香港巴士論壇

今日是星河滿月於本港台首播十周年~!!!
不經不覺原來已經十年了......
星河滿月是在2006年的今天下午5.00首播,
這部動畫陪伴我經歷了十年的時間,
當中有些懷念亦帶點傷感也有點遺憾。

星河滿月是我第一部錄影的動畫,
所用的是二手維修的東芝VCR來的,
當時很想要一部錄影機,
但HDD DVD未普及亦未認識,
所以用幾十元拾了這部機回來,
但發現會食帶,於是拿了去維修。
而引入這部機的時期,
正正是星河滿月播映時,
所以用了這個節目來試錄,
就是這樣看過這部動畫後,
喜歡上星河滿月了~
不久後星河滿月重播,
就由頭到尾1至52集全部錄下來了。

相信十年前想都沒想到,
現在在手機就可以隨時隨地看到星河滿月!
我把這些VHS轉了做DVD,
匯入電腦後再壓縮至手機格式,
合共13GB的影片儲存了在SD卡內~

永恆的白雪,就如滿月和英知的生死之隔,
我的一位喜歡這首歌的好友也離開了這世界......
還記得中學時,小息會與你傾談星河滿月,
這是一段幸福的時光,但已經不復在......
或者一部只去到第42集的悲劇,
是需要一個離別的心情去感受,
但即使沒有了你,我還是要孤獨地再走多十集......

雖然昔日的ATV已經倒閉,
但現在繼承本港台的aTV亦逃不過命運......
星河滿月首播後的十年,
亦是告別本港台的一年......
看著曾輝煌一時的電視台,
我們的童年回憶,
淪落到這個地步,
或多或少都有一點可惜......
這個電視夢並不易走,
面對新型娛樂媒體的出現,
放學趕回家收看電視動畫已成為歷史,
亦愈來愈少人會鍾情於粵配,
應該已沒其他人在聽到東堂詩音的聲音時,
會想起陳琴雲的神山滿月可愛聲線吧......

星河滿月是我回憶的重要一部份,
而要保存這些回憶更不容易,
雖然我已把它轉換成不同格式,
而那部東芝亦壞掉了,
但我也買了另一部樂聲VCR,
為的就是看回這些VHS~
VHS或許在這十年間不知不覺被淘汱了,
但每當看見這些VHS時,
時間就好像停留了在過去,
一個童年時對戀愛憧憬與追隨夢想的故事。

"可愛少女 遇上騎呢天神
原來騎呢天神 要幫佢夢想成真
但係美麗的心 仲有一個願望要等
就算全身力奮 都係為左吸引美人
星河滿月 逢星期一至五 下午五點
亞洲電視本港台"
模糊的記憶,印象中的廣告......
再過多十年不知是否仍記得,
而到時本港台亦不再存在,
但始終......這是一個夢的開始~

ATV版星河滿月我都有錄, 但應該有幾集延播錄唔到

最可惜係ATV版有唔少話數剪到九彩, 首ED未播完就CUT Q咗

----------------------------------------------------------------------------------------------------

P.S.
其實我都鍾情粵配多過日配的......
Love Live , 星光樂園 同 狼少女與黑王子,
我都係未睇過日配就直接睇TVB粵配...
結果...中咗...凌晞毒

另外流浪神差 ARAGOTO 雖然日本已經播完,
但我都係堅持等TVB播粵配至睇~~

_________________

S3M178-EG780 on 2016年2月22日 23:28:21:ATV版星河滿月我都有錄, 但應該有幾集延播錄唔到

最可惜係ATV版有唔少話數剪到九彩, 首ED未播完就CUT Q咗

----------------------------------------------------------------------------------------------------

P.S.
其實我都鍾情粵配多過日配的......
Love Live , 星光樂園 同 狼少女與黑王子,
我都係未睇過日配就直接睇TVB粵配...
結果...中咗...凌晞毒

另外流浪神差 ARAGOTO 雖然日本已經播完,
但我都係堅持等TVB播粵配至睇~~

我以前用VCR係人手錄的所以齊晒,
不過有幾集一開場少部份無錄到。
而家轉左用機頂盒+HDD錄用預效就有呢個問題出現啦,
尤其星光少女彩虹舞台畀佔中搞到亂晒,失左好多集......

好高興有人會鍾意粵配~
星光少女/星光樂園我都係跟粵配個進度,
其他有啲如果唔係有粵配的話我都唔會去睇......
同埋而家84台啲劇集電影無左粵配,我都好耐無睇84台囉......

你有睇星光樂園的話我推薦你睇前作星光少女,
按照慣例,星光樂園播完了,彩虹舞台應該之後會在朝早重播,
(之前極美之夢同美夢成真都係咁的模式重播)
而這個時段相對穩定,較為容易預錄。

btw.你個凌晞把聲劇透左南風紀係美莉個身份......
p.s.大台肯聽民意後來加番puri已經算唔話得咖啦......

原本比北條蘇菲長長嘅紅髪造形吸引而追下星光樂園......
但經過TVB粵配陶毒後...結果連成隊SoLaMi♡SMILE都鐘意晒
尤其南美莉係由凌晞配 整個角色我都改觀了 (當咗南小鳥咁睇...)

星光樂園OP3 Realize! 簡直係大愛
而且已比我cut做成其中一首手機鈴聲~~

P.S. 如果唔加返Puri，咁去到「美莉不再說Puri？」果集就真係唔知點算喇

_________________

我係之前睇開星光少女，
當星光樂園係後繼作咁睇。
詩音出場第二集揾星光票卡個度，
有一句終於聽到滿月聲的陳琴雲~

我都鍾意SoLaMi SMILE佢地，
(我啲卡都係得第一彈菈菈美莉蘇菲齊，
唔打算買齊埋第二彈詩音佢地啲卡)
不過換個觀點睇，其實幾攻心計，
菈菈一邊用甜言蜜語話大家係朋友搏取法露璐信仼，
另一邊就派眼鏡哥係背後查佢，
夾埋Dressing Pafe六個打一個，
搶左件衫之後仲殺死埋佢......

Realize都幾好聽的，而且聽講被喻為係神曲～
不過我印象最深的都係第一首的Make it。
而我就鍾意ED3的I Just Wanna Be With You，
星光樂園就好像夢想的世界，
加點少女情懷，不禁令人陶醉～
另一首鍾意的是第24集的插曲"這寒冷的夜晚"，
糖糖霜同姬香的故事係我認為全劇之中最好睇的～
(這兩首我之前分享過的，
你可以參見"音樂分享post")
另外有首Happy Pa Lucky，
我覺得個前奏幾好聽，
配合跳飛機的舞步畫面好有感覺，
不過就只限於前奏......

順帶一提，OP2 Miracle Paradise開頭部份，
有一下動人心弦的重低音，
是打機台時的第一個拍子那個，
係電視聽唔多覺的，
要用好少少的耳機先會聽到。

說起手機鈴聲，其實我是用星河滿月的Myself的～
因為一開頭很大聲，鈴聲一響起就很容易聽到～

星河滿月內有首曲我特別喜歡的，那就係劇中插入曲SMILE ~~
同Fullmoon其他走暗沉路線的歌相比，節奏明顯很輕快和輕鬆...
可惜SMILE只係劇中插入曲，播過次數太少，但反而印象最難忘~~

其實我想講法露璐唱來唱去都係得果首0-Week-Old，又無其他新歌，
而且果首0-Week-Old聽都聽到嫌...想唔輸比SoLaMi♡Dressing都幾難

_________________

講起呢首插曲我想起聖誕那集,
這段的SMILE比較完整~
配合節日的氣氛,
更令人感到心情愉快幸福~

論劇情,星河滿月好睇在夠觸動人心,
英滿之戀、若王子的心結、文月的執著、達克托的經歷......
故事精采得來又環環相扣,
構成一個內容豐富的故事。
看過動畫之後可以再看漫畫,
雖然劇情有些少分別,但可當作補充,
滿月與英知相遇的事、死神的關係、
達克托當死神後執行的首個工作,
都是動畫沒有敘述到的,
直至到最後結局出現了分岐。

(星光樂園)係製作組慳本才用同一首歌咋嘛......
法露璐注定係要輸畀SoLaMi Dressing,
咁菈菈個陰謀先會得逞......
被菈菈陷害之後偶像等級變左做底層的研究生,
想有新歌應該都難啲啦......
(玩3ds法露璐好似有另一首歌叫morning?)

菈菈簡直發揮咗200%主角應有嘅威能，不但成功攻略北條蘇菲，仲逆推美莉...
而且成功將成隊Dressing Pafé收為後宫，最後更六打一砌抵最終boss法露璐
睇晒首38話星光樂園，真係以為自己睇完一套勇者收後宫打魔王嘅故事

P.S. 星光少女人設有點不合口味，
雖然粉紅頭亦係由凌晞負責......
但看了數話已沒動力看下去了...

_________________

星光樂園係幾有深度嘅~
唔係一般細路會睇得明......
聽講跟住仲會有菈菈出賣美莉、響爺童年陰影......

星光少女彩虹舞台的角色係跟番七種類的寶石來設定,
想玩/有玩開寶石及機台的話會較易明白。
彩虹舞台有好多條線,除左靈陰條主線,
糸同幸司令Naru失戀條線可以當韓劇咁睇,
仲有基佬廣呃人/芭爾大個女的故事。

彩虹舞台的世界觀跟前兩季沒有重大關連,
剛剛睇星光少女的話我幾推薦直接睇呢一季,
開頭幾集係悶啲,不過之後伏筆一出現就好睇,
尤其去到芭爾跳Prism Live失敗,
直至Naru回復世界的星光耀目光芒個度,
幾條線一齊並行,每一個細節都非常精彩,令人唔想錯過!
(不過有人話如果第24集芭爾跳左橋自殺咁呢部就變神作了......)

當然,公認最好睇的都係極光之夢,
小旋與神崎曲因為極光騰躍的誤解,
而分散重圓的親情描述得很感人。
美夢成真就睇唔睇都無所謂啦,
就係呢一季啲人設整衰晒星光少女的名氣......
不過想聽林保全的話都可以睇埋呢一季的。

p.s.快樂暴雨首Dosha Buri Happy我幾鍾意,
每次玩機台必定會玩這首~
靈陰首Gift都唔錯,
聽起來就像仿如親身觀看的一埸prism show表演~

p.s.2 粉紅頭係唔係指Naru(張頌欣)?

如果菈菈真係出賣咗美莉
再加上果位披上王子臉的大少姐，
兒時經歷過比朋友同下人認錢唔認人嘅糟遇...
咁星光樂園真係一套比細路認清世間顯悪的神作

P.S. 澳~~又聽錯......
凌晞把聲同張頌欣把聲真係好似，我已經分錯幾次

_________________

我都係聽番黎......
香港無咁快播下一季,未知詳情。
而響爺的故事我係睇呢度劇透的:
https://news.gamme.com.tw/1383046
標題改得無錯係"提前告訴小朋友社會的現實面"......
星光樂園真係一部好有深度的"扮係畀細路睇"的動畫......

p.s.聽美莉同姬香會唔會易啲分~?