我諗或者無咩人記得「總經群島」同埋地圖「總經首都地區」。
當年因爲一啲原因而離開總經群島，搞左個「路牌硏究社」 走去硏究路牌 。
成年幾兩年無開過 OMSI，總經首都地區都因此停滯不前。
呢幾日無聊開返 OMSI，見到以前整落嘅路牌眞係頗爲樣衰。

舊時核突作品
可以睇返舊版路牌，幾咁恐佈同核突。

▲（2014年產物）條柱用左 GG2 嘅 object，但係路牌就用毅洲嘅。啲 design 非常不堪入目


▲（2016年產物）嘗試自己起模，不過對比 GG2 嘅 object 都係樣衰。路牌設計上好睇左少少，但係感覺都係麻麻地。

兩年後的作品
呢兩年無搞 OMSI，去左開發字體。突然心血來潮想重製啲路牌，今次試下啲路牌按眞實情況 dup 釘，加下啲汚積咁⋯⋯

▲（2018年產物）最後決定用返 GG2 object，因爲 freetex 技術眞係勁方便。呢塊路牌係扮幾十年前嘅路牌，除左路牌比較汚糟之外，字體用「監獄體」。


▲（2018年產物）對比上一幅舊式路牌，呢個就係新式用電腦設計嘅路牌。


▲（2018年產物）迴旋處路牌

畫返香港野？
或者大家覺得整埋啲虛構野無咩共鳴咁，或者都可以整下現實野嘅。
近呢幾個月幫「OMSI 2 新界・東」畫路牌。


▲監獄體、Transport、全眞粗黑、Helvetica、Arial 大混雜

後記
不過諗深一層，我都諗唔透點解要畫到咁仔細
虛構城市就話姐，但眞實又需唔需要咁樣畫法呢？
其實我諗拎部相機去影張相，仲簡單過咁樣畫。
我都唔知眞實城市 CG 路牌使唔使咁畫法

如果有人（應該無）一直期待總經首都地區推出，實在要同大家道歉。
雖然我算係離開左總經群島，但都會想有一日可以完成並推出，儘管無人玩。
我會爭取下畢業後明年復工