#1
同舊年一樣，Hampshire Bus Preservation今年三月中喺Winchester搞咗個running day，今次嘅主題係「front entrance」，比上次「rear engine」闊好多。以下係entry list，可以見到出席嘅大部分都係Bristol出品：http://hampshirebuses.weebly.com/retrobus-running-day.html
啲相大約貼咗三分之二出嚟，重有三分之一喺Flickr相簿
![[photo]](https://www.hkbf.org/images/smilies/Photo.gif "傾偈無圖無偈傾")
：https://www.flickr.com/photos/31973233@N08/albums/72157678709731893喺火車站出嚟之後，就搭呢部King Alfred嘅Leyland-MCW Olympic去市中心巴士總站。Olympic係利蘭同都城嘉慕合作嘅integral結構中置引擎巴士，另有款銷量慘淡嘅輕量版叫Olympian。售票員同我哋講，部車喺70年代中退役，原本以為一早劏咗，但係90年代初有人喺愛爾蘭發現佢被人棄置咗，而車身尚算完整，於是Friends of King Alfred Buses就買咗佢返嚟，去到13年先至修復完成，值得致敬
：
車廂內籠，盞燈嘅形狀幾特別：
Glasgow Corporation嘅利蘭泰坦PD3/2，呢個型號名指佢用風迫力、Pneumocyclic波箱同闊引擎室（後期出廠嘅改用St. Helens車嘴），引擎同所有PD3一樣係O.600。車身不出所料係亞歷山大出品，「壽星公」額頭同之後用喺珍寶同亞特蘭大上面嘅A／D／J型如出一轍：
鬼面罩上面嘅水牌，或者係因為賣上去蘇格蘭，所以同時冠上咗亞比安嘅名：
望入去駕駛室，可以見到枝Pneumocyclic「風波」波棍：
我覺得個內籠比同期以至十年後嘅ECW車身更現代化，尤其係窗柱位：
老實講，段片唔多有趣，司機一路都揸得好悠閒，而且好快轉高波，所以就連比較好聽嘅低波聲都冇乜，拍片純粹係因為我之前未搭過PD3系列
：Bournemouth Corporation Transport嘅Weymann車身利蘭亞特蘭大PDR1/1，車身同顏色都幾乎同城巴D1-D6一模一樣：
比較吓亞特蘭大同珍寶嘅引擎室線條：
PDR1/1嘅引擎室，用O.600引擎同SCG四前速半自動波箱。喺波箱左上方嘅銀色盒，就係個波箱嘅電控氣閥（EP valve），如果冇理解錯係要keep住畀電先可以hold住個波，一斷電就會漏風甩波：
時間夾得啱啱好，VRT同Lodekka FLF同時去到Otterbourne。部VRT係Series 1，所以頭幅係早期扁平設計，唔係大部分VRT嘅圓渾設計：
早期嘅平頭幅車身，兩側近車頭部分微微收窄，仍未擺脫半駕駛艙年代設計：
車尾線條未曾被Series 3嘅通風口破壞：
用吉拿6LX引擎同SCG四前速半自動波箱，引擎聲好聽之餘，VRT行得快時特有嘅transfer gear嗚嗚聲亦唔錯。司機轉波時有喺空波停一停，落波時重有補油，個人最欣賞呢隻揸法。留意當波棍去到空波位時，波子機上面盞燈會著：
呢部Lodekka用咗Cave-Browne-Cave系統，將引擎冷卻液泵上牌箱兩邊嘅水箱仔，靠行車時撞風入去，理論上兼具引擎散熱同車廂暖氣之效，但實際上因為冇風扇輔助，所以好易水滾。鬼面罩後面冇水箱，可以直接見到部Bristol自家嘅8.9公升BVW引擎：
尾轆上面塊蓋好玩具feel...
部Lodekka屬於FLF型，即係Flat-floor、Long-wheelbase同Front-entrance，無梯級地台一直伸延到車尾。雖然用U形尾軸，但係兩邊輪拱上面嘅側位拉得異常開：
半自動波箱比較大件，塞唔落樓梯底，所以要喺地台凸塊蓋出嚟容納個波箱：
Lodekka為咗整低地台，喺液壓飛輪後面用一組齒輪，將直濕同波箱offset去右邊，而呢組齒輪又會發出一把嗚嗚聲。或者因為引擎跌轉數比較慢，司機轉波比頭先部VRT更慢，似足非同步嚙合，但其實部車係半自動。另外，留意每次入波時都會有一吓好明顯嘅「格」一聲，應該係brake band扣埋嘅聲：
Brighton Hove & District嘅開頂Lodekka：
無梯級登車地台，波箱收喺樓梯底：
Lodekka嘅駕駛室，軚盤明顯向後斜，唔似得一般半駕駛艙巴士咁平：
繼續係Bristol，呢部係LH型，底盤得7呎6吋寬，但配8呎零半吋寬嘅車身，所以車轆縮咗入去：
兩部窄車身LH，車嘴喺71年中轉款，變成最常見嘅圓卜卜設計。前面嘅係短陣版，即係得26呎長嘅LHS型：
倫敦運輸局嘅BL49，原車牌OJD49R，70年代中為咗取代AEC Regal IV（即係RF）而引入，揀LH係因為佢係當年少數仍然可以裝窄車身嘅車款，用National嘅話有啲路段會過唔到：
跟住係Bristol RE，60年代四款後置引擎大單層（另有AEC Swift／Merlin、丹拿Roadliner同利蘭Panther）之中最成功嘅一款。雙門佈置比較少見，去到而家差唔多得倫敦先會用：
Bristol Omnibus嘅36呎RE，尾跨最後半隻窗長度純粹係車身嚟，底盤尾跨本身算係中型巴士長度，底盤全長唔夠33呎（http://www.redandwhitebus.co.uk/communities/1/004/011/275/641/images/4626236040.jpg）：
倒車燈佈局相當有趣，重有盞「REVERSING」燈：
「半豪華」36呎RE：
RE嘅駕駛室，水撥、噴水泵同車門都係風控，手掣就仍然係機械式：
「半豪華」車廂，有手提行李架同「dual-purpose」高背凳，另外留意最後幾排係可以食煙，啲煙吹唔吹得到出去就唔知啦
：
「dual-purpose」凳所指嘅，係呢類喺普通凳骨架裝上高背軟墊嘅凳，MC、TC、BR同FC都屬於呢類。軟腍腍嘅座墊，加上十足嘅後傾角度同拉鬆咗嘅行距，分分鐘比一般嘅coach更好坐
：
吉拿6HLX引擎平臥喺車尾，SCG五前速半自動波箱同死氣鼓就放喺尾軸前面，所以重量分佈平均過一般後置引擎巴士，但係地台就高啲。或者係用平臥引擎嘅關係，同尾橫置引擎比較，把吉偈聲聽起上嚟似車外聲多過似車內聲。如果細心留意，會覺得部車似有lock-up（前面部VRT就幾肯定係純粹嘅液壓飛輪，因為喺高轉時都聽得出個slip），特別係高波收油時把聲會chok一chok，我相信部RE個液壓飛輪係有centrifugal clutch：
之前喺Isle of Wight見過嘅豪華版RE，屬於RELH型，即係長軸距高陣版，巴士版（例如上面幾部）就通常係RELL型，底盤前半部比較低（其實只係爭三吋左右）：
車身線條同Duple Dominant、Plaxton Supreme等有幾分似，但其實同絕大部分Bristol巴士一樣係ECW出品：
內籠明顯比前面部「半豪華」版靚好多，有獨立高背凳同風口，不過反而冇咁舒服：
Midland Red嘅Marshall車身利蘭Leopard，算係特快線專用嘅「半豪華」版：
舊年年尾喺Reading搭過嘅National Mk1，屬於Mortons Travel古典巴士車隊：
全個活動入面最吸引我嘅，係呢部豪華版11米兩軸利蘭奧林。今次係我第一次有機會搭11米兩軸奧林，亦係我第一次親耳聽到TL11引擎嘅聲。個ECW車身同城巴7號車嘅原裝車身算係同款，車門同車嘴嘅設計我認為相當唔錯：
不過成個車身外觀設計略欠誠意，除咗車嘴算係有豪華feel之外，都同普通ECW車身奧林冇乜分別，城巴102-105嗰隻新款車身先至像樣。上層擋風玻璃更係一大敗筆，同成個車身嘅線條（尤其係下層擋風玻璃）格格不入，會錯覺上層頭幅被人斜斜哋切咗落嚟：
由車尾望過去，更加難睇到除咗車尾嗰五條間（早期版更加係冇呢樣嘢）之外，同普通版車身有乜明顯分別：
同普通矮身版ECW車身奧林拍埋比較，豪華版上層頭幅有種「髮線嚴重後移」嘅感覺。另外，我實在諗唔通點解佢哋要喺車側用隻咁凸嘅指揮燈，望落太易撞爛：
車尾幾乎一樣，基本上只得高矮身同通風口分別：
至於內籠，就真係幾夠豪華，天花板、手提行李架同旁板都係絨面，下層車頭同上層嘅地板都鋪咗地氈，而每個位都有風口同閱讀燈。手提行李架因為headroom問題而冇伸延到尾軸輪拱，風喉就去到尾排。另外，睇車外相都會睇到，風機係擺喺左右兩邊第四隻窗對上：
平時裝尾排凳嘅位置因為legroom問題而留空咗，尾轆上四張倒頭位變成下層最尾一排。天花板上面幾隻圓角長方形窗仔，就裝住車廂入面僅有嘅幾枝光管仔：
尾軸輪拱對上嘅風喉，上面有落車鐘掣、喇叭、風口同閱讀燈（夜晚開晒燈都唔著）：
簡潔而舒適嘅豪華高背凳：
車尾除咗有一堆備用水箱水之外，重充滿住由引擎室漏出嚟嘅死氣，高轉時係煙霧彌漫：
豪華版奧林嘅標準動力配搭係利蘭自己嘅260匹版TL11引擎（唔計超豪，呢副應該係奧林歷來最大馬力嘅引擎？）同Hydracyclic五前速波箱（https://www.flickr.com/photos/28820487@N07/8501391642/），行車表現比之前行同一條線嗰Bristol RE好得多。Hydracyclic波箱嘅基本結構同運作原理都可以追溯到30年代嘅Wilson式先選式波箱，但係利蘭將Pneumocyclic嘅brake band同clutch改用液壓操作，再加多個retarder功能（其實只係磨後波clutch減速，詳見維修手冊：http://britishbusclub.readyhosting.com/HYDRACYCLIC%20GEARBOX%20TRAINING%20MANUAL.pdf），苟延殘喘到80年代中（最後利蘭都係接受現實，唔再造引擎同波箱，改用康明斯LT10同ZF Ecomat做標準）。唔知關唔關死氣喉事，TL11把聲同前身O.680好唔同，冇咁沉同厚（有啲可惜，因為我覺得AN68上面嘅O.680係我搭過嘅蘭偈車上面最好聽嘅），另外波箱聲亦唔響，retarder聲更加係完全聽唔出：
十三部pre-production嘅VRT Series 3之一，用利蘭O.510 8.2公升turbo引擎：
Oxford Omnibus嘅VRT Series 2，車嘴雖然已經轉用圓渾款式，但細節上都係同Series 3有分別：
VRT Series 2（同埋Series 1）嘅車尾，算係第一代後置引擎雙層巴士之中最為企理嘅：
同上一張相比較，可以清楚見到VRT Series 3嘅引擎室通風口佈置同引擎蓋形狀有乜嘢改動。車尾窗下面寫住嗰句「One Man Operated Bus」，擺落今日肯定會被人告性別歧視：
倫敦都城，Mk1車身Mk2底盤：
全日最驚喜（或者應該話係驚嚇）嘅，係呢部Mortons Travel嘅富豪B10MD，唔喺entry list同時間表上面，話唔定根本係Mortons即興派佢出嚟行兩轉。部車原本屬於London & Country，原裝嘅東蘭開夏車身已經夠樣衰，後來Bradshaws Coaches將佢翻新成呢個樣，聽聞塞咗98個位入去，我真係冇眼睇
：
至於車尾就順眼過原裝，特別係上層尾窗：
Stagecoach富豪B10M，左頭轆後面嘅散熱水箱說明佢係Mk4：
另一部B10M，保留住退役時嘅模樣，車上面嘅Lazzerini Pratico凳係全日坐過咁多部車入面最差嘅，成功將我拉返去「現實」之中
：
如果唔去留意車牌同某啲車身細節，大家應該會理所當然噉將佢當成係80年代嘅ECW車身奧林，再加部吉偈或者蘭偈，但其實佢係91年出廠、利蘭「一條龍」包辦底盤同車身嘅四波ZF康偈蘭。另外，雖然佢原裝已經係單門，但查實佢係倫敦出身，第一任車主叫做Armchair Passenger Transport，好一個怪名：
車尾嘅通風口佈置比舊款ECW車身企理得多：
用Ecomat波箱但係唔整鎖波掣，認真奇怪：
下層車廂，兩邊各有一張倫敦運輸局嘅告示：
把聲係我鍾意嘅類型，把波箱聲去到高波都一樣夠響。可惜波箱壞lock-up，油門大啲就變成油壓段，實在唔夠過癮，只得低波慢慢踩吓踩吓時最好聽：
活動六點鐘完，除咗有車駁去Winchester火車站之外，重有幾部車去附近嘅鎮，例如呢部豪華版奧林就係去Basingstoke（喺倫敦同Winchester之間，所以張火車飛仍然用得）。後來問過車主，佢話部車朝早都冇乜事，去到晏晝就開姑漏風，行完呢程之後更加著咗一堆警告燈，所以佢要喺Basingstoke度check吓嚿電正唔正常：
上層大銀幕喺車廂入面睇就幾唔錯，只係同個外觀唔夾：
尾排四張凳嘅頭枕係吊喺太平窗上面：
多謝點閱，歡迎討論
