#1
(麻帆良市時報記者キズナアイ報導)
はい、ども! キズナアイです~♥
踏入 2016 年, 龍運巴士營運初期引入嘅機場巴士已屆法定退役之齡,
龍運喺引入新巴士以替換舊車之時, 亦銳意革新其企業形象。
而新車嘅選取方面, 雖然依然係目前香港巴士市場普遍採用,
由 Alexander Dennis (ADL) 生產嘅 Enviro500 MMC "Facelift" 版雙層巴士,
但係新車換上全新嘅龍運巴士車身色彩, 在在令人眼前一亮,
除左客車版使用, 被戲稱為 "抽油煙機" 嘅車身塗裝之外,
仲有被戲稱為 "扶手電梯" 嘅半客車版車身塗裝,
到底大家又鍾意邊隻車身色多啲呢?
市長 Super Bus 話佢會鍾意 "扶手電梯" 色多啲啦,
今日到埗嘅呢架 VE573, 車隊編號 2502 嘅 Enviro500 MMC "Facelift 12m 巴士,
就係其中之一, 呢批半客車版 E500 MMC 巴士, 係龍運巴士喺 2016 年
訂購嘅 10 架半客車版 E500 MMC 巴士 (2501 - 2510) 嘅其中一員,
喺 2017 年 10 月至 2019 年 2 月間投入服務,
今日我地就一睹呢架 "扶手電梯" 塗裝嘅龍運 E500 MMC 巴士嘅風采啦!!
隆重歡迎! 龍運 ADL Enviro500 MMC "Facelift" 版雙層巴士, 2502, 見參!!
證書編號 0137, 限量推出 600 架
正式落地!!
(キズナアイ) 大家一齊嚟坐扶手電梯啦~ ♥
同早前到埗嘅紅巴 MMC Facelift 相會
抽油煙機同扶手電梯, 你會鍾意邊架?
龍運巴士新形象
題外話 -- 日前又一架 E500 MMC 喺中環燒通頂,
已經係一年內第二架 MMC 做左 "烈火戰車", 好奇怪點解自 Trident 系列面世以來呢款車特別惹火,
如果批 Facelift 都玩埋自焚嘅話都咪話唔和味!
到底係咪因為呢款巴士喺設計上存在先天性嘅隱患令佢地特別易燒車呢?
又令人不禁聯想, 早前獅航同埃航先後發生致命空難,
已經令所有波音 737 MAX 客機被下令全面禁飛,
假如香港嘅 E500 MMC 同 Facelift 都因為出現問題或者某些原因需要全部停駛,
以呢款巴士數目喺全港已經有超過二千之數而且仲係九龍城新都有同款巴士服役中,
實在好難想像香港嘅巴士服務, 以至其他公共交通服務到時會混亂到乜野程度...
(純粹老噏, 不喜勿插)
Thanks for reading~
