派車+時間表：http://www.wythall.org.uk/twilightbuses.pdf
入到去第一部搭嘅就係呢部珍寶，之前已經搭過唔少次，亦拍過好幾次片，所以今次就專心享受佢把聲：
早期版Bristol VRT Series 2，車身仍然係類似Series 1嘅平頭版：
睇埋車尾都係唔識分Series 1同早期Series 2：
錶板、軚柱同踏板位係一件過玻璃纖維，再加埋左邊嘅警告燈都比珍寶同亞特蘭大先進，而最現代嘅莫過於大大枝風手掣：
不過ECW車身嘅感覺就比同期嘅Park Royal出品古老而且簡陋，例如窗柱凸晒出嚟、樓梯旁板三尖八角冇啲弧度、尾轆側位直接橫跨個半圓形輪拱...
佢把嗚嗚聲好似比其他VRT細聲咗啲，而四波低轉時聽落亦唔太順。另外，我之前一直認為喺三款第一代後置引擎雙層巴士之中，珍寶嘅避震最扽，而VRT最舒服，但原來我一向畀路況誤導咗...原來珍寶載得多人都可以OK好坐，VRT嘅懸掛亦唔係真係好咁多：
Bristol配ECW車身可以話係指定動作，左邊係L5G，右邊就係KSW6B：
Park Royal單層車身丹拿COG5：
Midland Red最後一款自製嘅巴士 - BMMO S23，厲害在唔只係用自家引擎同埋橡膠避震，頭轆甚至有獨立懸掛同碟剎：
原本想搭嘅B6LE，不過壞咗車。拆開咗頭冚之後，先至發現原來兩邊水撥係有連桿連住，摩打裝喺左邊：
用高背凳嘅康偈利蘭Lynx：
Leicester City Transport嘅泰坦PD3A/1，個Park Royal車身同St Helens車咀望落鈍鈍哋，而喺半駕駛艙巴士上面見到電腦廣告總係怪怪哋...
Metro-Cammell車身丹拿CVD6，唔睇廠徽重以為係阿拉伯四型：
來自倫敦嘅AEC Regal IV：
Green Line版30呎Routemaster，同市區版比，除咗多咗對頭燈之外，車尾亦多咗度電動尾閘同太平門：
Marshall車身單層珍寶，反而單層版亞特蘭大少之又少：
West Midlands PTE嘅Park Royal車身珍寶JOV613P，泊返喺館入面畀人上車參觀：
1975年嘅Park Royal車身，線條同DMS有幾分似：
終於等到部Ailsa樣辦車入場，佢嘅上層頭窗、下層擋風玻璃同指揮燈／邊燈佈置都同隨後嘅50部量產型唔同：
準備泊位：
跟住搭呢部都城Mk2A，同樣行47號線去Yardley Wood同Alcester Lanes End，不過表現實在麻麻，拍片都冇意思：
Mk2A係MCW廠方因應Mk2車尾結構問題而喺88年中推出嘅最終改良型，外觀上最明顯嘅分別係下層尾窗縮返去類似Mk1嘅大細，同時車尾兩邊冇咗條凸骨：
至於呢部就係第一批兩軸版Mk2之一，曾經喺Fifth Gear上出現：
坐得好舒服嘅四前速半豪華版Mk2：
車尾結構曾經重建過，但已經改返做原裝模樣：
Mk2駕駛室，留意門掣係左邊塊踏板：
Westinghouse嘅風壓警告器，唔夠風壓就會著燈同跌塊STOP牌落嚟。呢件嘢喺倫敦係標準配備，甚至直頭取代咗風錶（例如DMS）：
各種開關掣，死火燈掣竟然擺得咁後？
喺夠鐘開車之前，唔知部車出咗咩問題，揭開咗引擎蓋，入埋水箱水之後，就嘗試撻匙同扯轉數：
熄返引擎之後，就可以近距離觀賞吓都城嘅引擎室：
6LXB引擎油泵上面嘅鐵牌，說明呢副引擎經過徹底翻修，而最大馬力係180bhp@1850rpm：
可以見到風控油門、波箱油門感應器同引擎accelerator係點樣連接：
好少可會見到巴士引擎嘅flywheel housing唔係裝住個液壓飛輪，亦唔係直接駁住波箱，而係露咗個torsional damper出嚟：
個80度angle drive除咗連接引擎同波箱，同時亦負責驅動發電機同引擎機油冷卻器風扇：
呢個角度見到開咗引擎蓋之後要用嘅撻匙／熄匙掣，亦可以見到連住angle drive嗰條吊桿嘅上半截：
左邊嘅引擎蓋亦開咗，可以望到另一嚿避震膠（喺圍住最底嗰個皮帶滑輪個托架嘅頂，個托架負責由嚿膠度伸落來吊住部引擎）：
冇諗過竟然會喺引擎室入面見到吸震筒：
張凳好坐、避震舒服不特止，波箱聲更令人陶醉（尤其係三波，個人覺得四波反而冇咁好聽），只可惜一路上前面都有車頂住，總係有啲唔夠爽：
緊接住搭嘅呢部Ailsa大有來頭，唔單只係WMPTE喺1974年引入嘅頭三部Ailsa中嘅第一部，而且係現存最舊嘅Ailsa（佢係第二部出廠，第一部就係原型車THS273M，即係城巴V1）。車主係4738 Group（https://www.facebook.com/4738Group/），佢哋同時亦保留並修復咗另外幾部「一哥」，包括WMPTE第一部量產版Ailsa（JOV738P）、全球唯一矮身Ailsa（RTO1R／TRR814R）同埋倫敦第一部Ailsa（A101SUU），甚至曾經救返兩部都城樣辦車（WMPTE 6832同7007）：
今次揸車嘅唔係車主，而係揸VRT嗰個司機，亦即係上次我話轉波轉得最好、拖波會補油嗰位，所以個感覺同舊年搭JOV738P（https://www.youtube.com/watch?v=Mpf-04D0_Q8）幾唔同。把聲聽落係JOV738P更勝一籌，不過呢部嘅表現都唔錯。此外，亦再一次肯定Ailsa嘅避震喺葉片懸掛中絕對係冇得彈，夠軟又夠穩：
返到去博物館時已經六點半，影完呢張相之後（後車係珍寶KOX780F）就要趕尾班750出返伯明翰：
入去時搭咗阿拉伯四型，所以出返伯明翰時就搭呢部BMMO D9：
多謝點閱，歡迎討論
