大家見到標題都應該估到要貼乜出黎啦
１／４３ 中巴勝利二型 勝利2型退役至今已經20年，但對於70/80後黎講，相信大部分人都仲係記憶猶新
同型號既巴士起各大巴士公司到都有影蹤，普及程度造就勝利2型能夠深入民心
雖然稱唔上係成功既車型，但種種已成過去既優點缺點，而家諗返反而更令人回味
1/43 車系出左幾款，一直都唔係我杯茶
但係講到勝利2型，仲要係中巴的話，實在不能錯過啦
![[sosad]](https://www.hkbf.org/images/smilies/icon_sosad.gif "So Sad"){kind=icon}
不過有咁多架LV比你出，點解會出LV30呢？
「勝利廿載。光榮引退」果隻新巴色，我唔見得新巴會肯比版權方丈出
所以就索性出架中巴色嗎？
其實我幾期待會見到「光榮引退」會彈到架1/43出黎，但似乎都係諗下好了
講返架模型
今次唔開得司機門，絕對係一大失望位
，但認真睇外殼細節同之前出既九巴色比較，算係有唔少地方改動左，只係過於平直既車頭，依然平直
因為係預訂，今次仲送多個木製匙扣，同埋4套路線牌
路線牌要預訂先有，所以好早就比晒錢，政府果一萬蚊用唔到落呢架野到啦
去相啦
![[photo]](https://www.hkbf.org/images/smilies/Photo.gif "傾偈無圖無偈傾")
外盒，依然係一個紙皮箱
另一個外盒，同九巴果個幾乎一樣，只係轉左藍色
開九巴箱果陣覺得幾有新意，但今次開就覺得好普通了
開箱箱
木製匙扣，超輕，可以肯定呢塊野長期擺返起個盒到收埋
仲有路線牌4套，模型本體
路線牌有驚喜架，CMB 私家車 呢個完全估佢唔到
證書就。。。再一次用同一設計，睇過就算
板友「愛麗絲公主」一言驚醒洛克人，大家一定對藍色既ＫＭＢ充滿回憶吧！
呢個錯誤太好笑了
模型出場，中巴色，堅係靚
車頭好似比九巴更順眼（非私心），頭窗有玩半開狀態，幾有味道
司機門就。。。明明咁難開既上落摺門都整到
呢個只係向外開，可以用單一較位就做到既野，竟然唔做，非常失望啦
車尾，中巴雞車最大特色就係冇左車尾泵把
原泵把位直接用埋車身金屬傍板代替
門位尾，油缸位有油紅
係咪覺得呢隻雞有雞味過九巴果隻？
開門功能係必須要試既位啦，雖然九巴果架都已經玩過
但中巴呢架，隻落門太緊了吧
上落樓梯上晒色，好靚
另外落門樓梯位並冇中間條扶手的，唔係缺件啦
梯位，冇得開司機門之後，呢邊就好普通了
另外司機門頂條隔水槽，模型其實可以再造得再凸啲顯眼啲
近看車頭，雞翼窗開左係幾得意，中巴咁多年都保留到入水蓋，反觀九巴幾乎架架都冇晒
另外水撥用返黑色咪幾靚仔，唔明九巴點解要用銀色
緊急死火掣就起水箱網上面
中巴起呢隻亞歴山大CB型車身既水箱網處，加上細細隻既CMB
雖然大家都望慣晒架啦，但呢件事仍然相當有特色
車內，樓梯位既細字
再黎車籠，有冇勾起大家Ｄ回憶呢？
1/43呢個比例就係正啦
唔係話以前1/24唔好，只係太重搞到平時都唔會想拎出拎入
而且「空間殺手」呢個問題都好嚴重，重型車模型，1/43好夠架啦
仲有入面用晒硬板椅，椅背斜度比起九巴正常得多
大頭特寫
然後就黎試換路線啦
之前起FB都有人講過呢架野行開南區，唔會行9號
然而，附送既4套路線，得4號叫做行下南區
19，與8X同路（大誤
附送路線，好似都必然會比一條過海線比你
109，去打仗
中巴色配過海線，靚仔過九巴好多
然後
我覺得最正既一套，CMB
但似乎除左係咩咩巴士大集會之外，都唔會有司機咁好心機攪晒3邊CMB啦
然後就悲劇了，車頭個CMB牌造得太靚
冇落膠水冇雙面膠就咁擺落去，竟然點挑點刮都拎唔返出黎
就係因為塊牌，呢篇應該尋晚就出到既文，搞到今晚先出到黎，好彩最後都甩到塊牌出黎，但塊牌就花晒了
同九巴一樣，應該以後都唔會再換牌了
最後當然要同架九巴合照一下啦
車頭拍埋就好明顯了，牌箱果啲就一定唔同啦
連下層頭窗位明顯都有分別
車尾，有泵把同冇泵把，其實又好似有泵把好睇啲
上層太平門亦比九巴果架更顯眼
再黎同法國雞合照，拍埋就完全比下去，但計性價比點都係法國雞優勝
仲有勝利親子丼，松、竹、梅
狗仔廠係勁既，廿年前既技術，１／７６一樣做到司機門出黎，可惜呢間已經唔再做香港市場
其實早起九巴初模出場之際，我已經好期待中巴既出現
直情係「只要不是怪獸，都會課金」果種期待
所以即使今次都有啲地方係有問題都好，我依然好鬼鐘意呢架野，不得了啦
除左勝利２型之外，１／４３巴士模型繼續免疫
最後既最後，你去行６號？唔好玩啦
＊門底粒「的」仲大塊過九巴果架，勁想啪走晒佢
ＴＨＸ ＦＯＲ ＲＥＡＤＩＮＧ
