空白
『　　』，作為本作「台譯:遊戲人生」既主角，空「兄」與白「妹」起遊戲世界裡以『　　』為帳號匿稱，以天才玩家既姿態稱霸遊戲界。
但起現實中，兩兄妹其實係尼特族＆家裏蹲，對於現實世界既睇法，只覺得係一個垃圾且失敗既人生遊戲

「你們兄妹有沒有感覺過，自己生錯了世界呢？」
「如果有一個世界，禁止所有殺傷掠奪，小至鄰居紛爭，大至國家領土，一切事情都可以以遊戲來解決，你會有興趣過來嗎？」

收到異世界唯一神「特圖」既邀請，空與白穿越到擁有１６種族既異世界，從空中降落到排名第１６，最後一個屬於人類種既國家........

---

近年日本既異世界小說／漫畫作品氾濫，NO GAME NO LIFE算係小數表現突出而且須要用腦既作品
而作者榎宮祐插畫作品亦充滿獨特性，每幅圖都會幾乎用晒所有顏色作畫，起眾多作品裡面都可以一眼分出佢既作品。

「さあ、ゲームを始めよう！」

今次既收獲「左同右」

說實話畫集呢類既書籍，尤其動漫類既畫集，值唔值得買真係見人見智
只要你有一直追開同作品既輕小說，入面既插圖幾乎都見過晒
但作為藝術作品或一個合集當做收藏用，亦未嘗不可

而今次既內容算十分豐富，硬皮外盒，當然入面唔止得一本書咁簡單，畫集本冊，原稿畫集，文件夾名信片，仲有一張Ｂ２SIZE 海報
外盒封面「白」及底「空」

外盒內亦都有兩幅圖，人物設定十分相似，但係屬於小說第６章／動畫劇場版既角色，「休比」．「裡克」
另：劇場版電影「NO GAME NO LIFE ZERO」私心，真心推薦，近年劇場版動畫入面最高質既作品

---

介紹完原著作者初畫集，再黎女主角「白」既ＰＶＣ
FIGURE既動作設定都係原畫入面挑選出黎的

外盒設計總覺得普普通通的，盒既正面只影左上面一張就冇影到了，今次隻FIGURE十分脆弱，開盒超驚整爛隻FIGURE

開箱，「白」既賣點，超長既漸變色頭髮，配合台座同角度營造出飄浮感覺

可愛既臉蛋，舔緊果張啤牌係Ace，不過得自己睇到，拆唔到出黎啦，左手拎住既係西洋棋「國皇同皇后」

頭髮，今次最大既看點，漸變色，加上飄逸且分散既複雜性，硬身材質，十分易斷，拎上手要非常小心


原畫中飄浮既啤牌，成為實體後就以頭髮做固定

台座亦有點心思，斜面設計，棋子塗裝為光面

　空白
『　　』之後勝出左不受規則限制既西洋棋比實，成為人類種既國皇同皇后，皇冠塗裝十分突出

白「しろ」


最後呢，其實呢兩張係最先影既，背景就係畫集入面既Ｂ２海報，但影出黎實在太花了

呢個姿勢，就算用左金屬支架，都唔太有信心佢可以支撐好幾年，只怕會越擺越低吧

---

唔計佢會唔會越擺越低，ＧＳＣ造工真係一流中的一流，買過其他廠出過的，擺埋一齊高下立見
由動作設計，塗裝到細緻程度，無一能及，不過而家ＧＳＣ出既幾乎每次都推遲，呢隻，又等左足足１年半
慢工出細貨就係呢Ｄ啦

ＴＨＸ　ＦＯＲ　ＲＥＡＤＩＮＧ

本art book之前重睇緊訂唔訂好，早知一早訂左先，依加好似停左訂

simon1980418 on 2019年4月24日 21:38:45: 本art book之前重睇緊訂唔訂好，早知一早訂左先，依加好似停左訂

信禾底應該仲有得賣的，不過就唔係初回限定版
我都係Twitter見到出，之前冇訂直接衝信禾買的