香港巴士論壇

2020.3.13 JRダイヤ改正前夕
於1990年4月28日投入服務，運行スーパービュー踊り子号將近30年的251系電車於今日正式退役。(我都唔知點解要寫書面語 )

可惜嘅係我從來都冇去過伊豆半島，所以就冇機會搭185系同251系。不過，我上一次去東京嘅時候都有幸見識過251系最後嘅身影。


於東京站9號月台上客


走左過去對面8號月台影全組列車

除住251系退役，スーパービュー踊り子号亦隨之停駛，取而代之嘅係全新嘅E261系サフィール踊り子号。估唔到依款作為JR東日本第一款直流特急列車(第一款係651系)同埋1991年桂冠獎獲獎列車竟然會短命過老前輩185系......(雖然185系都唔係舊好多)而185系嘅小部分踊り子号班次亦將系今次ダイヤ改正轉由翻新完成，由中央本線轉至東海道本線嘅E257系2000番台營運。

希望JR東日本會保存個頭卡啦(仲短命嘅E351系都全車解體，恐怕凶多吉小......？)

JR東日本連以前擺大宮嘅301系同EF15都拆埋,直覺上未必都會保留

HA7501 on 2020年3月13日 23:41:40:JR東日本連以前擺大宮嘅301系同EF15都拆埋,直覺上未必都會保留

認同。畢竟大宮鐵博擴建後都剩系擺得落部400系同埋E1系(仲要系戶外)，得個擺字對於鐵道公司嚟講真係毫無保留意義......

呢三部車都被海水摧殘到甩皮甩骨，點都唔會保留架喇，而且佢對JR嚟講又無乜特別意義，都係劏架喇。
251係我好鐘意好鐘意嘅車，由細個玩車票開始陪住我成長，到大個有能力去日本玩，有帶屋企人試搭過。
知道3月改時間表佢就會消失，2月尾仲特登走去送別一下，好彩都影到好多靚相。
無憾了