#1謝謝閻大哥招待，讓我得到寶貴機會上到兩台老國光拍攝！
*已獲車主授權於個人FB及香港相關網站張貼，並已按車主要求不會公開拍攝地點同MCI 96A車牌，知情者亦唔好係到放風
*小弟認識唔太深，Caption內容可能有錯，如果發現有錯可以Comment返
↓兩部MCI目前都由私人保留，左邊嘅MCI MC8只作靜態保留，而右邊嘅MCI 96A就作動態保留。
↓MCI MC8同96A都有3條車軸，令佢哋係台灣客運主要用2軸車嘅用車中顯得別樹一格。
↓1978年開始營運嘅MCI MC8，目前已經無法開動，只作靜態保留。
↓從MCI MC8嘅顏色睇到佢經日月嘅催殘。
↓MCI MC8車門列出佢嘅客量同載重。
↓走上MC8，就見到"Crusader"水牌，據車主所講就係灰狗巴士水牌。
↓MCI MC8嘅駕駛席。
↓MC8 車頭顯示屏為手動牌布。
↓MC8 車頭顯示屏左下角有一個小窿窿，方便車長睇到牌布攪到去邊。
↓MCI MC8駕駛席右邊有個手把，係用黎控制車門開關，值得留意嘅係佢嘅車門係手動控制而唔係電動控制，而車門亦唔輕，所以拉呢個手把都要點力先拉到。
↓MC8嘅駕駛席左邊有一排按鈕，主要控制車上冷暖氣同車燈。(好似係)
↓MC8 設手動波箱，佢嘅手動波棍就係司機位右邊。
↓MCI MC8同96A 嘅冷氣出風口都係車窗下面而唔係歐式巴士咁放上面。
↓呢部MC8車上座位屬四排排列。
↓揭起MCI MC8 嘅Bumper，可以見到車頭底下有一個放後備車軑嘅空間。
↓MCI MC8 嘅油箱。
↓呢一部MCI 96A屬1992年出廠批次，由台灣巴士同好動態保留。
↓MCI 96A 車長12.2米，加上佢用上3條車軸同較長軸距，令佢外觀顯得特別長。
↓咩巴士加兩盞霧燈上去都特別靚仔啲。
↓MCI 96A 車頭MCI水牌
↓MCI 96A車門列出佢嘅客量、總重、載重、車輛類別同出廠年份。
↓MCI 96A嘅駕駛席。
↓MCI 96A嘅Dashboard。
↓MCI 96A車速錶後方就係行車記錄儀(唔係而家嘅車Cam)，行車前要放張圓形嘅行車記錄紙上去用作記錄行車情況。
↓MCI 96A設自動波箱，司機位右邊就係自動波棍。
↓MCI 96A無逃出門，但佢嘅部份車窗可打開，方便意外時逃生。
↓MCI 96A車頭顯示屏為電動牌布。
↓左邊寫住"UP SIGN DOWN"嘅就係控制電動牌布嘅按鈕。
↓MCI嘅Coach其中一個特色係係佢嘅車門開門嘅時候係向外翻出，而MCI 96A嘅車門就係電動控制。
↓獲保留嘅呢部MCI 96A車上座位屬三排排列。
↓MCI 96A嘅座位同台灣國道客運一樣有巨大Legroom，而每個座位都設有一套視聽系統，呢個位舒適度分分鐘仲好過坐因航(用因航去比好似低級咗啲)。
↓MCI 96A 椅背由電動控制斜度，座位手把前方嘅按鈕就係用黎控制斜度。
↓每個座位上面設一個閱讀燈。
↓MCI 96A車尾設有洗手間，方便行走台北至高雄等長途國道客運時，乘客人有三急可以係車上解決。
↓打開MCI 96A 嘅Bumper，同MC8一樣有放後備車軑嘅空間。
↓MCI 96A 嘅巨大引擎室(其實好似未算巨)。
↓MCI 96A使用GM 6V-92TA引擎，輸出到330匹馬力。
↓引擎上方就係冷氣風機，打直條皮帶就係由引擎帶動動力比冷氣風機。
↓引擎室左邊嘅盒仔就係引擎開關掣，方便維修人員唔駛上車都啟動到引擎。
↓引擎啟動後盒仔就會著燈。
↓引擎啟動後。
↓MCI 96A 車底嘅電池箱。
↓MCI 96A 嘅油箱，設計同MC8相似。
↓最後再送一張合照。
Thanks for reading
【注意】#39762 S2D001
