香港巴士論壇

好耐冇見大家！

既然大家都爭取嘅將軍澳隧道轉車站即將落成啟用，又經過最近留意到啲議員呀、地區組織呀嗰啲不同嘅要求，我就作出當區居民嘅責任去交出我嘅最新想法。

目的：
1. 加強各區連接轉車站
2. 增加某啲外區路線計劃，從而減少市區入區內浪費

涉及路線：
九：13P、62X、93M、93K、98、98A（特）、98B、98C、98S、213D、214、269X（新）、290E（新）、293（新）、296A、296C、296D、296P、297、297P
新：796B（新）、796C、796E、796P、796S、796X、797、798、798A、798B、798C（新）、798P（新）

內容：
1. 取消路線騰空部分資源：
由於路線涉及眾多，為使整套計劃進行，建議以下路線取消並重組：
A. 現有路線全面取消：93M、93K、98C、296P、297、797M
B. 現有路線延長：62X、214、296C
C. 新路線：269X、290E、293、796B、798C、798P
D: 現有路線加強服務：13P、297P、798A、798B

2. 加強或改善服務路線：
2.1 來往美孚路線：
－13P增設由回程由美孚往寶達之路線，來回各設四班車。
－98S轉為20分鐘一班全日服務
－因應98C取消後美孚係有空間剩下，建議214延長至美孚，而796C則延長至長沙灣（甘泉街）

2.2 來往新界西北路線
－62X成為屯門公路轉車站來往將軍澳路線，經轉車站及隧道後前往坑口及寶琳，原有之藍田、油塘路線由259D及延長258D取代，而259D全日不入市中心，新62X不停彩虹、鑽石山、樂富、畢架山花園，增設屯門公路轉車站。（來往屯門及將軍澳路線有議員提出）。由於此線減少市區停車，加上 297取消後10部用車只保留西部行297P，應該夠用。
－新路線269X成為大欖隧道轉車站來往將軍澳路線，由天瑞開出，經天耀後前往大欖隧道，再經黃大仙、九龍灣同觀塘（以三個大站上落），再經轉車站及隧道及前往尚德、調景嶺及日出康城。（由於經過觀察，要考慮元朗有唔少乘客來往將軍澳）。而此路線平均每時段30分鐘一班。因應有大批乘客由元朗及天水圍經黃大仙轉車入將軍澳，因此此線資源建議由93K、268C、269C、290抽調。
－新路線290E又係青衣區議員有人提出過直車，亦都同隔離網有人經常提出嘅將軍澳往荃葵青路線要經將軍澳隧道，咁就提出呢個方案，每班都係大概30分鐘一班，而走線比較似42C嘅延長版，即長宏、長亨、長青、青衣邨、長安，然後經公路至筆架山、黃大仙、彩虹，再停九龍灣站、觀塘市中心，然後到轉車站，終點站設於坑口北。因應現時42C班次頻密得嚟又有不少乘客轉車入將軍澳，因此此線用車將由42C及93K抽調。

2.3 來往觀塘路線
－因應93K取消，建議95M延長服務至牛頭角，新增用車一部由93K抽調。
－98A改革（現有98A掛牌數為15部）：
（1）原有路線98A改為每60分鐘一班，全程用車為2部
（2）原有98A特別班次改稱298A，將軍澳只停坑口及寶琳，全日10-15分鐘一班，由於全程行車時間應該可以比行足現時81分鐘一程大減為55分鐘一程，大約用車為8部
（3）原有98B改為坑口直出隧道，並於隧道口直往厚德邨並不入醫院，估計全程行車時間約60分鐘，用車6部。其中一部車由取消93K而獲得
－因應有不少議員（係除咗淋病七鵝競選時競選辦主任，之後輸咗兼之後發脾四霸住個議員辦事處嘅何民傑外）都不滿彩明街路線太阻礙行車時間，建議取消796C、796E及796X繞經彩明街嘅安排，改由796S恢復全日30分鐘一班。而為咗配合將軍澳南新設激安之殿堂嘅安排，此線改由新站海天晉開出，來回繞經將軍澳站、（藍塘傲）、調景嶺站、（彩明街），循環線來往牛頭角站，全日30分鐘一班。

2.4 來往九龍灣路線
－因應297取消，建議將現時平日朝早及黃昏繁忙時間路線296P，改為新版296C，將軍澳總站延長至坑口站，並取消經過觀塘道。此路線改為每日頭班至晚上九點行九龍灣至麗港城段偉業街，而晚上九點後則改經觀塘繞道
－取代93K、部分98C及部分297嘅新線293，係來往紅磡碼頭及寶琳站嘅路線，經啟德、九龍灣、觀塘繞道、轉車站、隧道、以694路線行駛至欣明苑，每 20－30分鐘一班，11部用車減為7部
－297正線因為非繁忙時間客量不足維持而考慮其他需要而建議取消，但保留297P線兼來回入清水灣半島，用車維持4部

2.5 來往新界東路線
－因應目前798服務出現繁忙時間多人而非繁忙時間有不少轉車客前往大圍、馬鞍山及大埔（至少，馬鞍山嗰條有招標，大圍及大埔係有各自區議員要求有車），建議重組798系、並加設新路線。現時798A及798B由來回一班，改為全日07:00-09:00、17:00-19:00服務，每12分鐘一班。當中798A（即康盛花園經寶琳、坑口）路線尾站有沙田站改為新翠邨，而798B（即日出康城經尚德、調景嶺）路線總站改為山尾街（疫情解決後遷至駿洋邨）。而798本線只於每日現時頭車-07:00、09:00-17:00、19:00-現時尾車服務，
－根據以上情況，分別開辦60分鐘一班全日路線798C，由798原路線於大老山後改以大埔頭作終點站。而馬鞍山方面，則按照招標安排，早晚繁忙時間每45分鐘一班來往烏溪沙站（或泥涌），新線定位798P。而上水因暫時未見任何議員提出要求，而且277E班次已經足夠滿足需求而不作調整。

2.6 來往機場及過海路線
－建議路線613增設與98B、296A、298A轉乘計劃，同現時98A轉613計劃相同
－由於預計稍後可能會改用將南隧道，故此不建議任何關於A29、E22A、E22P等嘅改道建議

更詳細建議可以PM或回文商談一下。謝謝

1. 296C唔經觀塘道, 觀塘道就無車來往深水埗
2. 98A減至60分鐘一班, 山上去觀塘轉車客點處理？
3. 98B/296A/298A響邊到轉613？轉車站行上興田？

檸少 on 2020年5月21日 16:26:04:2.2 來往新界西北路線

我唔贊成開全日新界西路線
首先, 我就唔覺得真係多人到要開直線
同埋條線skip觀塘市, 可以避開塞車都話啫
又要塞入觀塘, 又要半個鐘一班, 不如加強接駁轉乘仲好啦

_________________
　

ck38 on 2020年8月8日 22:05:12:

檸少 on 2020年5月21日 16:26:04:2.2 來往新界西北路線

我唔贊成開全日新界西路線
首先, 我就唔覺得真係多人到要開直線
同埋條線skip觀塘市, 可以避開塞車都話啫
又要塞入觀塘, 又要半個鐘一班, 不如加強接駁轉乘仲好啦

龍翔道同屯公塞一塞，3 個鐘都唔知行唔行得完。

_________________
‧ Simutrans - Hong Kong Workshop 香港工作室 ‧ Euro Truck Simulator 2 ‧

大西北路線應該未至於要全日化，可以試行繁忙時間班次先，加上若要經過觀塘一帶塞車熱點相信未必有吸引力。