ZF D10A 9036 @ 25A
專利富豪全線前夕，當日特登搭108上寶馬山，果然等咗一陣就有架ZF豪來。由細到大喺西環長大，本身對城巴ZF D10A豪無乜好感，一來又chok又無力，二來水箱聲無Voith車咁大聲咁好聽，更加唔好同康偈比。雖然呢段片裏面落斜為主，但係師傅落斜時不停鎖波製做水箱聲，加上精湛嘅飛車技術，令到條片生色不少。


Voith D10A 608 @ 5x
呢條片係無心插柳柳成蔭之作，嗰陣純粹想影吓5x因中聯辦遊行而改道嘅路線，點知拍攝之時已經行返原路。當日平平無奇之作，今日已經不復見。雖然拍攝嘅時候係2月水箱聲唔太出，但係低頻嘅水箱聲加埋波箱引擎聲，實在令人非常懷緬。



ZF Cummins 418 @ 962x
呢兩條仲搞笑，好日唔入一次屯元天，當日因為燒野食而遠征大西北，所以有部相機喺身，更好彩搭到康偈ZF豪而唔係6頭豪。當日嘅相因為電腦壞機已經冇晒，留低嘅反而係呢兩條片。好明顯聽得出康偈ZF豪水箱聲同之後嘅富豪唔同，更加似利蘭水箱聲+小小富豪水箱聲，聽起來甚有味道。

水箱聲真係好聽