近年越來越多車進入同埋途經堅尼地城前往南區，可惜西行淨係得卑路乍街一條大路：無論由電車路、大馬路定係四號幹線落橋，最尾都要喺山市街轉入卑路乍街，造成咗一個交通樽頸。龐大嘅交通量，再加上嚴重嘅違例泊車，結果就係三線變一線嘅卑路乍街一個月逢親週末都係非常塞車。

為咗紓緩週末同假期卑路乍街一帶嘅塞車情況，政府將山市街至士美非路一段嘅堅彌地城新海旁由東行改為西行；而吉席街至堅彌地城新海旁的一段士美菲路改為南行，希望將樽頸位由山市街推後到士美非路。

現時由卑路乍灣開出嘅巴士路線都需要先繞經城西道、卑路乍街，再翻返電車路。我認為咁行法除咗浪費寶貴嘅行車時間之外，亦都加重咗卑路乍街嘅負擔。

我認為可以乘今次「士美菲路試驗計劃」，順便改埋巴士總站嘅方向，並且好似下圖咁樣改道，以減少巴士進入西祥街至士美非路一段嘅卑路乍街。因為呢堆進入上述路段嘅巴士係不必要嘅。


https://na.cx/i/6W7195.jpg


改方向之後，巴士進入總站照舊由堅彌地城新海旁東行進入城西道，再喺總站原本嘅出口進場。

而離站分三款路線：
1)停聯邦新樓嘅路線：18x同904 (紅線)
出站後直行到士美非路，去到卑路乍街口返回原來路線。

2)唔停聯邦新樓嘅路線：18p同113 (綠線)
出站後直行到士美非路，去到吉席街口轉左，停 士美非路(吉席街)站，然後停卑路乍灣公園站，之後返回原來路線。(113都要停，以補償唔停荷蘭街)

3)一定要行城西道嘅路線：47P
出站後u-turn返回原來路線

實地測試：係閒日唔塞車嘅情況下，改用新路線之後，受惠於縮短咗距離同埋停少咗一支燈，車程分別快咗2同7分鐘。
幾分鐘可能唔係好多，不過做多咗客(18p、113)，而且塞少咗一大段卑路乍街，對假日同週末穩定班次有好大幫助。

大家點睇？

城西道本身係東行，總站直接出返去土美菲路未必夠位？

係新海旁同城西道中間加個位俾巴士出站後u turn經新海旁去土美菲路會唔會更加可行？

花果山美侯王 on 2016年9月30日 02:16:04: 城西道本身係東行，總站直接出返去土美菲路未必夠位？

係新海旁同城西道中間加個位俾巴士出站後u turn經新海旁去土美菲路會唔會更加可行？

1. 夠就實夠嘅 加黃格同支紅綠燈就得
2. 都得。西港島線興建期間，有個u turn位比泥頭車喺城西道西行調頭經東行入碼頭嘅卸泥區，可見個花槽唔係唔郁得嘅。
可以參考下Google Satilite嘅遺址：https://na.cx/i/x0z6Po.jpg

白蘭氏冰糖雞精 on 2016年10月1日 13:13:52:

花果山美侯王 on 2016年9月30日 02:16:04: 城西道本身係東行，總站直接出返去土美菲路未必夠位？

係新海旁同城西道中間加個位俾巴士出站後u turn經新海旁去土美菲路會唔會更加可行？

1. 夠就實夠嘅 加黃格同支紅綠燈就得
2. 都得。西港島線興建期間，有個u turn位比泥頭車喺城西道西行調頭經東行入碼頭嘅卸泥區，可見個花槽唔係唔郁得嘅。
可以參考下Google Satilite嘅遺址：https://na.cx/i/x0z6Po.jpg

近排搭多咗18x，發覺平日早繁、中午同埋假日卑路乍街都會塞車，架18x起碼要用10分鐘至由總站行到吉席街嗰個站，15分鐘至去到西祥街，
實際情況有時再差啲，例如好似904咁15分鐘一班，呢班車啱啱開，上一班都未去到吉席街，完全係浪費寶貴嘅行車時間

大家點睇?