～ 珍 寶 騙 局 ～

想扮新車？望下你下面？出賣左你啦！。。。。。。。。。。我講緊你下面個車牌

好少同一款車，只係唔同色都會買咁多架返黎，講緊既係ＢＵＳＥＳ既亞記ＬＦ
今日推出市場既有中巴原色既重建車身ＬＦ１３，同埋晚期最後一批，配上原裝新亞記殼，再搭豪華色既ＬＦ２９５，二者選一，有點選擇困難症，又唔想兩架買晒

最後都係揀左原色，重建車身算係一個呃自己既賣點，另一樣就係上層雞翼窗，仲有特別高既藍色車身腰線，再配埋可以見證到佢係最前期，最頭一批圓頂寶既Ｂ字頭既車牌(雖然架架都B字 )
明顯中巴幾唔鐘意圓頂寶，頭批３０架冇膠邊窗框既圓頂寶，好多都拆晒舊車身套返個靚仔既新亞記殼上去，認真落本！
亞記珍寶，可以稱得上係中巴車隊入面其中一款最靚最型既車款！



今日主角，ＬＦ１３，真心，雖然都唔係咩新見到既問題啦，但起模果陣點解要咁樣分開車頭果塊野呢，冇泵把真係好礙眼
（雖然話真車拖車果陣都係拆呢塊）


車頭雞翼窗，全車雙扶手，呢個配搭真心不錯


今次既重點起車尾，將車牌路線牌擺晒起中間，望落順眼左好多
但其實最初路線牌放左邊係一個幾別有用心既做法，就算後面有車阻，都可以較易望到路線


除左雙扶手之外，呢一邊同上次ＬＦ１８７冇乜分別


高腰線同低腰線擺埋一齊好似唔覺有高過咁，睇頭牌位置先覺分別（ＬＦ１８７底盤裝高左Ｄ，ＱＣ問題吧 ）


前期亞記款同尾期既分別，上層尾窗亦變成左右開得，之後既ＳＦ都用晒呢隻尾


我們亞記珍寶中，出了一個叛徒

---

講！你地係邊個抄邊個


ＴＨＸ　ＦＯＲ　ＲＥＡＤＩＮＧ ．

頭牌係咪做扁咗？
睇返真車相頭牌應該高啲

Universal Mk 2008 on 2018年2月5日 00:18:00: 頭牌係咪做扁咗？
睇返真車相頭牌應該高啲

呢個問題呢，第一次出ＬＦ果陣都已經有人講左了，怪就怪Ｍ１唔爭氣，比BUSES乜款都玩齊咁濟
我自己黎講都算幾接受呢個車頭，當然係有Ｄ位置有不足之處啦，但見到Ｍ１個初模同BUSES一樣車頭塊野另外裝時，我就冇乜期望Ｍ１了

而家「集齊全套」，我諗Ｍ１真係要比BUSES好非常多先會買埋一份

車頭好似躺窗順眼過雞翼窗.... 但躺窗又得豪華色車尾無錯到

D油好似淺色左? 定係光暗問題?QC好似幾好

愛麗絲公主 on 2018年2月5日 02:40:28: 車頭好似躺窗順眼過雞翼窗.... 但躺窗又得豪華色車尾無錯到

本身隻窗開得唔夠深，窗上面既銀框印刷應該幾影響個視覺效果，情況同著橫紋衫或者直紋衫一樣，所以躺窗望落會有錯覺都唔奇

RON028 on 2018年2月5日 16:52:58: D油好似淺色左? 定係光暗問題?QC好似幾好

ＢＵＳＥＳ隻奶白色係比其他廠出既淺色，另外我今次有另外擺燈起後面照住黎影，所以可能比以前影出黎光少少

至於ＱＣ呢，好多方面都好企理，唔可以話佢差，但唔知係咪我錯覺定點，總覺得梯位車身藍色好似向車尾斜左上去咁
另外買左咁多次，都搵唔到一架車身圍邊既黑線係對得齊的

中巴亞記 LF, 入左一架紅一架藍加多一架豪華色我都夠皮咯,
況且架 LF13 又係重建車身, 費事為左車尾果少少唔同又入多架,
等睇下有冇機會重出 SF 同 AV 我就會捧下場嘅...