14/6 第二十一次推介

是日推介有二首歌

1) 初音ミク - 願い花

悲情歌曲之中其中一首最催淚歌曲
輕柔的聲線，
配上比較悲傷的旋律，
催淚歌曲的表表者

2) 巡音ルカ - Just Be Friends

當你向心儀的對像表白時，
其中一個最common的回答就係「我地做朋友算啦」
呢首歌有少少唔同，因為係描述分手，不過差唔多啦

今日6月14日星期二，暑假仲有半個月就到啦
如果大家鍾意嘅，請系下面比個Like小弟啦

25/6 第二十二次推介

由於私人事務繁忙，
是日推介只有1首歌

DECO*27 - 帰想本能 feat. 悠木碧

係小弟得閒做下次更新前，
聽下呢首令人Relax嘅帰想本能啦
輕快的旋律，悠木碧吧聲真係好柔

今日6月25日星期六，暑假仲快到啦
如果大家鍾意嘅，請系下面比個Like小弟啦

7/7 第二十三次推介

暑假(如果仲有 )即將開始
今日我地嚟聽下夏天風格的歌曲吧！

1) IA - 夏祭り

夏天當然要去盛典啦(如果你係日本 )
呢首歌的輕快旋律加上輕柔的聲線，
非常relax，係小弟極力推介之一

2) IA - Alice in 冷凍庫

夏天咁熱，識歎梗係係雪櫃度歎冷氣
輕快的旋律、極高的聲線，很難相信都係IA唱

今日7月7日星期四，聽日會唔會打風呢
如果大家鍾意嘅，請系下面比個Like小弟啦

21/7 第二十四次推介

是日推介有二首歌

1) 初音ミク - キミトセカイ

譯名為「世界與你」(You and a world)，
歌詞大部分都係道出了「你」和「世界」之間的聯繫，
所以比較悲情

2) 初音ミク - ハロ／ハワユ

譯名為「你好嗎?」(Hello、How are you)，
柔和嘅旋律，配上輕輕嘅鼓聲，
令到聽完呢首歌會有種Relax嘅感覺

今日7月21日星期四，大家去咗書展未?
如果大家鍾意嘅，請系下面比個Like小弟啦

1/8 第二十五次推介

通靈王，大家聽過嗎?
漫畫就連載於1998年到2004年間的《週刊少年Jump》，
而動畫就於2001年至2002年放送。

今日，我地聽下一首大受歡迎的通靈王非官方歌曲，「恐山ル・ヴォワール」(與恐山會面)。
呢首歌受歡迎的程度高到甚至得到了通靈王作者武井宏之的認可
因此推出後有大量翻唱版本，
今日聽下本人精挑細選的幾個精華版本

1) 初音ミク 版本 【原唱】

有很多人誤會 初音 的版本是其中一個翻唱，
但實際上 初音 的版本的確是原唱，
因為作曲的かぴたろう是一個VOCALOID作曲家，
佢自行譜曲後就以初音演唱，然後上傳到nico，
所以實際上 初音 的版本 是呢首歌的原唱

2) 林原めぐみ (恐山アンナ) 版本 【「官方」翻唱】

倒返轉，有很多人誤會 林原 的版本是其中一個原唱，
但實際上通靈王作者武井宏之係呢首歌大受歡迎後，
與此歌描述的通靈王女主角「恐山アンナ」的CV 林原めぐみ合作，
推出呢首歌的「官方」版本

3) 栗プリン 版本

本人首次接觸「恐山ル・ヴォワール」，
實際是 栗プリン 的版本
本人認為栗プリン 的版本實際上比初音、林原的版本更好聽，
有種安穩柔和、給人安心的感覺

4) 薛南 版本

最悲傷的版本。
不是，不應該用悲傷來形容，
「淒傷」才是正確的用詞。

今日8月1日星期一，大家去咗ACG未?
如果大家鍾意嘅，請系下面比個Like小弟啦

日本動漫音樂推介 第二回
<悼遲惠子: 波蕾與哈曼．嘉...>

[趁七月時節搵已經入0左鬼籍0既本多 知惠子
作死呀?嶺南雞飯~]<-台下巴打亂入
講好0左今次會介紹佢0既歌,
悼念呢位第一代「萌」角(波蕾,仲有其他複製人0既波蕾__號)0既幕後配音員...
當然:萌其他本多小姐生前配過0既女角0既巴絲...
[那魅!!那魅!!那魅!!那魅!!那魅!!那魅!!...]<-台下Silent Mobius粉絲起哄...
都唔及佢本人被藤島康介「捉0左去」...
(哈哈,玩同音字玩到佢本人開口「鬧」...
不妨先調動一下波蕾0既「主菜」,先開開胃0既聽下佢投訴啦...)

<勝手に名前を使わないでね>

歌詞及中譯轉自巴哈姆特介紹
藤島康介晌<幸運女神>系列其中一個故仔入便
「度身訂造」0左本田 千惠子呢個「思念體」(台下巴絲:撞鬼囉!乜0野0黎0架?!)
「思念体って、なによ？」<-本尊發難了...
原來呢位藤島康介老師都俾本多 知惠子「萌」到...
朝思夜慕之下,又唔可以隨便同呢位「女神」大叫傾慕佢把聲0架(嚇死人咩?!)
所以「將錯就錯」改0左兩個字之後...
配上可愛女僕服造型之後「示愛」
結果當然就係俾本尊「傲嬌地」(當年有呢個字咩?)吐糟...
的確,用呢件事去開始之後0既介紹,又唔會太壞今日「悼念前人」0既氣氛...

講得本多 知惠子,
一定唔會忘記得到<Gundam ZZ>0既強化人波蕾
[注意:唔係一位,而係十幾位...複製人]
而當中0既艾露比．波蕾(1號)晌<Gundam ZZ>0既前半部故事0既「賣萌」橋段
晌當年日本動漫作品入便「極為罕見」(不過而家就隨街都係...|||)
尺度無大限制0既1980年代後半段時期而言
派出「幼女」、「傲嬌」、「妹屬性」0既波蕾
去炒起<Gundam ZZ>前半部0既沉悶氣氛,而竟然無人投訴
[(幼女、裸體[波蕾二號個冬眠裝置嘛...]?!你變態呀?!)<-設計對白,如果<Gundam ZZ>晌今日播的話]
的確後來大量起用女角、轟炸式「賣萌」0既作品都不及波蕾0既成功...
反正今日「萌」唔係主題:提一提就好啦...

波蕾呢個「N合一」0既角色,今次就集中介紹
艾露比．波蕾(1號)同波蕾二號...
各位有睇過卡碧尼mk II對重高達mk II 0既巴絲
都會知道波蕾姊妹對罵0既內容之中
提及「我就係你,你就係我。見到另一個同自己一樣0既人...當然係感到可怕...」
亦都以此一役作為艾露比．波蕾(晌戰役中自爆)同波蕾二號0既「分水嶺」
開朗、活潑0既艾露比．波蕾,正正同本多 知惠子本人0既性格吻合
不過,<Gundam ZZ>本來就係哈曼．嘉趁地球聯邦軍
仲未由格林普斯戰役同之前0既奧干、泰坦斯0既內鬥當中回氣之際
乘勢要地球聯邦政府「下跪」0既侵略戰爭...
而地球聯邦政府「下跪」0既事實已經晌佔領達卡(達卡魯)達成
自護公國亦都成功「搶回」Side 3殖民星系0既控制權...之後:
到底,哈曼．嘉、艾露比．波蕾、波蕾二號又為什麼
堅持自己「打(戰鬥)落去」?

サイレント・ヴォイス (本多 知惠子版本)

サイレント・ヴォイス (原本 ひろえ 純 主唱版本, 開場曲2)

サイレント・ヴォイス (遠藤正明版本,唱功不及其他熱血系動漫歌曲,慎入)

由jpmarumaru.com提供0既歌詞及中譯
https://www.jpmarumaru.com/tw/JPSongPlay-3596.html

Silent Voice 0既歌名正好將「一人之下,萬人之上」
哈曼．嘉攝政0既心聲「表露無遺」
上半片0既歌詞以一個人觀夜空星宿為始
不時都露出悲涼0既感觸。
「星が降りしきる ペントハウスで」: 連星星都拜倒裙下了,何以瑟縮一角?
「空のオルゴール ひとり聴いてた」: 一個人聽的音樂盒,明顯地引發感觸...
「ガラスのロープを 目隠しで渡る」: 原來之前0既人生路,猶如盲目踩鋼線0既危機重重...
「みんな淋しい サーカスの子供さ」: 心頭仲有個「缺」,即使反抗/抗爭成功都好似無嬴過...
「ひとりぼっちの哀しみに 軋んだ綱が 心で揺れてる…」:
孤獨的痛苦,被麻醉0既現實戰士 - 何時搖起了之前0既「羈絆」...
說明一下:「羈絆」在哈曼．嘉而言,應該指住馬沙(ZG 0既古華杜「四哥」)而講卦?
(反正小弟又唔係哈曼．嘉心入便條蟲...)

而上半片副歌正正就係回應上半片0既「寂靜無聲之境」:
「Wow... Silent Voice, Silent Voice
優しい瞳をした誰かに 逢いたい (有邊個可以溫柔待我0既人,可以俾我見面?)
Wow... Silent Eyes, Silent Eyes
ささやいてくれよ そばにいるよって… (你可否平平靜靜0既陪在我左右?!)
サイレント.ヴォイス (= Silent Voice)」
原來歌中人希望見到0既,並唔係功業、權力、財富:
而係真正0既知音人...可以讓呢位「成功者」可以安息一會...

下半片就歌中人同現實之間0既「抗爭經過」:
「人という文字を そっと涙で
手のひらに書くと 胸が熱くて」
歌中人原來只係「膽粗粗」上戰場「臨時拉伕」 0既新丁
面對殘酷無情0既現實,連雙手顫抖0既自由都無:
只有學起<K!On>小澪「手心寫人」吃下去...壯完膽之後先頂硬上
「あきら(諦)めるたびに あきら(諦)め切れずに
途方に暮れる 気の弱いピエロさ」
面對重大到極0既事情、決定，歌中人猶豫不決
(應該係無經驗之下,唔知道自己可以點走下一步...)
工作、戀情、人生0既步伐...竟然無決定得、失0既把握
反而希望自我抽離地,扮成路邊「花生友」0既小角色...
[意味歌中人0既成功只係僥倖、符符碌碌0既得到手,
而自己根本未夠才識去控制一切
(似唔似後來古利明叛變之後0既哈曼．嘉呢?)]

「拍手 鳴らない星空で
玉乗りたちが 両手をあげるよ」
失控0既現實令到本來0既音樂(上片0既音樂盒)停住
而為歌中人效力0既部下、親友,都開始見形勢不對倒戈,或者離開呢個戰場...

下半片副歌就更加「夜來三尺雪」,更加冷冷清清...
「Wow... Silent Voice, Silent Voice
優しさ街に 降り積もる夜は」
(何時連曾經容納過我0既地方,都好似深宵時份0既黑沉沉?)
「Wow... Silent Eyes, Silent Eyes
本当のことが言える 気がするね
(終於都想開口講真相了。不過聽0既又去0左邊?)
サイレント・ヴォイス (= Silent Voice)」

曲調一轉,返到上半片副歌0既「知音人之呼喚」...
仍然一個人0既難過...無聲地完結此曲。

節奏強勁之下竟然藏有如此0既「真心話」
以音樂0既急速去遮蔽已經灰濛濛0既戰場
仲有一個久經戰事,因為種種理由而需要一個人奮鬥0既領導者...
サイレント・ヴォイス一曲所形容0既勝利,係慘烈而僥倖0既:
而後來0既<Gundam 0083>(卡圖偷裝有核彈頭0既GP02)
亦都有呼應0既一曲<Men of Destiny>(命運之人),
提及0既「血の渗む腕に 抱きしめるのは (以滲滿血的雙手/所抱緊0既)
勝利という 儚い幻 」(所謂「勝利」/只有一場虛夢)
正正講出0左サイレント・ヴォイス歌中之人哈曼．嘉0既「勝利」
以及佢需要為此付出0既沉重代價,
亦包括哈曼．嘉自己0既生命在內...
(或者只有馬沙先可以令哈曼．嘉「安心」卦?)<-反正面已經反0左(ZG),無必要多講啦

至於波蕾(們)0既戰爭亦都類似哈曼．嘉0既情況
只不過艾露比．波蕾遇上了捷度呢位「有溫柔目光0既哥哥」
而無堅持波蕾二世同其他0既波蕾「姊妹」一樣0既戰鬥:
波蕾二世雖然受到艾露比．波蕾0既影響而遇上了捷度
不過之後傷重不治...連特大芭菲(噫?艾露比．波蕾0既好物?)都無吃過就離世...
而瑪莉妲·庫魯斯(波蕾12)亦都一樣:連「女性」0既存在都被抹殺
亦死於8年之後(0096年)0既戰場...

一首サイレント・ヴォイス,沒有完整0既故事
但竟然道盡戰勝者0既「空虛、失落」...
難怪眾多0既Gundam系列歌曲...都唔及呢首<黑歷史*之歌>
(* 富奸講過<Gundam ZZ>0既故仔頂多只可以當外傳去睇...)
長久0既受各位巴絲同動漫人0既喜愛。

最後,請受各位愛戴0既 本多 知惠子小姐
好好安息。
你生前0既「萌」,長留我們0既心中:
「我就係你,你就係我。」已經分唔開彼此了。
感謝各位巴絲收睇。

9/9 第二十六次推介

由於私人事務繁忙，
成個月都出過post
最近係度翻煲舊番「アマガミSS」(聖誕之吻)，
所以順理成章介紹下佢既歌啦

「アマガミSS」簡介：劇透注意：隱藏內容，按一下這裏顯示

「アマガミSS」合共26集，由遊戲改編，
描述了男主分別與6名女主如何由路人變成戀人，
而 6名女主幾乎包括了所有屬性，由御姐去到蘿莉、乖巧去到毒舌都有
所以這些機會不是屬於我們的
其中頭24集以4集作一循環，每4集換一次女主，故事以平行時空的方式描述。
最後2集就係番外，兩集都唔同女主
而每次換一次女主都換一次ED，亦因為咁，「アマガミSS」合共有8首ED
OP就得兩首，只換一次
今次先聽下兩首OP啦

1) Azusa - i Love

由於係戀愛故事，OP名已經解釋左
柔和聲線、輕快旋律，聽完有種嘅安心的感覺

2) Azusa - 君のままで

「你就是這樣的你」。
睇完21-24集返嚟再聽風味更佳

今日9月9日星期五，周末就快到啦
如果大家鍾意嘅，請系下面比個Like小弟啦

4/10 第二十七次推介

上次介紹左「アマガミSS」的兩首OP，
今日就介紹下頭兩首根據角色而更換的ED啦
由於影片中部分介紹/片段會劇透，而且部分片段會有比較暴露/不雅的鏡頭，
因此兩首ED均會以隱藏內容的方式介紹。
不想收聽的板友可直接跳至第三首歌曲

(1) 伊藤静 - キミの瞳に恋してる：隱藏內容，按一下這裏顯示

由1至4集的女主角 森島はるか (CV:伊藤静)演唱。
森島はるか的設定是比男主高一級的御姐，
並且是受全校男生歡迎的女生。
可是，森島はるか實際上並未曾談過戀愛，
因此角色歌亦以「第一次的體驗」為主，
而伊藤静亦十分勝任地唱出呢首キミの瞳に恋してる

(2) 佐藤利奈 - きっと明日は…：隱藏內容，按一下這裏顯示

由5至8集的女主角 棚町薫 (CV:佐藤利奈)演唱。
棚町薫的設定是與男主認識數年的好友，
並且很有活力包括一拳KO男主
棚町薫同時亦微傲嬌，
而這些特色均由佐藤利奈很好地帶出

3. fripSide - sister's noise

科學超電磁砲S OP，由南條愛乃主唱。
搖滾風格，都幾熱血

今日10月4日星期二，冬天就到啦
如果大家鍾意嘅，請系下面比個Like小弟啦

8/11 第二十八次推介

上次介紹左「アマガミSS」的頭兩首根據女主角而更換的ED，
今日就介紹下兩首根據女主角而更換的ED啦
同樣地，由於影片中部分介紹/片段會劇透，而且部分片段會有比較暴露/不雅的鏡頭，
因此兩首ED均會以隱藏內容的方式介紹。
不想收聽的板友可直接跳至第三首歌曲

(1) 今野宏美 - あなたしか見えない：隱藏內容，按一下這裏顯示

由9至12集的女主角 中多紗江 (cv: 今野宏美)演唱。
中多紗江的設定是比男主低一級的蘿莉(?)，
並且是男主細妹的好朋友。
同森島はるか一樣設定，中多紗江亦未曾談過戀愛，
而角色歌亦以「經常掛念你」為主，
而今野宏美亦根據設定以較弱的聲線勝任地帶出女主的心情

(2) ゆかな/野上尤加奈 - 戀はみずいろ：隱藏內容，按一下這裏顯示

由13至16集的女主角 七咲逢 (cv: ゆかな/野上尤加奈)演唱。
同中多紗江一樣，七咲逢的設定亦是男主細妹的好朋友，不過不是蘿莉 。
另外，七咲逢亦是游泳社部員。
因此角色歌以輕鬆的感覺為主，游水Feel？

(3) 秦 基博 - Rain

隨着「你的名字」變得出名，新海誠亦多左人識
今日我地睇睇誠哥另一名作：「言葉之庭」的ED - Rain。
睇完你就會明白，新海誠出品，必屬佳品

今日11月8日星期二，英國好凍
如果大家鍾意嘅，請系下面比個Like小弟啦