相信街邊小販都係大家嘅回憶，爭取發牌制度咁多年，港共都係不聞不問。
以前好多地方晚晚都有，依家得返新年前後指定地點先有，
但呢班港共係都唔收手，偏要將呢個香港特色趕盡殺絕，
慈母仲要出埋槍同速龍去對付香港人⋯⋯

香港人篤魚蛋都要逼到我地上梁山，到底你班慈母幾時死*？

生果突發： https://www.facebook.com/applecitycrime ... 089890154/

*統計mode：美國警察平均壽命66歲，比一般人少10年

根本香港而家就係病態，原因之一就係我地個首長梁振英不斷以民為敵。
明顯地尋晚起旺角 o既魚旦只不過係導火線而已，事實上根本就係梁振英及其班子係極有問題。

話說香港開埠咁多年黎都未試過有政府會咁大規模與香港人開年，
而梁振英及其班子又真係做得到，果然係超然。

一串魚蛋可以搞到旺角咁樣，真係無人能及，
向來咁多年，新年小販呢個問題都係隻眼開隻眼閉，
而今年，一串魚蛋就變左導火線一野拉哂成班本土派出黎。

差佬根本就唔洗多講，
無啦啦出黎開兩槍唔知做乜，之後又刺激一大班人行出黎，同九二八冇分別，
班差佬要玩英雄主義，得，真係開槍一野打爆班「暴徙」個頭囉。既然差佬都認為自己企起道德高地又話班人乜乜物物，影響自己安全，你未用自衛殺人囉。
死一個半個，個班人就自然會醒架啦。香港班人向來就係睇死差佬唔會開槍姐嗎。

到最後又係唔夠膽，結果就係變左第二樣野 － 就係班差佬口中所講不斷「煽動」人地上街 － 但係佢地永遠都唔知其實不斷煽動就係佢地自己，同埋佢自己個老闆梁振英。
之後班差佬為左要件事合理化就不斷做埋 d 爛仔行為 － 拎支警棍係咁扑 － 仲要扑人地個頭。
痴線，有常識都知咁扑真係會扑死人。CONTROL 唔到自己就唔好走去做差佬啦。

根本而家差佬入面，就咁睇尋晚 o既 LIVE，好明顯有一半都係 control 唔到自己。
記者又打，人地過馬路又打，發神經。

至於梁振英行出黎又起度發 up 風，
算吧啦佢，講黎講去又係起度玩敵我矛盾，一野就講班人係暴徙，有佢講冇人講。
夠啦好嗎？不如落台啦，佢做多一日行政長官大部份香港人都唔想囉。

－－－－－－－－
黎到呢個地步，我係好同意一樣野就係而家香港係唔夠亂，
而家正正就係雙方個實力都係不相伯仲之下（差佬有法律及議員制衡緊，而班示威者而家擺明就已經豁出去），
假若尋晚是旦一邊有人死，我肯定成件事會唔同哂，
無論死係差佬個邊定係示威者個邊都係一樣，
呢 d 咁 o既野，一日冇人死，一日都唔會完。

差佬死：梁振英就會大條道理出黎玩震壓，
好自然就會大力打壓本土派，到時比起而家 o既力度肯定會高好多倍，
之後雖然繼續會有人出黎搞事，但係差佬可能都已經痴到見到人地行出黎都已經開槍同佢埋單。

示威者死：以而家咁 o既情況，班示威者肯定出黎衝擊政府，仲會有班議員出黎話差佬濫權，
到時梁振英都唔會再玩得耐，因為大陸想保都未必保到佢，始終一死人就 …… 不過據講九二八個陣時梁振英都係想血洗中環，只係大陸唔敢玩到咁大而叫停 ……
－－－－－－－－

以而家呢個情況，梁振英一日未落台，
本土派呢種行為遲早兩三個月就會上演一次。

港共呢種不理民怨嘅態度正是今次示威嘅導火線
而家梁匪就係要用居高臨下嘅態度對待香港人而達到土共統戰嘅目的

Inazumakira on 2016年2月9日 23:37:13: 港共呢種不理民怨嘅態度正是今次示威嘅導火線
而家梁匪就係要用居高臨下嘅態度對待香港人而達到土共統戰嘅目的

港共而家就係玩緊分化香港人，
搞到本來中立個班香港人就冇引自己走人，
本土派抬頭之後，而家本土派玩到咁激，土匪就死咬住呢點就自自然然可以解放香港 ……

某程度上而家個班藍絲，愛乜愛物個堆根本就係梁振英上台之後先有 o既野，
個堆人不斷起度自我宣傳，做緊 propaganda 起度不斷抹黑及打壓泛民及其支持者，其實根本就起度玩緊文革式個種批鬥 ……

689太迷信習總當年0個套「鬥爭論」
晌香港呢個地方有效...
可惜0既係:當年習總搞鬥爭0既年代,
唔係個個國民都好似當日批「老九」咁:
有相當0既知識可以分別是非曲直...
以致毛主席一開金口,即刻要反就反,持續十年咁耐。

而家0既香港?!除0左讀書唔多(唔讀歷史唔知自己「中招」),仲有玩「激進」0既建制/泛民份子之外
一般人一睇就知689利用呢堆事件搞分化...
(事實上:由老董玩「綜援懶人」論開始,成個特府根本就係玩「分化政治」...
邊個好欺負0既先開刀...過後又扮「聖世滋丁」0既加強「收買」...
之後係「無殼蝸牛」劏房戶、再之後就係有知識,但係無權無勢0既學生...)
走去旺角「拮魚旦」?!一睇就知有問題:食花生冷眼旁觀好過...
(反正建制自以為是,泛民0既「監察力」又晌之前0既「分化戰」當中被削弱...
雙方0既激進派人馬「示威」搞到好似一次大戰0既「戰壕戰」一樣:
成班人衝過無人地帶,一定死晌機關槍之下...)<-勇武極了,不過犬死無大戰績,仲加一條「騷亂」罪等上庭...
亂極只係幾日時間(WTO示威同佔中頭幾日)...
之後又再回歸平靜(除0左俾人告上法庭0既「勇者」例外!)。
1967年0個次如此,1989年6．4之後0既0個次又係咁,2016年呢次都係:
如果只係睇電視直播先知旺角「大件事」的話...

所以,恕小弟要演起路人甲一角
兩邊都唔幫。用返<國產零零柒>周政協0個句對白
「打打殺殺，唔好煩我，我睇鹹帶好過。」
二次創作一下,當小弟赤狗之日得罪各位巴絲啦:
「打打殺殺，唔好煩我，我玩Simutrans好過。」
恕小弟多言啦。

佔中我就仲會撐啲佔中人仕同學生, 但係今次我覺得點睇都係似有人起哄攪事居多,
話警察濫用警力, 但係見當時咁嘅情況, 我覺得警察都好難唔出手,
我係好憎 689 政府, 我亦恨不得呢個港共政府立即倒台, 最好個土共政府滅埋國咁我就更加拍爛手掌,
我知我講左呢番說話之後一定會有班特務過嚟美國周我坐洗頭艇返去,
但係都唔表示可以借此起哄生事, 雖然我都唔同意班警犬同食環署嘅茂里新年流流都唔放過啲小販咁無情,
事實上我一直以來都好憎以前市政局又或者依家食環署拉小販果啲人,
但係今次事件, 恕我真係唔可以用 "官迫民反" 嚟形容,
冇錯香港人對政府無動於衷, 689 與民為敵嘅施政態度,
種種對政府嘅不滿同怨恨喺好多香港人 (包括我自己, 雖然人已在美國) 都已經積壓左好耐,
但係亦唔可以為反而反, 甚至籍此乘機攪事,
以此成為發洩不滿嘅籍口我覺得實在太愚蠢同不智

只怕經此一役, 以後啲警察喺日後有乜遊人集會,
可能有乜少少依郁都已經出到開槍去所謂 "鎮壓" 暴亂,
實行先發制人, 亦令警方先前宣佈引入防暴水炮車一事更加合理化...

我可能對今次事件未夠深入同了解, 如果以上言論有任何冒犯, 恕在下多言

魔法先生 Super Bus on 2016年2月11日 00:19:53: 佔中我就仲會撐啲佔中人仕同學生, 但係今次我覺得點睇都係似有人起哄攪事居多,
話警察濫用警力, 但係見當時咁嘅情況, 我覺得警察都好難唔出手,
我係好憎 689 政府, 我亦恨不得呢個港共政府立即倒台, 最好個土共政府滅埋國咁我就更加拍爛手掌,
我知我講左呢番說話之後一定會有班特務過嚟美國周我坐洗頭艇返去,
但係都唔表示可以借此起哄生事, 雖然我都唔同意班警犬同食環署嘅茂里新年流流都唔放過啲小販咁無情,
事實上我一直以來都好憎以前市政局又或者依家食環署拉小販果啲人,
但係今次事件, 恕我真係唔可以用 "官迫民反" 嚟形容,
冇錯香港人對政府無動於衷, 689 與民為敵嘅施政態度,
種種對政府嘅不滿同怨恨喺好多香港人 (包括我自己, 雖然人已在美國) 都已經積壓左好耐,
但係亦唔可以為反而反, 甚至籍此乘機攪事,
以此成為發洩不滿嘅籍口我覺得實在太愚蠢同不智

只怕經此一役, 以後啲警察喺日後有乜遊人集會,
可能有乜少少依郁都已經出到開槍去所謂 "鎮壓" 暴亂,
實行先發制人, 亦令警方先前宣佈引入防暴水炮車一事更加合理化...

我可能對今次事件未夠深入同了解, 如果以上言論有任何冒犯, 恕在下多言

其實呢年事根本就係一個導火線，
本土派目的何在，相信大家睇得一清二楚，
問題係梁振英不斷向大陸傾斜，今年份施政報告已經係表表者 －一帶一路呢個 term 究竟梁振英 loop 左幾多次？
香港自身問題都未解決，佢都唔理，仲要不斷請人黎香港同香港學生爭學位？
究竟佢係為佢自己想博連任定係真係為左香港人？

事實上，右翼抬頭起而家呢個年代根本就唔係得香港獨有，
上兩個星期歐洲有班右翼份子點樣組隊圍班中東佬，廣義上同香港而家呢個情況係冇分別，
點解？就係因為政府唔聽民意。而中東佬自己起歐洲搞左 d 乜出黎，點樣對待歐洲人，歐洲國家政府某程度上都管唔到 ……

所有野根本就係有前因就有後果，
香港班人一樣，你估班本土派真係食完飯冇屎柯出黎放水消車擲磚？
雖然本土派係應該要控制下自己本身 o既行動，不過好明顯一樣野就係，而家呢個政府係無視溫和民主派，
換句話講，而家班人搞成咁，梁振英要負最大責任。班細路而家比人拉比人告，倒轉如果冇左梁振英佢地需要背負呢個罪名？
根本呢班人就係比梁振英迫出黎。

當然左派甚至其支持者要護住梁振英都有 n 個理由，
咩佢冇地產商撐，點樣搞掂雙非 …… － 呢 d 咁 o既理由我都聽過 n 次，
但如果佢真係對香港人「咁好」，佢民望有咩可能去到而家呢個地步，
真心講，唔好再賴咩年輕人點樣反政府，
要問要解決，一定係要由沿頭開始。