「謎之聲：唔准你話我矮仔，你就矮仔，你全家都矮仔」
![[banghead]](https://www.hkbf.org/images/smilies/icon_banghead.gif "我撞牆死左佢算啦！"){kind=icon}
呢期講好長既矮仔，毫無疑問肯定係３ＢＬ１啦
ＥＣＷ矮車身配上１２米長既配搭，山頂上唔到，郊區行唔到，矮黎做乜？
![[sosad]](https://www.hkbf.org/images/smilies/icon_sosad.gif "So Sad"){kind=icon}
嗯！！賣點黎姐，咪問啦！
全球唯一一架ＥＣＷ利蘭３門１２米，咁都有金屬模型出，駛唔駛玩到咁大呀（中巴架ＬＬ１冇服役過當睇唔到啦）
去相！
實物到手之後，車頂又唔係話好似３１２ Ｄ相咁圓
頭牌果一劃紅線，係有心咁樣狗牙定係ＱＣ問題呢？架架都係咁
車尾，今次最滿意係上層車尾傾斜得十分完美，但果幾個風口真係一大敗筆，一塊黑色，底下仲要係平面，冇紋的
感覺車尾好似都幾厚油，實物都尚叫做還可以，影相，乜紋都見唔到
正面門位，咁睇果幾隻車門，同車身都有幾明顯既色差
正面梯位，有模型先知，原來３ＢＬ１樓梯位隻窗係冇扶手的，就算佢係沙田廠車都好，但對呢架車依然好陌生，唔好話搭，見都唔多
３ＢＬ合照，矮係３ＢＬ１既萌點吧
再黎ＥＣＷ合照，ＢＬ１—３我就冇啦，用架ＢＲ２一樣姐
車尾，ＢＣ果架冇左車身應有既斜位，但車牌用埋膠片，風口雖然冇上色，但至少有晒應有既紋路
計整體唔夠３ＢＬ１砌，但細節真係唔輸蝕
ＢＣ呢個模，唔覺唔覺已經十幾年前，但而家有對比之下，唔可以話好，但都叫唔失禮
而且好犀利既係，架ＢＲ２到而家依然一粒疹一粒泡一Ｄ裂油都冇，全車靚油，驚不驚喜，意不意外
＊今次ＱＣ還可以啦，最大問題係上層頭窗窗框，好多架都油唔靚
另。真係可唔可以等油乾晒先入吸塑？幫埋朋友買，開兩架，兩架都比吸塑壓到車頂有印
吸塑好有心咁凹一忽避開車頂果兩劃黑線，然後就壓到車頂左右有多另外兩點凹坑，好彩既係反光先見
ＴＨＸ ＦＯＲ ＲＥＡＤＩＮＧ ．(ゞω< )！？
![[photo]](https://www.hkbf.org/images/smilies/Photo.gif "傾偈無圖無偈傾")
～ 
