街市飯盒，呢樣野你會諗到d咩呢??大件夾抵食?擔心食完會柯到7彩??,細個既時候..覺得街市飯盒食完硬係會肚柯.. .覺得係頹飯...到大個小小..大概中一二?慢慢識得欣賞街市飯盒,其實當你食完連鎖快餐店30幾蚊鹹到腎發炎既叉燒,皮與骨之間只有肥膏,1cm厚既肉都冇既燒鴨,咁既所謂叉鴨飯之後..你會發覺連鎖快餐店只係食個環境,或者令你安心D咁中伏.你就會發覺街市飯盒係寶...又或者咁講..至少食得開心D..
記得上到高form果陣,放lunch去天耀街市買飯盒返屋企食,有個好好人既師傅,斬野次次都斬得好豐富...相反另一個師傅..就斬得好跩...你可能會話,你可以要求個師傅斬
邊d部位..但我話你知,點都係有分別嫁..所以每次行到燒臘檔如果斬得好跩果個師傅問食咩..我每次都係咁答佢:um.. ..諗下先..(明明放lunch之前已經諗掂食燒肉鴨飯),跟住扮諗完之後就去好人師傅度落柯打..爆到要用橡筋箍住既飯盒..就咁填飽個肚有氣有力返學校教教豬...
天耀街市已經汁左,老實講,我細細個好怕入天耀街市,因為覺得天耀街市好污糟,特別著拖鞋果陣仲驚,大個之後就5驚,今日突然心血來潮好想好想好想食飯盒,於是走入天盛間城市超級(英文自己轉啦)咁款既街市...雖然最終都買到飯盒...買完飯盒..覺得今晚食飯盒一定要啤啤佢,如是者買完啤酒之後就返屋企...返到屋企開餐,一路食一路食...點解食5返以前既味道...食5返果種開心... .雖然最終都食曬盒飯....但同預計既差太遠...5系話要豐富到要用橡筋箍住...但至少應該有返街市應有既質素..我5識點形容點為止街市應有既質素...但總之..系差啦...
地球每日都轉緊,社會每日都變,好多野被淘汰,今日見到既野,聽日就可能已經見5到,普通到一個街市飯盒,複雜到其他人同事,都要好好珍惜. .呢D咁既字句好似未到我呢個年齡層去講...不過有句說話系真:不斷回想過去美好,卻讓人心情更自覺得年老....
<飯盒變幻時>By Dr Kelvin Tse K.C
