香港巴士論壇

(麻帆良市時報記者高坂 穂乃果報導)
如果你係七十到九十後嘅話,
咁呢款俗稱 "白頭" 嘅地鐵列車你一定唔會陌生,
呢款由英國都城嘉慕列車 Metro-Cammell Train 製作嘅地鐵列車,
正係當年地下鐵路通車時使用嘅直流通勤型電動列車,
係當年地鐵嘅主力車款,
亦係現時港鐵眾多客運列車中車齡最高同數量最多嘅一款列車,
佢地喺 1998 - 2001 年間接受全面翻新及延命工程,
除左全車內裝同機件都經過全面翻新之外, 車頭組件亦改頭換面,
並且名為 "現代化列車" (Modernization Train, 或者簡稱 M-Train),
一直行走至今。但係始終呢款列車車齡已有相當,
儘管港鐵曾經有意為呢批現代化列車再度全面翻新,
但係港鐵最後亦已拍板斥資 60 億港元向中國中車添置 93 列新列車,
並且由中國中車旗下嘅青島四方機車車輛股份有限公司
奪得及負責 93 列新車的設計、供應、製造及營運測試,
而首批新車預計可以最快於本年內投入服務, 至 2023 年,
93 列新車就會全面投入服務, 以取代現時嘅全數 93 列現代化列車,
換言之當市區綫新嘅中國製新車陸續投入服務時,
現代化列車亦預計會於 2018 - 2023 年開始陸續全數退役,
屆時英製地鐵列車亦將會成為歷史。

今日, 麻帆良市正式歡迎地下鐵路都城嘉慕 "白頭" 地鐵列車登場!!
初代嘅白頭地鐵列車, 對眾多香港市民嚟講絕對係集體回憶之一,
尤其是對市長 Super Bus 嚟講, 地鐵正式通車之時,
佢果陣只得大約兩歲, 可以話呢款白頭地鐵列車真係陪住佢長大,
絕對係佢喺香港生活嘅回憶之一。Super Bus 話,
雖然佢本身鍾意坐巴士, 但係有時趕時間,
佢都會坐地鐵, 正如當時地鐵成日都喺電視賣廣告話:
"搭地下鐵路 話咁快就到" 嘛!
呢句口號真係經典同家傳戶繞到連佢以前亞嫲都識講添㗎!
依家雖然港鐵偶有故障, 但係總體都算係為市提供快捷舒適嘅服務。
有啲人特別係部份巴士愛好者都對港鐵冇好感,
特別係當港鐵一有新線通車投入服務,
唔少原有嘅公共巴士服務都因此而要減班次,
更改原有嘅行走路線甚至要取消服務,
而政府一向以來嘅交通運輸政策亦被批評 "保鐵",
剝奪巴士以至其他公共交通運輸工具嘅生存空間,
Super Bus 話, 始終鐵路有住比其他公共交通工具更快更方便嘅優勢,
而且佢話平心而論, 就算佢自己都係巴士迷,
有好多時要趕時間, 有得揀佢都會坐地鐵,
"有時間就話坐巴士遊車河睇風景唧, 趕時間仲邊度有咁好興緻呀?!!"
講到呢款 "白頭" 列車, 或者依家嘅 M-Train 將會喺呢幾年內行將退役,
Super Bus 話當然感到唔捨得, 雖然佢地都已經有咁高車齡,
始終都會有退役嘅一日, 不過亦可以睇得到英製列車嘅質素係幾咁高,
"以前啲人成日話英國車鋼水好真係並非虛言, 英製列車都唔例外!"
佢又話依家港鐵向中國中車訂購新列車以替換呢批英製列車,
佢直言對中國製列車嘅質素抱有懷疑甚至冇乜信心,
而且呢間公司早前更爆出供應比新加坡地鐵嘅列車出現裂紋嘅事件,
"恕我老實唔客氣咁講, 我都唔知港鐵新訂嘅呢批大陸製列車,
會唔會好似批 Made in England 嘅白頭 M-Train 咁襟用!!"
無論如何, 地鐵白頭列車, 或者依家嘅 M-Train 將會喺呢幾年內退位讓賢,
已經係不爭嘅事實, 今日呢架地鐵白頭列車登場,
正好向呢批曾經喺地鐵立下唔少汗馬功勞嘅開國功臣作出致敬!!


隆重歡迎! 地下鐵路都城嘉慕 "白頭" 地鐵列車, 見參!!


同龍運 ADL Enviro 500 MMC Facelift 一齊到埗,
見另文: t717543.htm






證書編號 1853, 限量 2500 架




















當年九巴開辦嘅豪華巴士服務, 因為地下鐵路通車而慘嚐滑鐵盧嘅滋味,
儘管喺二十一世紀嘅今日, 因為鐵路新線通車而令巴士路線同服務大重組嘅情況亦重覆地發生...





And......

以下部份嘅地鐵電視廣告, 大家又有冇印象呢?
















大家仲記得呢隻狗狗嗎?
記得當年佢同狗主仲上過無線嘅 "歡樂今宵" 接受訪問添㗎!



Thanks for reading~

_________________
Welcome to our Doki Doki Literature Club!