敗家仔又黎買大大盒野玩
![[sosad]](https://www.hkbf.org/images/smilies/icon_sosad.gif "So Sad"){kind=icon}
今次又係買SCANIA頭，貨車界入面有邊款頭係型得過SCANIA？
Boxit呢間公司係乜黎既呢？冇了解過，亦都冇興趣了解，但你間公司車隊上色實在好岩胃口吧，ＷＳＩ一出圖就已經搵左FACEBOOK 1/50群組入手
以下真車圖，BB 80 383就係今次既主角
實體車圖／其他同款車圖／boxit公司最底都有一張實體車圖
好可惜既係，點解既呢，點解WSI出左咁多年貨車都會犯Ｄ咁低級既錯
車頭水牌變左S730，唔係我買左錯體，係架架都係咁，好啦，我當睇唔到啦，唔係可以點
俗語有話「開卷有益」，咁開箱有冇益呢！？（喂
超過半米長既外盒，入面就係得咁多野
說明書一本通用，架架都係呢一本，大量細小零件包成一袋仔，例如墊油壓腳用既墊地塊，貨架圍欄咁
但架車貨架上本身已經有圍邊(不可拆)，圍欄今次完全用唔著，唔知點解跟埋
仲有一支廷伸臂「飛Jib」，貨櫃兩個，當然仲有架車本體啦
落地
後面拖架ＬＯＣＫ埋一齊就拆唔返出黎，悲劇了，真係要拆的話勁驚會爛，唔好搞了
車頭，係有少少ＱＣ問題，另外全車頭尾都有Ｄ凸出黎既燈仔，勁驚整斷，有時模型太精細好似都唔係好事
今次轉向有睇頭，ＷＳＩ既車，尤其係４擔雙轉向既款，好多時都只有極微轉向，真係叫有Ｄ野郁下咁就算
好難得今次咁夠軚
上面講完個盒幾長，而家講埋架車幾長，連埋架過40CM
重型車就係鐘意有返咁上下重量感同複雜性，成件事好鬼有霸氣，１／５０好鬼好玩呀喂
全車車尾，由此可見凸出黎Ｄ燈仔，感覺超脆弱
尾燈真車都係成排過，模型唔用透明件，原本好型既燈變到好卡通，遠睇誇啦啦，近睇吹晒喇叭
燈面仲要噴層光油上去，實物睇落勁似貼紙
呢到亦睇到拖架條BAR包住左，唔係爛左，只係呢到都有一支好細既棍仔，甩左之後條BAR可以伸縮，但實在太易唔見了，有得佢包住好過
另外留意，雖然尾擔都係孖呔擔，但呢架車只有8X2，８個轆入面，得第３擔兩個轆係動力輸出，載完貨櫃，仲要拖個貨架，咁既設計幾大膽
伸隻腳出黎先，貨架上面細節滿滿的，啡色既地方係木板黎，實物整得唔錯的，影相，我真係影唔到Ｄ乜出黎
最重要都係支臂，非常多標籤，運貨櫃既車再加支臂，上貨櫃都可以自己搞掂
另外，今次套轆電鍍色（合金軨？），閃令令好靚
開臂，今次支油壓冇乜力水，ＨＯＬＤ左一陣就自己跌左落黎
[/url]所以支臂既油壓都開左孔位比你固定，但成件事好核突
另，拖架可以收起中間條擔，但效果唔明顯
支臂最前一節可拆，之後再裝「飛Jib」
本身呢張相我仲想影埋兩個貨櫃，看似一模一樣，但重點在細節，兩個櫃身上面既編號係唔同的
但完全唔記得擺上黎要縮相先貼得，執相先知，而家好似影唔到比大家睇啦
油壓腳，唔好寄望可以撐起架車啦，做樣而已
然後個貨櫃呢，ＷＳＩ出左咁多年都唔開得門，一舊長方體，但手感其實勁好，仲有返咁上下重量感
連埋「飛Jib」一齊收起支臂，不過就凸晒出車身外面，我諗真車都唔會咁樣收吧
屋仔車頂都有唔少野起上面，仲有支臂下面既地台，上色超正
同之前入手既平治黎個合照，兩架車支臂唔同方向
合照
用二牛九魚入手，貴到呢
不過唔駛自己錢入手（好似係）
實在係忍唔到自己隻衰手ＴＨＸ ＦＯＲ ＲＥＡＤＩＮＧ ．(ゞω< )！？
![[photo]](https://www.hkbf.org/images/smilies/Photo.gif "傾偈無圖無偈傾")
