無以為繼的金色大長威 (長文, 多圖注意)

(麻帆良市時報記者キズナアイ報導)
はい、ども! キズナアイです~♥
12m 版 Volvo B9TL 巴士相信大家見就見得多啦,
咁 12.8m 版嘅 Volvo B9TL 巴士你地又見過未呢?
香港嘅雙層巴士自 1980 年代起放寬至最長 12m,
並且配有三條車軸以分擔全車重量, 以達至增加載客量嘅目的,
昔日一架 12m 三軸非空調巴士因為使用 3+2 座位編排,
加上下層以企位為主嘅車廂格局, 使其可以負載高達 160 多名乘客!
但係隨住乘客嘅乘坐舒適要求提高而轉用 2+2 座位編排,
加上新式巴士使用超低地台同直樓梯等規格,
都令現今一架 12m 三軸巴士嘅可載客空間顯著減少,
要增加巴士載客量, 只有將巴士車身再加長先至係不二法門。
九巴喺 2013 年向 Alexander Dennis Limited (ADL)
訂講兩部 12.8m 版本嘅 Enviro500 MMC 巴士試用嘅同時,
亦向 Volvo 車廠訂購 12.8m 版本嘅 B9TL 巴士,
新巴士沿用 12m 版, 由 Wrightbus 提供嘅 Eclipse Gemini 2 車身,
並且由珠海廣通客車負責組裝車身，分別喺 2014 年 5 月至 6 月間運抵香港。
呢款巴士使用 Volvo 同廠出品, 符合 Euro 5 標準嘅 D9B 310 匹馬力引擎,
連接 ZF 6AP1403B8 六前速波箱驅動尾軸,
全車可載 164 人 (包括上層 63 人, 下層 35 人同企位 48 人)。
首部新車與另一架 ADL Enviro500 MMC 12.8m (3ATENU1) 樣板車,
一同於同年 6 月 2 日喺九巴月輪街車廠參與記者招待會,
然後喺同年 10 月首航 73X 線。
但係自呢兩架 Volvo B9TL 12.8m 巴士之後,
九巴再冇向 Volvo 訂購買同款巴士,
大量 12.8m 新巴士訂單落入對手 ADL 手上,
令呢兩架巴士成為九巴僅有嘅 12.8m 版 Volvo B9TL 巴士。

今日, 麻帆良市正式歡迎九巴 Volvo B9TL 12.8m 巴士登場!!
呢架 3AVBWU1, 身為九巴首兩架 12.8m 版 Volvo B9TL 巴士嘅 "一哥",
雖然喺當時九巴嘅記招上同 ADL 嘅 12.8M MMC "一哥" 3ATENU1 一齊出盡風頭,
但係喺光輝背後, 呢架巴士喺 2014 年 6 月驗車出牌過程中卻遇上阻滯,
甚至喺傾斜測試時向右翻側, 引致右邊下層車身同車窗損毀,
加上沿用尾軸驅動嘅設計, 令佢地不及中軸驅動嘅 E500 系列靈活,
都令九巴再冇訂購同款巴士, 令佢同 "2仔" (3AVBWU2) 成為九巴車隊中嘅一對孤鶵,
而大量嘅 12.8m 新巴士訂單就落入對手 ADL 手上。
而事實上, Volvo 原本曾經一度係香港巴士市場嘅龍頭,
如今時移世易, 佢嘅龍頭地位已經反過來被對手 ADL 搶走。
雖然依家喺香港依然仲有唔少 Volvo 推出嘅 Volvo B9TL 巴士喺街上行走,
但係九巴作為 Volvo 喺香港最大嘅海外客戶,
眼見大量新巴士訂單落入 ADL 手上, 令 Volvo 喺香港巴士嘅市場佔有率比對手大幅拋離,
Volvo 一定要急起直追! 隨住 Volvo 已經宣佈推出全新計,
使用中軸驅動嘅 B8L 並且將會成為 B9TL 嘅後繼者,
到底喺將來有冇機會見到 12.8m 版本嘅 B8L 出現,
為 Volvo 爭取更多來自香港嘅新車訂單, 幫 Volvo 扭轉局面呢?
我地就只有拭目以待啦。無論如何, 隨著 Volvo B9TL 巴士停產,
呢兩架 Volvo B9TL 12.8m 巴士, 無庸置疑勢將成為九巴車隊中,
唯一兩架 12.8m 版 Volvo B9TL 巴士。市長 Super Bus 話,
入左咁多架 12.8m MMC, 今日呢架 3AVBW1,
算係為一街都係 MMC 嘅街景帶來一啲新鮮感,
"雖然 12 米版嘅 B9TL 依家都係周街都係, 12 米 8 對呢兩架巴士嚟講,
都算係罕有車款啦!" 而跟隨 B9TL 巴士而來嘅 Eclipse Gemimi 2 車身,
隨著 Wrightbus 推出 Gemini 3 車身, 預計亦會隨著九巴增購最後一批 Volvo B9TL 巴士,
喺將來全面停產, 呢兩架 12.8m 版 B9TL 巴士,
亦將會成為九巴唯一兩架配 Eclipse Gemimi 2 車身嘅 12.8m 版 B9TL 巴士,
令呢兩架車顯得更加特別。唔好講咁多,
我地依家就一齊嚟一睹呢架巨巴嘅風采啦!

隆重歡迎! 九巴 Volvo B9TL 12.8m 巴士, 3AVBWU1, どうぞ!!

加埋今日同時到埗 -- 兩架梳乎蛋巴士仔~

連九巴都叫佢做 "金蛋" "Golden egg"

證書編號 0882, 限量推出 900 架

正式落地!!

當 12.8m 金蛋遇上 12m 紅蛋

到底 12.8 威巴同 12m 威巴有幾大分別? 來一個對比先~~

多左半格窗位嘅分別

與 3ATENU1 相會

雖然唔同車廠出品, 但係有三樣野一樣:
同樣係 12.8m, 同樣係 "一哥", 大家新落地首航都係行 73X

加送 -- 今日同時到埗嘅梳乎蛋巴士仔兩架~
好鬼鍾意呢隻懶洋洋嘅雞蛋, 唔知有冇機會出埋衝吧烈子呢?

估唔到佢地都有 Cert!

Q 巴證書編號 0054, 限量推出 2000 架

1/120 證書編號 0609, 限量推出 1500 架