訊息

現時文章標題並不清晰，未能準確反映文章內容。
請發起主題的會員在本信息發出後 48 小時內修正標題，否則板務人員將考慮作出正式處分，謝謝合作。

《論壇通用規則》
6.2 文章的標題必須能清楚交代其內容
違例者最高處分：每篇違規文章凍結戶口 20 天

注意：此訊息只代表板務人員合理地行使酌情權，給予修正輕微違規事項之寬限期，並不屬必須的處理程序。

如有疑問，歡迎與當值板務人員聯繫、在板務討論分板提出或電郵本壇。

由 nokia_hk_fans » 2015年8月26日 19:16:40 (p#2786805)

henrycheung9692 on 2015年8月26日 14:42:04: 有關九巴猛斯AMNE的問題

係猛獅唔係猛斯。。。 [banghead]

由 Wanglauwu » 2015年8月26日 19:22:30 (p#2786808)

支持樓上
回正題，AMNE 都算定，起碼好過ATENU 先啦
（這實屬本人愚見）

遲好多(同一日坐兩款MAN出城、返屋企...)先回各位巴絲,
真係先講一聲「唔好意思,遲0左回」...

之前講過,晌同一日坐過兩代唔同款式0既雙層MAN
或者可以比較一下。
不過,習慣上先講0左兩款雙層MAN 0既坐感先啦...
(注意:今次無棺材MAN份,出入0既路線都係265B...)

先講出城0既九巴改良版24.310
配「闖禍」Volgren車身前梯版0既表現
同樣都係以下層最後一排位0既座上客角度出發
(好怕交代唔清楚唔知各位巴絲點睇)
由於上一代0既MAN只係Low-Entry底盤,
後半架車已經係「高人一等」0既配置
侷促感同棺材MAN差唔多(按:邊度叫雞飯老兄「牛高馬大」...|||)
而且可能行得多0既緣故:下層後半部0既冷氣同引擎室0既「熱力」對消之下
只要再天頭再熱少少就出汗...(無奈,之前晌某棺材MAN領教過... xx(

)
除0左呢樣同引擎噪音之外:行車性能方面真係好過E500系
(或者可以咁講:車勁未必好坐,好坐亦唔代表巴士行得爽~
前者論24.310,後者論E500系列...恐怕小弟唔會講得太錯卦...)

好啦,輪到新版AMNE啦...(特登半夜三更搵佢坐...)
車廂設計上擺脫0左上一代Low-Entry 0既設計
挑高0左0既下層車廂...坐感同單層MAN相近
(NL263/273系未坐過,故此用0左NL262系比較...)
不過恕小弟捉蟲捉得緊:
或者係晌馬拉裝身,天氣熱令螺絲膨脹,
一到比較涼少少0既香港先0黎作怪啦
唔係想冒犯各位咁講:
聽到0既竟然係機件輕微踫撞0既「乒乒乓乓」聲...
唔知道架樣版車來歷0既,可能以為架巴士「就快散」...
(代理商方面唔小心,無留意...定係行0左一排之後先出呢個問題...
不得而知啦...望九巴認真少少處理呢個問題啦...)
另外,冷氣槽竟然漏冷氣...(天,好在一早俾小弟見到出問題0者...
量產化之後先0黎「」的話,九巴就有排執手尾...)

抽秤完問題之後,同前一程架雙層MAN比較:
AMNE 0既車廂終於洗脫前一代MAN 0既設計缺憾
由車尾望向車頭,見返同平時坐其他車種0既舒適感
而且馬拉版車身亦偷0左之前Volgren車身0既設計
同「聲粗」0既車頭大銀幕比較:就平易近人得多...
而性能方面...同之前0既24.310比較,差別不大
(或者咁講,新、舊版本0既MAN雙層巴0既行車表現接近...
唔知道係唔係同鎖速,令到新車「唔曉飛」
或者車長仲適應緊新車...有關啦...)

總括一下架新MAN表現:
同前一代0既24.310比較,新MAN 0既表現可能受制於車長0既技術
而打成平手...(唔怪得成堆棺材MAN入0左天水圍...搏小弟眼殘啦:
原來九巴想一次過用A95去代「聲粗」...)<-怪錯好人,派錯卡啦...
而新車0既小問題似乎只係氣候唔適應而導致...
希望九巴工程部同代理方面,可以著緊少少上面提過0既小毛病
到量產版出牌之時...唔駛同當年批「聲粗」一樣:
出完問題之後只係留呢款巴士俾各位街坊「享受」啦...

要小弟打分數的話: 本來係80分0既,機件室0既「打乒乓波」扣5分
論「盲目試車」而言,已經可以「坐C望A」(5級同5星星級0既分別...)
望就望代理商可以執正少少架巴士先出街啦...
(邊個會夠膽晌8號風球時候,再聽到A95「打乒乓波」0既踫撞聲?)

晌九巴歷史上,買錯巴士、配錯Parts 0既故仔
由1970年代0既Pennine 4(一起火就燒清光)、珍寶(用0左BACo車身「趕客」)數起,
到80年代買勝利二型之時,唔記得學中巴裝「防翻車泵把」
(結果就係翻雞車新聞,嚇走唔少乘客),
仲有「聲粗」膽粗粗配康偈,結果換來「聲粗」稱號等等...
真係夠寫一部「巴士公司失敗史」0既三、四萬字論文幾章...
(天!睇完之後眼殘0既巴絲...恐怕排隊排到成條屯門公路都係...)[自嘲數秒]
「焗住要買巴士都好,試清楚有無暗病先好入貨...」
當小弟「毋忘歷史教訓」多口
勸各位局中人「小心駛得萬年巴」啦。講多唔少啦...

由 KP2709@273A » 2015年9月13日 23:56:07 (p#2791900)

我坐左單265M 出九龍方向

我覺得部猛獅機件方面真係好正
力水唔係話太猛但夠平均, 配合Ecolife 波箱真係順到呢 #good#

跟本唔細心留意都唔覺部車轉左波 #good#

上大欖斜keep 住70 過左部綠蛋, 一出大欖轉車站果段暗斜果下爆發力真係好勁

舒適度方面亦都好過ATENU/ AVBWU/ ASUD, 套避震真係靚, 過大欖d 駁位淨係聽到聲而感受唔到震盪
ATENU 果d 係會成部車chok 幾野.. #ng#

而且副偈真係好靜, 無論起步定高速都唔係太聽到偈聲(我坐下層), 呢方面真係完勝康偈
康偈一上斜扯turbo 果下真係嘈到拆天, 富豪就好小小, 而ASUD 都唔太嘈

車身方面no comment. 上面版友話雜音多, 我坐下層都唔太覺
下次要試下坐上層先

題外話, 同日都試左ASUD 行271
果套車身真係totally rubbish.. 合埋眼果陣我以為自己坐緊3AD [banghead]