如果係臨時站, 或者站位不時會移動, 巴士站牌唔用種地柱, 就話方便搬移
但有d車站屬永久, 站位甚少會移動, 點解巴士站牌唔用種地柱?

以西隧口巴士站為例, 多個站牌都唔用種地柱
見過多次打大風時有巴士站牌「倒地」, 假若當時旁邊有乘客等車, 或會造成口嚴重受傷
如果巴士站牌用種地柱, 係咪可以避免「倒地」出現?
還是唔用種地柱係有原因, (斷估) 正正因為車站大風, 用種地柱會令站牌受力很大, 唔用種地柱則可讓站牌輕微搖晃卸力?

上述例子, 都叫諗到個原因可能會係咁
咁其他車站呢? 例如智芳街車站, 係咪有特別原因唔用種地柱?

可能地底有喉種唔到

睇地主比唔比，睇地底有無野

近幾年嗰啲通常唔會種地，因為又要問路政攞掘路證又要外判搵人做
直接擺轆柱上去慳好多時間同埋錢
除非新發展區一早已經有證唔係都唔種地

正路嚟講種柱都未必會影響到地底線幾大
除非你條柱種到好深去到喉管咁深
但據我所知都唔會咁深

隧道口嗰啲有可能係認為會起將來出現多次移位，先唔用種地
唔係要搬好煩

以前種柱屬小型工程可以唔駛等批就種得，之後多謝 hktv 王生濫用呢樣野種到一街都係hktv 柱加盒，咪渣正黎做囉，入紙申請先唔該，再慢慢等批啦，咁麻煩，咪無種囉。